“Azərbaycan xalqının qoruduğu alman irsi dostluğumuz üçün möhkəm bünövrədir”
Tarix: 04.12.2017 | Saat: 21:53:00 | E-mail | Çapa göndər


Mədəniyyət və turizm nazirinin müavini Sevda Məmmədəliyeva və Almaniyanın ölkəmizdəki səfiri Mixael Kindsqrab almanların Azərbaycana köçürülməsinin 200 illiyi ilə bağlı Göygöldə görülmüş işlərlə tanış olmaq üçün rayona gəliblər.
Səfər çərçivəsində keçirilmiş tədbirlərdə Göygöl Rayon İcra Hakimiyyətinin başçısı Arif Seyidov, Milli Məclisin deputatı Rövşən Rzayev və ictimaiyyət nümayəndələri iştirak ediblər.
AZƏRTAC-ın bölgə müxbiri xəbər verir ki, qonaqlar rayonun mərkəzində yerləşən alman lüteran kilsəsində, Göygöldə yaşamış sonuncu alman Viktor Klaynın evində və Göygöl Tarix Diyarşünaslıq Muzeyində olublar.
Məlumat verilib ki, 1854-cü ildə alman koloniyaçıları tərəfindən inşa edilən Helenendorf (indiki Göygöl) mərkəzi lüteran kilsəsində uzun müddət yerli sakinlər tərəfindən dini mərasimlər icra edilib. İkinci Dünya müharibəsində almanların bu yerlərdən köçürülməsi ilə əlaqədar olaraq muzey binası uzun müddət müxtəlif məqsədlər üçün istifadə olunub. Son dövrlərdə isə kilsə binası Göygöl Tarix-Diyarşünaslıq Muzeyi kimi fəaliyyət göstərib. Hazırda muzeydə nümayiş olunan tarixi eksponatlar, xüsusilə vaxtilə almanlar tərəfindən istifadə edilən məişət əşyaları, geyim nümunələri və tarixi fotolar buranı ziyarət edənlərdə böyük maraq yaradır.
Sonra qonaqlar Göygöldə yaşamış sonuncu alman Viktor Klaynın evinə gəliblər. Bildirilib ki, Viktor Klayn 1935-ci ildə Helenendorfda anadan olub və 2007-ci ildə 72 yaşında vəfat edib. Ata-babalarından miras qalmış evi və məişət əşyalarını satın almaq istəyənlər olsa da, Viktor onların heç birini satmayıb. Hazırda həmin əşyalar mənzildədir və rayon rəhbərliyi tərəfindən qorunur. Yenidən qurulması nəzərdə tutulan mənzil təmir olunduqdan sonra ev-muzeyi və mədəniyyət mərkəzi kimi fəaliyyət göstərəcək. Həmçinin mənzil rayonun turizm marşrutuna salınacaq və qeydiyyata alınmış bütün əşyalar muzeyin eksponatları kimi nümayiş etdiriləcək.
Vurğulanıb ki, muzey mədəni mərkəz kimi Azərbaycan-Almaniya dostluq əlaqələrinin daha da möhkəmləndirilməsinə və ölkədə hökm sürən multikultural mədəni mühitin inkişafına öz töhfəsini verəcək.
Daha sonra qonaqlar alman iş adamına məxsus malikanədə yeni yaradılan Göygöl Tarix-Diyarşünaslıq Muzeyi ilə tanış olublar. Məlumat verilib ki, yeni muzeydə almanların Cənubi Qafqazda, eləcə də Azərbaycan ərazisində məskunlaşmasına aid sənədlər və maraqlı fotolar əks olunub. Həmçinin muzeydə vaxtilə Göygöldə yaşamış almanların məişətini, adət-ənənələrini əks etdirən eksponatlar nümayiş etdirilir.
Burada keçirilən tədbirdə mədəniyyət və turizm nazirinin müavini Sevda Məmmədəliyeva çıxış edərək diqqətə çatdırıb ki, Prezident İlham Əliyev 2016-cı il avqustun 30-da “Cənubi Qafqaz regionunda alman məskənlərinin salınmasının 200 illiyi haqqında” Sərəncam imzalayıb. Hazırda həm respublikamızda, həm də Göygöl rayonunda həmin sərəncamdan irəli gələn məsələlərin həlli istiqamətində bir sıra tədbirlərin həyata keçirilməsi nəzərdə tutulub. Məhz bu il noyabrın 23-də UNESCO-da almanların Azərbaycanda məskunlaşmasının 200 illiyinə həsr olunmuş tədbir keçirilib.
Qeyd edilib ki, Göygöl rayonundakı tədbirlərin davamı kimi Şəmkir rayonunda konfrans keçiriləcək, sərgi açılacaq.
Sonra rayon icra hakimiyyətinin başçısı Arif Seyidov Göygöldə alman maddi-mədəni irsinin qorunması və təbliği istiqamətində görülmüş işlər barədə məlumat verib.
Almaniya səfiri Mixael Kindsqrab isə çıxış edərək bildirib ki, bu il Azərbaycan ilə Almaniya arasında diplomatik münasibətlərin qurulmasının 25 ili tamam olur. Eyni zamanda, hər iki xalq alman mühacirlərinin Azərbaycanda məskunlaşmasının 200 illiyini qeyd edir. Səfir qısa müddətdə Göygöldə Tarix-Diyarşünaslıq Muzeyinin yaradılmasını yüksək qiymətləndirib. Vurğulanıb ki, Azərbaycanın hər yerində, xüsusən də Göygöl və Şəmkir rayonlarında qorunub saxlanılan alman maddi irsi hər iki xalqın gələcəkdə dostluq əlaqələrinin inkişafı baxımından möhkəm bünövrədir.
Tədbir Göygöl məktəblilərinin hər iki xalqın dilində səsləndirdiyi musiqilərlə davam edib.




 
Bölməyə aid digər xəbərlər
26.09.2018
Qeyri-sabit hava şəraiti sentyabrın 28-dək davam edəcək
26.09.2018
Aİİ Heydər Əliyev İrsini Araşdırma Mərkəzi ilə silsilə tədbirlərini davam etdirir
26.09.2018
BMT Əhali Fondunun nümayəndə heyəti ilə görüş keçirilib
25.09.2018
Müdafiə Sənayesi Nazirliyi ilə “ASELSAN” şirkəti arasında memorandum imzalanıb
25.09.2018
“Şahdağ” rusiyalı turistlər üçün ən yaxşı dağ-xizək kurortlarının ilk üçlüyünə daxil edilib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10147

1 Yalnızlıq qorxusu
2 “Vətən uzaqda deyil” telelayihəsi dünya azərbaycanlılarının sevincinə səbəb olub
3 “Azərbaycanda xalq yaradıcılığına maraq artıb”
4 Cəfər Cəfərov: “Hər bir ölkənin gələcəyi yüksək səviyyəli kadrlardan asılıdır”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info