ABŞ-da da QHT-ləri yoxlayırlar
Tarix: 15.05.2013 | Saat: 23:32:00 | E-mail | Çapa göndər


ABŞ-ın Vergi xidmətinin vaşinqtonlu məmurları məqsədyönlü şəkildə mühafizəkar təşkilatları yoxlamağa başlayıblar. “Vaşinqton Post” qəzeti yazır ki, Vergi xidmətinin Vaşinqton və digər iki regional şöbəsi vergidən yayınan mühafizəkar qrupların yoxlanılmasında iştirak edib. Əvvəlcə güman edilirdi ki, Vergi xidmətinin yalnız Tsintsinattidəki filialında bu işə başlanılıb.
Vaşinqtondakı qərargahın vergi mütəxəssisləri mühafizəkar qeyri-kommersiya təşkilatlarına (QHT-lərə) təşkilatların donorları və fəaliyyətlərinin digər aspektləri ilə bağlı, El-Monte və Laquna-Nigel şəhərləri və Kaliforniya ştatındakı şöbələrindəki təşkilatlara isə “Çayiçənlər partiyası” ilə əlaqədar sorğu göndəriblər.
Vergi xidmətində vergilərdən azad olunmuş təşkilatlara cavabdeh Lu Lerner jurnalistlərə bildirib ki, bu, Tsintsinattidə xidmət əməkdaşları tərəfindən edilən “tamamilə yersiz hərəkətlərdir”. Onun sözlərinə görə, onlar “vətənpərvər”, “çayiçənlər”, “9/12” sözləri ilə qurulmuş bütün qeyri-kommersiya təşkilatlarını yoxlayıblar. Qəzet yazır ki, yoxlamalar aparılmış qeyri-kommersiya təşkilatlarının hüquqşünasları rəhbərliyin cərimələrdən xəbərsiz olmalarına inanmırlar.
"Vergi xidmətinin mühafizəkar birlikləri izləmələri barədə cəhdləri haqqında təfərrüatlar hələ 2012-ci ilin mayında rəhbərliyə kimi gedib çatmışdı”, - deyə jurnalistlərə edilən açıqlamada bildirilib.
Mayın 11-də mətbuat konfransında ABŞ prezidenti Barak Obama xəbərlər vasitəsilə hadisələrdən xəbərdar olduğunu bildirmişdi. Onun fikrincə, hiddətə səbəb olan qərəzli yoxlamalara yer verilməməli, bu işə cəlb olunanlar işə tam məsuliyyətlə yanaşmalıdırlar.
Lakin prezidentin vədinə baxmayaraq, vergi xidməti hələ də bu və ya digər şirkətlərdə aparılan yoxlamaların dəqiq səbəbləri barədə heç bir yeni informasiya verməyib.
Qeyri-kommersiya təşkilatlarının nümayəndələrinin sözlərinə görə, vergi mütəxəssisləri tərəfindən aparılan yoxlamalar onların maliyyələşməsinə təsirini göstərib. Çünki donorların əksəriyyəti anonimliyi saxlamağa üstünlük verir. Bundan başqa, bir sıra fəallar seçkilər ilində məmurlar tərəfindən diqqətin artırılmasını hökumət tərəfindən edilən təzyiq kimi qiymətləndirirlər.
“Mən, sadəcə olaraq, Vaşinqtonun tapşırığını yerinə yetirirəm. Mən mənə verilməsi əmr olunan sualları verirəm”, - deyə Hyustondakı “True to Vote” təşkilatının vergi mütəxəssislərindən biri Ketrin Engelbrext etiraf edib.

Nuranə ABBASOVA




 
Bölməyə aid digər xəbərlər
17.02.2019
Bahalıqla əlaqədar Tehranda 180 restoran fəaliyyətini dayandırıb
17.02.2019
Türkiyə və Rusiya prezidentləri yenidən görüşəcək
17.02.2019
İğdırda Xocalı soyqırımının 27-ci ildönümü ilə əlaqədar silsilə tədbirlər keçiriləcək
17.02.2019
İranın Kosmik Araşdırmalar İnstitutunda baş verən yanğın nəticəsində üç nəfər həlak olub
17.02.2019
Londonda Karl Marksın məzarına növbəti dəfə vandal hücumu olub

Şərh əlavə olunmayıb

    ,    
Namiq Əliyev
Fuad HÜSEYNZADƏ
Tural Tağıyev
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10598

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
3 Prezident İlham Əliyevin Real televiziyasına müsahibəsi (Yenilənib)
4 “Əsas oxucu kütləsi sayılan gənclər bu gün internet mediaya daha çox üstünlük verirlər”
5 Qabaqcıl texnologiyalar dövründə ənənəvi və internet medianın inkişafı


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info