Azərbaycanın investisiya imkanları Buxarestdə müzakirə olunub
Tarix: 23.11.2017 | Saat: 02:21:00 | E-mail | Çapa göndər


Azərbaycanın Rumıniyadakı səfirliyinin təşəbbüsü, Rumıniyanın Sənaye və Ticarət Palatasının təşkilatçılığı, Azərbaycan, Gürcüstan, Qazaxıstan və Türkmənistanın bu ölkədəki diplomatik korpusunun əməkdaşlarının iştirakı ilə noyabrın 22-də Buxarestdə “Xəzər dənizi – Qara dəniz Forumu: Enerjidən başqa” (Caspian – Black Sea Forum: Beyond Energy) mövzusunda forum keçirilib.
AZƏRTAC xəbər verir ki, qeyri-neft sektorunda fəaliyyət göstərən 50-dən çox Rumıniya şirkətinin nümayəndələrinin iştirak etdiyi forumda yuxarıda adları çəkilən dörd ölkənin iqtisadiyyatı, sərmayə mühiti və layihələr, gömrük prosedurları, ticarət qanunvericiliyi, infrastruktur imkanları barədə tədbir iştirakçılarına ətraflı məlumat verilib. Tədbirdə Azərbaycanın investisiya imkanları barədə çıxış edən ölkəmizin Rumıniyadakı səfirliyinin əməkdaşı Fərid Məmmədov respublikamızda yaradılmış sənaye parkları, bu sahədəki müvafiq qanunvericilik və şərtlər, Azərbaycanın sənaye kataloqu, vergi qanunvericiliyi və gömrük sahəsində həyata keçirilən islahatlar, investisiya yatırılması üçün yaradılmış əlverişli şərait, dövlət əhəmiyyətli prioritet layihələr, eləcə də İxracın və İnvestisiyaların Təşviqi Fondu (AZPROMO) tərəfindən nəşr edilmiş investisiya layihələri barədə işgüzar dairələrin nümayəndələrini məlumatlandırıb.
Ölkələrin iqtisadi imkanları barədə çıxışlardan sonra tədbir iştirakçılarının Azərbaycanla bağlı sualları cavablandırıldı. Bakı–Tbilisi–Qars dəmir yolunun və Ələtdə yerləşən liman kompleksinin texniki imkanları, region üçün əhəmiyyəti və beynəlxalq yüklərin daşınmasındakı rolu diqqətə çatdırılıb.
Daha sonra tədbir işgüzar dairələrin nümayəndələri ilə fərdi görüşlər formatında davam edib. Azərbaycan nümayəndələri ilə şirkət nümayəndələri arasında keçirilmiş 20-yə yaxın görüşdə ölkəmizin xarici bazara çıxara biləcəyi məhsullar və aparıcı şirkətləri, eləcə də xarici tərəfdaşlar üçün maraq doğura biləcək layihələr barədə məlumat verilib.
Bununla yanaşı, ölkəmizdə yaradılan sənaye parkları, əczaçılıq sahəsi ilə bağlı görülən işlər barədə məlumatların əks olunduğu “Azərbaycan sənayesi: şirkətlər və məhsullar” və “Azərbaycanda istehsal olunub” adlı kataloqlar Rumıniyanın işgüzar dairələrinin nümayəndələrinə paylandı.
Tədbir barədə Rumıniyanın Sənaye və Ticarət Palatası tərəfindən verilən geniş mətbuat açıqlaması AGERPRES milli xəbər agentliyinin internet səhifəsində yerləşdirilib.




 
Bölməyə aid digər xəbərlər
20.04.2019
Türkiyə Xəzər hövzəsindən enerji ehtiyatlarının dünya bazarlarına tədarükündə maraqlıdır
20.04.2019
Əlilliyə görə pensiyaların da elektron qaydada təyinatına başlanıb
20.04.2019
Azərbaycan tekstili MDB-də yeni bazarlara çıxa bilər
20.04.2019
Azərbaycan neftinin qiyməti bahalaşıb
19.04.2019
İstanbulda Türkiyə-Azərbaycan-Türkmənistan enerji əməkdaşlığı müzakirə edilib

Şərh əlavə olunmayıb

    ,    
Fuad HÜSEYNZADƏ
Esmira Məmmədova
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10754

1 Erməni yoxsa türk qırğını?
2 Müharibə veteranlarına Prezident təqaüdü təsis edilib
3 Hemilton “Formula-1“ tarixinin 1000-ci yarışının qalibi olub
4 Ramiz Mehdiyevin sərəncamı ilə tədbirlər planı təsdiqləndi
5 Azərbaycanlı həkim-yazıçı Rusiya Yazıçılar İttifaqına üzv olub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info