Yeni trend ərzaq məhsulları qara rəngli olacaq
Tarix: 24.11.2017 | Saat: 00:30:00 | E-mail | Çapa göndər


Dr. Gaye:
“Ən yaxşı qurudulmuş meyvə və ya şokolad olmasından asılı olmayaraq, əgər onun qablaşdırılması, üzərindəki mətni, dizaynı cəlbedici deyilsə, istehlakçı onu almaq istəməyəcək”

Bu gün dünyada ərzaq məhsulları bazarında davamlı dəyişikliklər müşahidə edilir. Belə ki, istehlakçının diqqətini cəlb etmək, onda məhsula qarşı maraq oyatmaq məqsədilə məhsulun yeni formalarda istehsalı təşkil edilir, müxtəlif cür qablaşdırılır. Bu istiqamətdə dünya bazarında rəqabət getdikcə güclənməkdədir.
Artan rəqabət yeni trendlər ortaya çıxarır. Morgaine Gaye “NFV EXCO Dried” beynəlxalq sərgisində bu sahədə baş verəcək dəyişikliklərlə bağlı çıxış edib. Gaye istehlak edilən qidaların insanların zövqünü müəyyən etdiyini, qida və qəlyanaltı trendlərinin yaxın 10 ildə tamamilə dəyişəcəyini bildirib. O qeyd edib ki, dükanların rəflərində olan qidaların qablaşdırılması, forması, üzərindəki yazılar onun istehlakçı tərəfindən necə qəbul edildiyini göstərir. M.Gaye bildirib ki, dünyanın ən yaxşı qurudulmuş meyvəsi və ya şokoladı olmasından asılı olmayaraq, əgər onun qablaşdırılması, üzərindəki mətni, dizaynı cəlbedici deyilsə, istehlakçı onu yenidən görmək, almaq istəmir. İstehlakçılar internet və sosial medianın həyatımıza daxil olması ilə ərzaq məhsullarında sürpriz sayıla biləcək yeniliklər istəyir. Məhsullarda müxtəlif şəkillər, bəzəklər, təqdimatlar görmək istəyirlər ki, bunun nəticəsində, məsələn, kubok formasında müxtəlif şirniyyatlar rəfləri bəzəyir. Qarşıdakı illərdə belə məhsulları daha çox görəcəyik.

Ərzaqların rəngləri dəyişəcək
Ərzaqların ağ rəngdən uzaqlaşaraq daha tünd rənglərə yönələcəyini deyən Gaye bildirib ki, istehlakçılar indi dizayn və daddan əlavə, məhsulun orqanizmə təsiri ilə maraqlanırlar: “Biz təbiətə dönmək istəyirik. Birincisi, gələn ildən etibarən qara rəngli ərzaqlar dəbdə olmağa başlayacaq. Qara rəngli çörək, qara düyü trend olacaq". Gaye, təqdimatında, önümüzdəki 10 il içərisində bu gün adı çəkilməyən meyvələrin daha çox istehlak ediləcəyini söyləyib: “Dəb, istehlakdan əvvəl tullantıya gedən qida məhsullarında da öz əksini tapacaq. Gələcəkdə tullantılar təkrar canlanacaq. Məsələn, ananas yarpaqlarından hazırlanan dəri məmulatları istehlakçıların xoşuna gələcək”. Bu gün qurudulmuş meyvə kimi məşhur məhsullara ekoloji cəhətdən faydalı olan yosunun da əlavə olunacağını deyən Gaye bildirib ki, aşağı kalorili məhsullara yönəlmə var. Dəniz yosunu başda olmaqla bir çox göbələk növü məşhur olacaq. Qəlyanaltı bazarında yaş həddinin dəyişməsindən danışan Gaye deyib ki, yeni nəsil ilk olaraq qidanın tərkibinə baxır, sonra onu sosial aləmdə paylaşır. Bu vərdiş 30 yaşdan yuxarı insanlara da təsir edib: “Gələn il əşya dizaynına malik ərzaq məhsulunu daha çox görəcəyik”.

Banan kimi soyula biləcək dondurma
Gaye deyib ki, süd deyil, ancaq süd kimi istehlak ediləcək məhsullar da market rəflərində yer almağa başlayacaq: “İstehlakçılar yeniliklərlə daha sürətli şəkildə qarşılaşacaq. İstehlakçılar kaju və badam südünü istehlak etməyə başlayacaq, badam, qaragilə daha da məşhur olacaq. Qarşıdakı illərdə biz daha çox kokos məhsulları görəcəyik. Gələcəkdə hər kəsin istehlak edə biləcəyi məhsulların sayı artacaq və hətta banan kimi soyula bilən dondurma belə, istehsal ediləcək”.
Nigar Abdullayeva




 
Bölməyə aid digər xəbərlər
20.05.2019
Sosial proqramların uğuru və ildən-ilə genişlənməsi bəzi dairələrdə dərin narahatlıq hissi yaradıb
18.05.2019
“DOST” mərkəzləri əlilliyi olan şəxslərin reabilitasiya vasitələri ilə rahat şəkildə təminatı imkanlarını artıracaq
17.05.2019
Sahil Babayev və müavinləri vətəndaşlarla görüşüblər
17.05.2019
Azərbaycanda səfərdə olan nümayəndə heyətləri ilk DOST mərkəzində olublar
16.05.2019
Bakıda Avropa Regional Sosial Təminat Sammiti keçirilib

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10783

1 “İş yerlərində təhlükəsiz əmək şəraiti yaratmaq lazımdır”
2 “Ukraynanın ictimai-siyasi həyatında fəal iştirak edirik”
3 General-mayor Tərlan bəy Əliyarbəyovun nəvəsi: “Babam öz istedadını milli hərbi kadrların yetişməsinə sərf edib”
4 Üç müharibə iştirakçısı olan general-mayor
5 AzMİU-da İmadəddin Nəsiminin 650 illik yubileyi qeyd olunub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info