Bakı Ali Neft Məktəbi Bolqarıstanın üç tanınmış universiteti ilə əməkdaşlıq edəcək
Tarix: 16.05.2013 | Saat: 21:41:00 | E-mail | Çapa göndər


Bakı Ali Neft Məktəbinin rektoru Elmar Qasımovun dəvəti ilə Bakıda səfərdə olan Bolqarıstanın neft-qaz və kimya sahəsində tanınmış üç universitetinin rektorlarından ibarət nümayəndə heyəti (“Professor Doktor Assen Zlatarov” Universiteti- rektor professor Petko Petkov, Qabrovo Texniki Universiteti- rektor Rayçoİlarianov və Sofiya Texniki Universiteti- prorektor İvan Kralov) və Bolqarıstanın Azərbaycandakı səfiri xanım Maya Hristova Bakı Ali Neft Məktəbində olublar.
Rektor E.Qasımov Azərbaycan və Bolqarıstan arasında hər zaman isti və dost münasibətin olduğunu bildirib. O qeyd edib ki, bu gün dövlət rəhbərlərinin həyata keçirdikləri doğru, üzaqgörən siyasətin nəticəsi olaraq, ölkələrimiz arasında olan siyasi, iqtisadi və digər əlaqələr günü-gündən inkişaf etməkdədir. Daha sonra Bakı Ali Neft Məktəbi haqqında qonaqlara ətraflı məlumat verən rektor bildirib ki, Bakı Ali Neft Məktəbinin yaranmasında əsas məqsəd günü-gündən inkişaf edən ölkəmiz, eyni zamanda istər Azərbaycanda, istərsə də xaricdə fəaliyyətini genişləndirən və artıq transmilli şirkətə çevrilən ARDNŞ üçün beynəlxalq standartlara cavab verən, ingilis dilli kadrların hazırlanması olub. Ali məktəbin beynəlxalq əlaqələrinin genişləndirilməsinin vacibliyini qeyd edən E.Qasımov bildirib ki, Avropa təhsil sisteminin tələblərinə uyğun yaradılmış Bakı Ali Neft Məktəbinin önəm verdiyi əsas məsələlərdən biri də Avropanın aparıcı təhsil mərkəzləri ilə əlaqələrin qurulmasıdır. Qısa müddət ərzində bu istiqamətdə aparılan işlər barəsində qonaqlara ətraflı məlumat verən rektor qeyd edib ki, Bolqarıstanın mühəndislik sahəsində fəaliyyət göstərən universitetləri ilə də əməkdaşlıq etmək ali məktəb üçün önəmlidir. Bolqarıstan səfiri qeyd edib ki, Bakı Ali Neft Məktəbi yeni yaradılmasına baxmayaraq, qısa müddət ərzində yüksək nailiyyətlər əldə edib. Azərbaycanla bütün sahələrdə əlaqələrin inkişaf etdirilməsində maraqlı olduqlarını vurğulayan səfir, təhsil sahəsində də əməkdaşlıq etməyin önəmli olduğunu bildirib. Tədbirdə çıxış edən rektorlar BANM ilə bir çox sahələrdə əməkdaşlıq etməkdə maraqlı olduqlarını və bu əməkdaşlıq çərçivəsində hər iki tərəf üçün faydalı işlər görülə biləcəyini bildiriblər. Tədbirin sonunda rektorlar tələbə və müəllimlərin mübadiləsi, tədris proqramlarının inkişafı, birgə tədqiqatlar və elmi məqalələrin mümkün mübadiləsi, seminarların, konfransların və digər tədbirlərin təşkilində qarşılıqlı yardım, akademik nəşr materiallarının və digər informasiyaların mübadiləsi, müəyyən edilmiş inkişaf sahələri üzrə təlim layihələri çərçivəsində əməkdaşlıq, o cümlədən diplomlu və diplomsuz kurslar üzrə əməkdaşlıq imkanları sahəsində memorandum imzalayıblar.
Nigar ABDULLAYEVA




 
Bölməyə aid digər xəbərlər
18.08.2019
Azərbaycan Sərhəd Mühafizəsinin yaranmasından 100 il ötür
17.08.2019
Leyla Əliyeva Müslüm Maqomayevin məzarını ziyarət edib
17.08.2019
Dövlət Gömrük Komitəsi şirkətlərdən imtahan götürür
16.08.2019
Rusiya və İran hərbi gəmiləri Bakı limanını tərk edib
16.08.2019
İqtisadiyyat nazirinin müavini Masallıda vətəndaşları qəbul edib

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10860

1 750 mindən çox vətəndaşın pensiyasında artım olacaq
2 Sabahdan Türkiyə ilə Naxçıvan arasında birbaşa hava dəhlizi açılır
3 Azərbaycana qarşı casusluq edən 128 nəfər aşkar edilib
4 “Dövlət dəstəyi olmadan Belarusda Azərbaycan turizminin təbliği ilə bağlı istənilən nəticə əldə olunmaz”
5 Türkiyədən Naxçıvana uçuşlar yeni hava dəhlizi vasitəsilə həyata keçirilir


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info