“Əmək və Əhalinin Sosial Müdafiəsi Nazirliyi və UNİCEF arasında uğurlu əməkdaşlıq təcrübəsi yaranıb”
Tarix: 22.11.2017 | Saat: 15:25:00 | E-mail | Çapa göndər


Səlim Müslümov: “Uşaq Bərpa Mərkəzində və Xüsusi Qayğıya Ehtiyacı olan Uşaqların Dövlət Reabilitasiya Müəssisəsində 3 min nəfərə yaxın uşağa bərpa müalicəsi xidmətləri göstərilib”

Əmək və Əhalinin Sosial Müdafiəsi Nazirliyində BMT Uşaq Fondunun (UNİCEF) Mərkəzi və Şərqi Avropa, MDB ölkələri üzrə regional direktoru xanım Afşan Xanla görüş keçirilib. Görüşdə Azərbaycan Respublikasının BMT-nin Cenevrə şəhərindəki bölməsində və digər beynəlxalq təşkilatlar yanında daimi nümayəndəsi Vaqif Sadıqov, UNİCEF-in ölkəmizdəki nümayəndəliyinin rəhbəri Edvard Kavardin və nümayəndəliyin digər rəsmi şəxsləri iştirak ediblər.
Əmək və əhalinin sosial müdafiəsi naziri Səlim Müslümov Prezident İlham Əliyevin gələcəyimiz olan uşaqların fiziki və mənəvi inkişafına xüsusi diqqət və qayğısından bəhs edərək, bu istiqamətdə ölkəmizdə həyata keçirilən kompleks tədbirləri diqqətə çatdırıb. Azərbaycanda sağlamlıq imkanları məhdud uşaqların və sosial təhlükəli vəziyyətdə olan yetkinlik yaşına çatmayanların reabilitasiya yönümlü sosial xidmətlərlə təminatı sisteminin qabaqcıl dünya təcrübəsi əsasında təkmilləşdirilməsi sosial müdafiə sahəsində aparılan islahatların əsas istiqamətlərindən biridir. Məqsəd həmin uşaqların dövlət uşaq müəssisələrinə düşməsinin qarşısının alınması üçün onlara və ailələrinə göstərilən sosial xidmətlərin əlçatanlığının, əhatəliliyinin və reabilitasiya baxımından səmərəliliyinin daha da artırılmasıdır: “Hazırda respublikada sosial təminat sistemi vasitəsilə sağlamlıq imkanları məhdud uşaqlara, müharibə əlillərinin, şəhid ailələrinin, aztəminatlı ailələrin, Çernobıl əlillərinin uşaqlarına, beşdən çox uşağı olan anaların uşaqlarına sosial ödənişlər həyata keçirilir. Eyni zamanda, sağlamlıq imkanları məhdud uşaqların sağlamlığının bərpası sahəsində məqsədyönlü işlər aparılır və bu işlərin davamı kimi, cari ildə nazirliyin Uşaq Bərpa Mərkəzində və Xüsusi Qayğıya Ehtiyacı olan Uşaqların Dövlət Reabilitasiya Müəssisəsində 3 min nəfərə yaxın uşağa bərpa müalicəsi xidmətləri göstərilib. Nazirliyin sağlamlıq imkanları məhdud uşaqlar üçün iki sosial xidmət müəssisəsində 330 nəfər uşaq daimi olaraq stasionar şəraitdə sosial xidmətlərlə təmin edilir. Sağlamlıq imkanları məhdud uşaqlar üçün həm reabilitasiya, həm də sosial xidmət müəssisələrində yüksək standartlara uyğun nümunəvi şərait yaradılıb”.
S.Müslümov nazirliyin sosial sifarişləri əsasında icra olunan sosial xidmət layihələrinin və bu layihələr çərçivəsində sosial xidmət göstərilən şəxslərin, o cümlədən uşaqların sayının ildən-ilə əhəmiyyətli şəkildə artdığını diqqətə çatdırıb. Nazir layihələr üzrə ölkənin ayrı-ayrı bölgələrində günərzi qayğı və icma əsaslı reabilitasiya mərkəzlərinin fəaliyyət göstərdiyini, eşitmə və nitq qabiliyyəti olmayan, habelə autizm sindromlu uşaqların, risk qrupundan olan uşaqların və ailələrinin reabilitasiya məqsədli sosial xidmətlərlə təmin edildiklərini diqqətə çatdırıb: “Prioriet istiqamətlərdən biri də gələcəkdə bu sosial xidmətlərin əhatə dairəsinin ölkənin bölgələrində sosial xidmətlərə ehtiyacları müəyyən edən sosial xəritələşmə əsasında genişləndirilməsidir. Digər tərəfdən, bu sahədə çalışan işçi heyətinin ixtisas səviyyəsinin yüksəldilməsi, sosial xidmətlər formatında reabilitasiya işinin keyfiyyətinin və növlərinin artırılması, yeni yanaşmalar, metodlar əsasında təkmilləşdirilməsi diqqətdə dayanan məsələlərdəndir”.
Nazir bu sahədə ötən dövrdə UNİCEF-lə əməkdaşlıqda görülən işlərin əhəmiyyətini diqqətə çatdırıb: “2014-2015-ci illəri əhatə edən birgə Fəaliyyət Planımız “Uşaq qayğı sistemində islahatlar” üzrə birgə Tədbirlər Planının yerinə yetirilməsi, uşaqlarla bağlı sosial xidmətlər sisteminin təkmilləşdirilməsi və bu sahədə aparılan işlərin, eləcə də çətin həyat şəraitində olan uşaqların və onların ailələrinin sosial xidmətlərə çıxışının texniki dəstəklənməsi, müvafiq peşəkar kadr potensialının bilik və bacarıqlarının artırılması, uşaqlarla bağlı sosial xidmətlərə olan tələbatın və bu əsasda sosial sifarişlər üzrə prioritetlərin müəyyən olunması və s. istiqamətləri əhatə edib. Ötən il isə Əmək və Əhalinin Sosial Müdafiəsi Nazirliyi və UNİCEF arasında 2016-2020-ci illərə dair Əməkdaşlıq Proqramı çərçivəsində “2016-2017-ci illər üçün Uşaq Müdafiəsi və Sosial Müdafiəyə dair Dövri Fəaliyyət Planı” imzalanıb. Bu sənəddə də uşaqlarla bağlı sosial xidmətlər sisteminin qabaqcıl dünya təcrübəsinə uyğun inkişaf etdirilməsinə dəstək məqsədilə vacib istiqamətlər əksini tapıb”.
S.Müslümov ölkəmizdə sağlamlıq imkanları məhdud uşaqların və sosial təhlükəli vəziyyətdə olan yetkinlik yaşına çatmayanların reabilitasiya yönümlü sosial xidmətlərlə təminatı sisteminin təkmilləşdirilməsi işlərində bundan sonra da UNİCEF-lə fəal əməkdaşlıq etməyə və bu əməkdaşlığı daim genişləndirməyə xüsusi önəm verildiyini vurğulayıb.
Xanım A.Xan Azərbaycanda uşaqların hərtərəfli təminatı, o cümlədən sağlamlıq imkanları məhdud uşaqların sosial müdafiəsi və reabilitasiyası, onların cəmiyyətə inteqrasiyası sahəsində aparılan işlərin UNİCEF-in fəaliyyət prinsiplərinə uyğun olduğunu qeyd edib. O, ötən müddətdə Əmək və Əhalinin Sosial Müdafiəsi Nazirliyi və UNİCEF arasında uğurlu əməkdaşlıq təcrübəsinin yarandığını, birgə fəaliyyətin qarşıdakı dövrdə də məqsədyönlü şəkildə davam edəcəyinə əminliyini bildirib.
Görüşdə uşaqlara yönələn sosial xidmətlər sisteminin təkmiləşdirilməsi sahəsində əməkdaşlığın gələcək istiqamətləri, Əmək və Əhalinin Sosial Müdafiəsi Nazirliyi və UNİCEF arasında 2016-2020-ci illərə dair Əməkdaşlıq Proqramı çərçivəsində imzalanmış “2016-2017-ci illər üçün Uşaq Müdafiəsi və Sosial Müdafiəyə dair Dövri Fəaliyyət Planı”nın icra vəziyyəti və bu sənəd üzrə görüləcək işlər müzakirə olunub.




Tural Tağıyev




 
Bölməyə aid digər xəbərlər
14.11.2018
“Veysəloğlu”da şirkət əməkdaşlarının tələbə adını qazanan övladları ilə görüş keçirilib
13.11.2018
Özünüməşğulluq proqramı çərçivəsində 50-dən çox ailəyə mal-materiallar təqdim olunub
13.11.2018
“DOST” mərkəzlərinin yaradılması üçün əlavə vəsait ayrılıb
13.11.2018
13 noyabr - Beynəlxalq Gözdən Əlilliyi olan şəxslər Günüdür
13.11.2018
Bütün pensiyalar artırılacaq

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10470

1 “Xaricdə təhsilimi davam etdirsəm, psixologiya sahəsini seçəcəyəm”
2 “Universitetlərdə rəhbər şəxslərin qapıları tələbələr üçün daim açıq olur”
3 Polşalı şagirdlər Azərbaycan nağıllarına illüsturasiyalar çəkiblər
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info