Kvirikaşvili: “BTQ regional inkişafı gücləndirəcək”
Tarix: 28.11.2017 | Saat: 16:44:00 | E-mail | Çapa göndər


"Bakı-Tbilisi-Qars dəmir yolu regional inkişafı gücləndirəcək".
 
Bunu Tbilisidə keçirilən beynəxlalq “İpək Yolu” forumunda çıxışında Gürcüstanın baş naziri Giorgi Kvirikaşvili deyib. O bildirib ki, Gürcüstan yeni İpək Yolu təşəbbüsünə töhfə verməyə hazırdır: “Bildiyiniz kimi, Türkiyə və Azərbaycan hökumətləri ilə sıx əməkdaşlıq sayəsində oktyabr ayında Bakı-Tbilisi-Qars dəmir yolu istifadəyə verildi. Bu dəmir yolu Mərkəzi Asiya ölkələrini Avropa dəmir yolu şəbəkəsinə birləşdirən alternativ yoldur. Avropa və Asiya arasında körpü olan Gürcüstan diversifikasiyalı iqtisadiyyata nail olmaqla yanaşı, dünya  bazarlarına daha yaxşı inteqrasiya etməyə çalışır. Bizim əsas məqsədimiz region və ondan kənarda iqtisadi əlaqələrin dərinləşdirilməsidir. İnanırıq ki, Gürcüstanın Avropa və Çin ilə azad ticarət haqqında sazişləri, Anaklia dərin dəniz limanı və Bakı-Tbilisi-Qars dəmiryolu regional inkişafa töhfə verəcək”. 
 
G.Kvirikaşvili qeyd edib ki, “İpək Yolu” forumunun keçirilməsində məqsəd daha böyük iqtisadi və dayanıqlı inkişafa nail olmaq üçün regional tərəfdaşlarla Gürcüstanın imkanlarının birləşdirilməsidir: “İnanıram ki, bu forum regional əlaqələrin gücləndirilməsi və dərinləşdirilməsi üçün yeni imkanlar yaradacaq. Bu əlaqələr iqtisadi artımı inkişaf etdirəcək və təhlükəsizliyi təmin edəcək. Forum sözlərdən hərəkətə keçmək və məqsədlərin reallığa çevrilməsinə hədəflənib”.
 
Qeyd edək ki, “İpək Yolu” forumunda 60-dan çox ölkədən 2 minə yaxın nümayəndə iştirak edir. Azərbaycanı tədbirdə nəqliyyat, rabitə və yüksək texnologiyalar naziri Ramin Quluzadə və “Azərbaycan Dəmir Yolları” QSC-nin sədri Cavid Qurbanov təmsil edir.




 
Bölməyə aid digər xəbərlər
19.04.2019
Zakir Həsənov HHQ-nin təlim-məşq mərkəzinin açılışında iştirak edib
19.04.2019
Valentina Matviyenko: Mehriban xanım çox maraqlı həmsöhbətdir
18.04.2019
14 yaşlı qıza hücum edən şəxs YAP-ın üzvü deyil - RƏSMİ AÇIQLAMA
18.04.2019
Müxalifət nümayəndəsi: “Cəbhəçilər dezinformasiya yaymaqla məşğuldurlar”
18.04.2019
Dini liderlərin Bakı sammiti ilə əlaqədar yaradılmış Təşkilat Komitəsinin ilk iclası keçirilib

Şərh əlavə olunmayıb

    ,    
Fuad HÜSEYNZADƏ
Esmira Məmmədova
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10751

1 Erməni yoxsa türk qırğını?
2 Müharibə veteranlarına Prezident təqaüdü təsis edilib
3 Hemilton “Formula-1“ tarixinin 1000-ci yarışının qalibi olub
4 Milli mədəniyyətimizin fədakar tədqiqatçısı və təmsilçisi Babək Qurbanov haqqında
5 Ramiz Mehdiyevin sərəncamı ilə tədbirlər planı təsdiqləndi


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info