Mərkəzi Bank ipoteka kreditini sadələşdirən proqram hazırlayır
Tarix: 16.05.2013 | Saat: 22:21:00 | E-mail | Çapa göndər


İpoteka ilə bağlı hansı yeniliklərin olacağına gəldikdə isə Mərkəzi Bankın sədrinin birinci müavini Alim Quliyev jurnalistlərə açıqlamasında bildirdi ki, ipoteka məsələsi çox həssas bir məsələdir: “Hökumətin I rübün yekunlarına həsr olunmuş iclasında ölkə başıçısı tərəfindən də bu məsələyə toxunulub. İpotekaya ayrılacaq resursların artırılması məsələsi gündəmdədir. Eyni zamanda Mərkəzi Bank ölkədə ipoteka kreditləşməsi mexanizmlərinin təkmilləşməsi istiqamətində strateji bir proqram sənədi hazırlayır. Burada beynəlxalq təcrübə nəzərə alınmaqla bu işin daha təkmil, asan, əlyetərli olması üçün həmin təkliflər öz əksini tapır. Hansı kateqoriyanın sosial, güzəştli ipotekaya cəlb edilməsi məsələsi qanunvericilik məsələsidir. Əgər subay şəxslər üçün belə bir fikir səslənibsə, yəqin bu məsələ onlara da şamil olunacaq”. Şərtlərin dəyişdirilməsinə gəldikdə isə A.Quliyev bildirdi ki, burada bürokratiya məsələlərinin asanlaşdırılması, təqdim olunacaq sənədlərin daha asan formada təqdimi, məbləğin artırılması, faiz dərəcələrinin aşağı salınması, müddət də daxil olmaqla bütün kompleks məsələlər hamısı təqdim olunan təkliflərdə öz əksini tapır: “İlkin ödənişlə bağlı burada “Zəmanət Fondu” məsələsi də gündəmdədir, yəni ilkin ödənişi vermək imkanı olmayan adamlara həmin fond vasitəsilə vəsaitlərin verilməsi, sonra ödənişdir. Əgər o mexanizm qəbul olunacaqsa, təbii ki, ilkin ödənişlərin ləğvi məsələsi də gündəmə gələ bilər. İpoteka Fondu 2006-cı ildən fəaliyyətə başlayıb, bu dövr ərzində 10 minə yaxın ailə öz mənzil şəraitini yaxşılaşdırmaq imkanı əldə edib. Regionlara ipotekanın verilməsi də aktual məsələdir. Regionlarda bunun tətbiqi üçün bütün hazırlıq işləri görülməlidir. Təmərküzləşmə əsasən iri şəhərlərdə, əsasən Bakıdadır. Proses getdikcə regionlarda istiqamətlənəcək. Ancaq əsas kütlə Bakıya cəmləşdiyi, əsas tələbat bu şəhərdə formalaşdığı üçün təbii ki, ilk növbədə burdan başlayırıq. İpoteka hazır mənzilin girov qoyulması yolu ilə onun əldə olunması məsələsidir. Regionlarda satılacaq hazır girovlar olacaqsa, ipoteka nədən olmasın? Bu, fərdi yaşayış evlərinə də tətbiq oluna bilər. Təkliflər paketində regionlar da nəzərdə tutulacaq”.
Nigar ABDULLAYEVA




 
Bölməyə aid digər xəbərlər
21.11.2018
PAŞA Bank sərfəli şərtlərlə ipoteka krediti təklif edir
21.11.2018
Azərbaycanda qızları olan ailələrlə bağlı yeni təkliflər
20.11.2018
DOST Agentliyinin konsepsiyasının təqdimatı olub
20.11.2018
Şəhid anası: Birdəfəlik ödəmələrin verilməsi şəhid ailələrinə qayğının bariz nümunəsidir
19.11.2018
Sabirabadda məcburi köçkünlərin məskunlaşdığı qəsəbə təbii qazla təmin olunub

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10508

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
5 Eldar Əzizov Bakı Şəhər İcra Hakimiyyətinin başçısı təyin edildi


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info