CNN və Soros haqqında dağılan illüziyalar
Tarix: 27.11.2017 | Saat: 23:31:00 | E-mail | Çapa göndər


On illər ərzində ABŞ xarici siyasətinin ən güclü təbliğat silahı funksiyasını yerinə yetirın CNN Trampa qarşı: “ABŞ-ı dünyada təqdim etmək CNN-in işi deyil”

ABŞ dövlət başçısı Donald Trampın mətbuatla problemli münasibəti artıq adi hala çevrilib. Bir neçə gün əvvəl onun “Time” jurnalı ilə problemi gündəmi zəbt etmişdi. Xatırladaq ki, Tramp bildirmişdi ki, “Time” onu ikinci dəfə ilin adamı elan etmək istəyir, amma prezident bundan imtina edib. Amma jurnal bəyanat yayaraq bunu təkzib etdi. Donald Tramp bu dəfə CNN-i tənqidi ilə gündəmə gəlib. Adəti üzrə “Tvitter”dəki hesabından istifadə edən ABŞ prezidenti yazıb ki, CNN beynəlxalq aləmdə ABŞ haqqında doğru obraz yaratmır və ümumiyyətlə ABŞ-ı dünyada çox zəif təbliğ edir. Tramp CNN-i yalan məlumat- “feyk xəbər” yaymaqda ittiham edib. CNN teleşirkətinin cavabı özünü çox gözlətməyib. Kanal əməkdaşları kollektiv şəkildə “tvit” paylaşıblar: “ABŞ-ı dünyada təqdim etmək CNN-in işi deyil. Bu, sizin işinizdir. Bizim işimiz xəbər yaymaqdır”. Əslində CNN teleşirkətinin işi ancaq “xəbər yaymaq deyil”. Öncə onu qeyd edək ki, ABŞ-ın dünyada super güc olması, Amerikan həyat tərzi, azad və demokratik ölkə imicinin yaradılması üçün ABŞ-ın dövlət orqanları, media və QHT sektoru on illər ərzində böyük həcmli iş həyata keçiriblər. Dövlət, media və QHT sektoru ABŞ haqqında dünyada super gücü imici formalaşdırmağı bacarıblar. ABŞ-ın büdcəsindən maliyyələşən media strukturları ilə yanaşı dövlətdən müstəqil olan media orqanları da var. Amma həmin media orqanları da dövlətin siyasətinin təbliğatı ilə məşğul olurlar.

“CNN kimi iri telekanalın xarici siyasət ruporu olmadığını elan etməsi, nüfuzlu amerikalı hərbçilərin “Trampın qanunsuz nüvə zərbəsi” əmrinə tabe olmayacaqları ilə bağlı mesajları Amerika daxilində ciddi siyasi ziddiyyətlər yaşandığını göstərir”

Təxminən 20 il əvvəl inanmaq olardı ki, CNN müstəqil media orqanı, Soros isə vətəndaş cəmiyyəti institutlarının inkişafına yardım edən xeyriyyəçidir. Amma bu gün həmin yalanlara kimsə inanmır. Həm Soros, həm də CNN-lə bağlı illüziya artıq dağılıb və əsl həqiqət hamıya bəllidir. Bu baxımdan CNN-in öz haqqında “ancaq xəbər yayan” media orqanı deməsi həqiqəti əks etdirmir. Bu media orqanının “Hələbdən olan oğlan”la bağlı feyk xəbər onu bütün dünyada ifşa etdi. Belə xəbərlərin sayı çoxdur. CNN kanalının informasiya dövriyyəsinə nə qədər yalan, müəyyən qrupların maraqlarını ifadə edən xəbər buraxdığını hesablamaq çox çətindir. Teleşirkət on illər ərzində ABŞ xarici siyasətinin ən güclü təbliğat silahı funksiyasını yerinə yetirib. CNN teleşirkətinin dövlət yox, kommersiya xarakterli şirkət olması isə dünyada onların dövlətdən asılı olmayan müstəqil yayım orqanı kimi təqdim edilməsi üçün çox işə yarayıb. Amma indi Birləşmiş Ştatlarda vəziyyət bir qədər dəyişib. Donald Trampın hakimiyyətə gəlməsindən sonra siyasi elita daxilində konsensus aradan qalxıb. Müxtəlif siyasi qruplar artıq fərqli siyasət həyata keçirməyə və bunun üçün nəzarətlərində olan güclərdən istifadə etməyə başlayıblar. Xarici siyasət ruporu olan CNN də Tramp əleyhinə təbliğat aparır və bunu əsasən də xarici auditoriya üçün edir. Deməli, CNN bununla təkcə Trampa yox, ABŞ-ın maraqlarına da zərbə vurmuş olur. Amma bundan narahat deyil – kollektiv “tvit” də bunu təsdiqləyir. CNN kimi iri telekanalın xarici siyasət ruporu olmadığını elan etməsi, nüfuzlu amerikalı hərbçilərin “Trampın qanunsuz nüvə zərbəsi” əmrinə tabe olmayacaqları ilə bağlı mesajları Amerika daxilində ciddi siyasi ziddiyyətlər yaşandığını göstərir.
Anar Miriyev




 
Bölməyə aid digər xəbərlər
20.11.2018
Qətərdə regionun ultramüasir klinikası açılıb
19.11.2018
Putin:“Türk axını” tamamlandıqdan sonra Rusiya-Türkiyə enerji əməkdaşlığı daha da güclənəcək”
18.11.2018
Bolqarıstanı kütləvi etiraz aksiyaları bürüyüb
17.11.2018
Rusiyadan Ermənistana gedən magistralda 600-ə yaxın avtomobil qalıb
17.11.2018
Suriyada uşaqlardan ibarət terrorçu dəstələr yaradılıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10508

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
5 Eldar Əzizov Bakı Şəhər İcra Hakimiyyətinin başçısı təyin edildi


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info