Vaan Badasyan: « Bizim hakimiyyətin məsxərəyə qoyulması çox utancvericidir »
Tarix: 28.11.2017 | Saat: 20:36:00 | E-mail | Çapa göndər


«Bu gün biz Rusiyadan çox pis şəkildə asılıyıq”

Avropa Birliyi ilə Ermənistan arasında saziş imzalanıb. Maraqlıdır bu sazişə Ermənistandakı münasibət necədir? Qeyd edək ki, Ermənistan əhalisinin əksəriyyəti bunu təhlükəsizlik təminatı məsələləri ilə əlaqələndirərək, bu sazişə dəstək verirlər. Lakin maraqlıdır, Avropaya üz tutan Ermənistanın Rusiyadan asılılığı aradan qalxacaqmı? Unutmaq lazım deyil ki, ermənilərin 70 faizi mövsümi iş üçün Rusiyaya üz tuturlar. Bundan əlavə, ermənilərin bir çoxu Ermənistanın özündə Rusiya kapitalı ilə fəaliyyət göstərən (dəmiryolu, rabitə, energetika) müəssisələrdə işləyir və ya Rusiya hərbi strukturlarında qulluq edirlər. Erməni ekspertlərin bəziləri ölkənin Avrasiya Birliyinə qatilmasını səhv addım kimi dəyərləndirərək, bunun Ermənistan üçün tənəzzülə yol açdığını da iddia edirlər. Avropa Birliyi ilə saziş imzalayan Ermənistanı gələcəkdə nələr gözləyir? Bununla bağlı «1in.am» saytının suallarını cavablandıran erməni siyasətçi Vaan Badasyana görə, ölkə rəhbərliyinin ilk olaraq ümdə vəzifəsi ölkədəki miqrasiyanın qarşısını almaqdan ibarət olmalıdır:”Belə olan təqdirdə biz iqtisadi cəhətdən inkişaf edə və güclənə bilərik”.
Sayt əməkdaşının “Avropa Birliyi ilə bağlanan sənədin Ermənistanda islahatlar aparılması baxımından qeyd etdiyiniz sahələrə kömək edəcəkmi” sualına cavab olaraq, erməni siyasətçi buna müxtəlif istiqamətlərdə yanaşmağı məsləhət görür. Ölkədəki qanunvericilik bazasının getdikcə utancverici hala gəldiyini qeyd edən Vaan Badasyan səbəb kimi, ölkədəki hüquq-mühafizə orqanlarının yarıtmaz işini, özbaşnalıqlarını önə çəkir.
Maraqlıdır ki, sayt əməkdaşı imzalanan sənədin dekolonizasiya (müstəmləkəçilikdən azad olma) ilə bağlı onlara nə qədər təkan verə biləcəyni sual kimi qoyur.

“Avropadan Ermənistana mal idxal və ixrac ediləcəyi təqdirdə, bütün bunlar sonra vergiyə cəlb edilməlidir. Bu vergilər isə Avrasiya İqtisadi Birliyinin razılaşmasına əsasən, Rusiya büdcəsi olan Gömrük İttifaqının büdcəsinə gedəcək. Bizim suverenliyimiz başqalarına təslim edildiyi kimi, gəlirlərimiz də başqa insanların ciblərinə axacaq”

Badasyan bildirir ki, qəribə də olsa, Rusiya bu sənədə hələ ki, heç bir eyham və ya tənqidi münasibət nümayiş etdirməyib. Axı Rusiya niyə də şikayətçi olmalıdır. Avropadan Ermənistana mal idxal və ixrac ediləcəyi təqdirdə, bütün bunlar sonra vergiyə cəlb edilməlidir. Bu vergilər isə Avrasiya İqtisadi Birliyinin razılaşmasına əsasən, Rusiya büdcəsi olan Gömrük İttifaqının büdcəsinə gedəcək. Bizim suverenliyimiz başqalarına təslim edildiyi kimi, gəlirlərimiz də başqa insanların ciblərinə axacaq.
Sayt əməkdaşının «Psixoloji cəhətdən bu, bizim birbaşa xarici siyasətimizi qane edirmi» sualına Badasyanın cavabı belə olub: «Bu gün biz hələ də Rusiyadan, özü də çox pis şəkildə asılıyıq. Rusiyanın rəsmi dövlət telekanalları Ermənistanın hakim Respublikaçı partiyasını və Njdeni istehza obyektinə çevirir. Lakin bütün bunların heç biri hər hansı bir təbəssümə səbəb olmamalıdır. Mən belə hesab edirəm ki, erməni xalqının da qurtulmağa çalışdığı bu bədbəxt mafiya partiyasının sonuna günlər və ya saatlar qalıb. Təbii ki, mənim, bəlkə də digər ermənilər üçün bizim hakimiyyətin məsxərəyə qoyulması çox utancvericidir. Onlar erməni hakimiyyətini deyil, erməni xalqına istehza etdiklərini unudurlar. Bu, bizim üçün böyük acı olsa da, amma cavab vermək iqtidarında deyilik. Bunlar hamısı Rusiyanın Ermənistanın suverenliyinə tüpürdüyünə dəlalət edir».
Ağasəf Babayev




 
Bölməyə aid digər xəbərlər
15.11.2018
Makron: “ABŞ-ın müttəfiqi olmaq vassal dövlət olmaq demək deyil”
15.11.2018
Seçkilər yaxınlaşdıqca Ermənistanda siyasi gərginlik artır
14.11.2018
Ermənistandakı bəzi siyasi qüvvələr parlament seçkilərində iştirakdan imtina edirlər
14.11.2018
Putin: “Rusiya müsəlman ölkələri ilə dostluq əlaqələrinin inkişafına böyük əhəmiyyət verir”
13.11.2018
Nazarbayev Asiyada Təhlükəsizlik və Əməkdaşlıq Təşkilatının yaradılmasını təklif edib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10485

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info