Merkel Bundestaqa yeni seçkilərin keçirilməsinə tərəfdardır
Tarix: 22.11.2017 | Saat: 00:10:00 | E-mail | Çapa göndər


Almaniya kansleri Angela Merkel bundestaqa yeni seçkilərin keçirilməsini istəyir. Angela Merkel bunu ARD telekanalına müsahibəsində bildirib. Bir qədər əvvəl Almaniyanın Azad Demokratik partiyası kanslerin XDİ/XSİ bloku və “Yaşıllarla” koalisiya qurmaq (“Yamayka” koalisiyası) barədə bir neçə həftə davam edən danışıqlardan çıxıb. Bununla yanaşı, “Almaniya üçün alternativ” partiyası Merkeli istefaya çağırıb. İstefa təklifini rədd edən kabinetin başçısı azlıq hökumətinə skeptik yanaşdığını qeyd edib və onun əvəzinə yeni seçkilərin keçirilməsini məqbul saydığını bildirib. Eyni zamanda, Merkel ZDF telekanalına müsahibəsində sentyabrın 24-də keçirilən seçkilərin nəticəsi üzrə yeni hökumətin formalaşdırılması məsələsində danışıqlara hazır olduğunu bildirib. “Bu gün səsləndirilən bəyanatlar belə fikir yaradır ki, sosial-demokratlar əvvəlki kimi məsuliyyəti öz üzərlərinə götürmək istəmirlər. Lakin bu məsələni onlar özləri həll etməlidir. Mən isə danışıqlara hazıram”, - deyə o qeyd edib. Danışıqlar uğurla başa çatsa “Yamayka” bundestaqda 709 mandatın 393-nə (55 faizinə) sahib olacaqdı, lakin liberallar bundan imtina etdikdən sonra qalan danışıq üzvləri çoxluğa nail olmayaraq cəmi 44 faiz mandata ümid edə bilərlər. Sosial-demokrat partiyasının (ASDP) Xristian-demokratik və Xristian-sosialist ittifaqı bloku (XDİ/XSİ) ilə “böyük koalisiyada” iştirakdan boyun qaçırması 399 mandatlıq (56 faiz) çoxluq hökumətini qurmağa imkan verən daha bir variantın da üstündən xətt çəkib. Xatırladaq ki, Xristian-demokratik və Xristian-sosialist ittifaqı bloku (XDİ/XSİ), Azad demokratik partiya və “yaşıllar” arasında koalisiya hökumətinin qurulması üzrə bir aydan çox davam edən danışıqlar nəticəsiz başa çatıb. Tərəflər gündəliyin əsas məsələləri üzrə razılığa gələ bilməyiblər. Bununla yanaşı, Almaniya sosial-demokrat partiyasının (ASDP) idarə heyəti noyabrın 20-də Angela Merkelin mühafizəkar bloku ilə koalisiya qurmaq üçün danışıqlar aparmayacağı barədə qərarını açıqlayıb. Bununla da vəziyyət siyasi böhran həddinə çatıb.




 
Bölməyə aid digər xəbərlər
26.05.2019
Baş nazir Şinzo Abenin iyunun ortalarında İrana səfəri gözlənilir
26.05.2019
İran ABŞ-ın qeyri-hökumət təşkilatları ilə danışıqlar aparır
26.05.2019
Bu gün 21 ölkədə Avropa Parlamentinə seçkilər keçirilir
26.05.2019
Fransada “sarı jiletlər“in aksiyasında 12,5 min insan iştirak edib
26.05.2019
Bu gün Litvada prezident seçkilərinin ikinci turu keçiriləcək

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10790

1 Üç müharibə iştirakçısı olan general-mayor
2 Oqtay Zülfüqarovun uşaq mahnıları müasir aranjemanda səslənəcək
3 “İrəvan quberniyasına aid arxiv materiallarını oxuduqca hiss edirsən ki, buralar döğma torpaqlardır”
4 Erməni əsilli gimnast: Mxitaryanın yerində olsaydım, komandamla birgə Bakıya gələrdim
5 Vahid Rzayev:”Səhər gördük ki, ermənilər arxiv sənədində özlərinə sərf etməyən hissəni qayçı ilə kəsiblər”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info