“Nazarbayevin müdrik siyasəti nəticəsində ölkədə multikultural dəyərlər daşıyan funksional bir cəmiyyət formalaşıb”
Tarix: 27.11.2017 | Saat: 19:09:00 | E-mail | Çapa göndər


Noyabrın 27-də Qazaxıstanın paytaxtı Astanada Beynəlxalq Türk Akademiyasının təşkilatçılığı ilə “Nursultan Nazarbayev. Həyat yolu” kitabının Azərbaycan dilində nəşrinin təqdimat mərasimi keçirilib.
Tədbirdə Azərbaycan Respublikası Prezidentinin ictimai-siyasi məsələlər üzrə köməkçisi Əli Həsənov, Qazaxıstan Prezidenti Administrasiyası Dəftərxanasının rəhbəri, Qazaxıstan Respublikası Birinci Prezidenti Kitabxanasının direktor müavini Мahmud Kasımbekov, Beynəlxalq Türk Akademiyasının prezidenti Darxan Kıdırali və başqaları iştirak ediblər.
Qazaxıstan Prezidenti Administrasiyası Dəftərxanasının rəhbəri Мahmud Kasımbekov tədbirdə çıxış edərək deyib ki, Nursultan Nazarbayev haqqında kitabın Azərbaycan dilində nəşri ölkələrimiz və xalqlarımız arasında münasibətlərin inkişafının bariz nümunəsidir. O vurğulayıb ki, bu kitab Qazaxıstan Prezidenti barədə latın qrafikası ilə nəşr edilən ilk əsərdir.
Mərasimdə çıxış edən Azərbaycan Prezidentinin ictimai-siyasi məsələlər üzrə köməkçisi, kitabın ön sözünün müəllifi Əli Həsənov Azərbaycan ilə Qazaxıstan arasında dostluq və qardaşlıq əlaqələrindən, təqdimatı keçirilən əsərin məziyyətlərindən danışıb. Prezidentin köməkçisi eyni taleyi yaşayan xalqlarımızın həyatında liderlərimizin mühüm rolundan söhbət açıb.
Qeyd edilib ki, Nursultan Nazarbayevin müdrik siyasətinin nəticəsi olaraq hazırda Qazaxıstanda xalqlar və millətlər arasında möhkəm sülh, sabitlik hökm sürür, multikultural dəyərlər daşıyan funksional bir cəmiyyət formalaşıb. 130-dan artıq xalqın nümayəndələri, o cümlədən azərbaycanlılar vətəndaş sülhü və ümummilli həmrəylik şəraitində yaşayır və fəaliyyət göstərirlər.
Beynəlxalq Türk Akademiyasının prezidenti Darxan Kıdırali türk dünyasının ağsaqqalı Nursultan Nazarbayevin həyat yolundan bəhs edən kitabın Azərbaycan dilinə tərcüməsini əhəmiyyətli hadisə adlandırıb. O, kitaba ön söz yazdığına görə Əli Həsənova minnətdarlığını bildirib.
Azərbaycan Milli Elmlər Akademiyasının vitse-prezidenti, Milli Məclisin elm və təhsil komitəsinin sədri İsa Həbibbəyli qeyd edib ki, bu kitabın nəşri Azərbaycan xalqının qazax xalqına sevgisinin bariz göstəricisidir. O, Qazaxıstanın latın əlifbasına keçidinin xalqlarımızın daha da yaxınlaşmasına töhfə verəcəyini vurğulayıb, təqdimatı keçirilən əsərin latın əlifbası ilə çap olunmasının əhəmiyyətini qeyd edib.
Milli Məclisin deputatı Elman Nəsirov Azərbaycan ilə Qazaxıstan arasında münasibətlərin inkişafında ümummilli lider Heydər Əliyevin və Qazaxıstan Prezidenti Nursultan Nazarbayevin xidmətlərindən danışıb. O, əlaqələrimizin hazırda prezidentlər İlham Əliyev və Nursultan Nazarbayev tərəfindən daha da inkişaf etdirildiyini vurğulayıb.
Xatırladaq ki, kitabı rus dilindən Azərbaycan dilinə Azərbaycan Ali Media, İ.Qaspralı adına Beynəlxalq Türk Akademiyasının media mükafatları laureatı, publisist-jurnalist, Azərbaycan Televiziyasının Orta Asiya ölkələri üzrə müxbir bürosunun keçmiş rəhbəri Aida Eyvazova (Aida Eyvazlı Göytürk) tərcümə edib. Nəşrin məsləhətçiləri Beynəlxalq Türk Akademiyasının prezidenti Darxan Kıdırali və Azərbaycan Milli Məclisinin deputatı Cavanşir Feyziyev, redaktoru Vəli Əkbərdir.
Kitabın təqdimatından sonra Əli Həsənov Qazaxıstanın “Xabar” dövlət televiziya kanalına müsahibə verib. Əli Həsənov Nursultan Nazarbayevin Azərbaycanın ən ali mükafatı olan “Heydər Əliyev” ordeni ilə təltif edildiyini diqqətə çatdırıb. “Prezident İlham Əliyev mükafatın təqdim edilməsi mərasimində vurğulayib ki, Nursultan Nazarbayev ulu öndər Heydər Əliyevin və Azərbaycan xalqının böyük dostudur”, - deyə Azərbaycan Prezidentinin köməkçisi bildirib.




 
Bölməyə aid digər xəbərlər
15.11.2018
“Vəkillik dövlət və cəmiyyət arasında münasibətlərin stabilizatorudur”
15.11.2018
Bakıda beynəlxalq konfrans keçirilir
15.11.2018
Mətbuat Şurası ilə AMEA Mərkəzi Elmi Kitabxanası memorandum imzalayıb
15.11.2018
Bakıda Dünya Diabet Gününə həsr olunmuş tədbir keçirilib
14.11.2018
“Bakcell”in baş icraçı direktoru Londonda rəqəmsal transformasiya haqqında danışıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10476

1 “Xaricdə təhsilimi davam etdirsəm, psixologiya sahəsini seçəcəyəm”
2 “Universitetlərdə rəhbər şəxslərin qapıları tələbələr üçün daim açıq olur”
3 Azərbaycan turizmi Yunanıstanda təbliğ olunub
4 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
5 “Gedir dayanmadan zamanın köçü”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info