“Əli Kərimli kimilər dövlətçiliyimizə zərbə vurmaq istəyənlər üçün zəif bənddir”
Tarix: 16.05.2013 | Saat: 23:32:00 | E-mail | Çapa göndər


Son zamanlar radikal müxalifətdə cəmiyyətimizin dindar kəsimində olan vətəndaşlarımızdan istifadə etmək cəhdləri müşahidə olunur. Bunu AXCP-nin özünə dini imic qazanma meyillərində, “el”in dindar kəsimin nümayəndələri ilə keçirdiyi görüşdə səsləndirilən fikirlərdə aydın görmək mümkündür.
Radikal müxalifət “ərəb baharı”nın baş verdiyi ölkələrdə Qərbin dindar dairələrdən istifadə edərək öz məqsədlərini həyata keçirməsindən ruhlanaraq ölkəmizdə də eyni ssenarini həyata keçirmək istəyən qüvvələrlə əlbir fəaliyyət göstərirlər. Xalqın inamını tamamilə itirən radikal müxalifətdə təmsil olunanlar indi də belə bir vasitəyə əl atırlar. Əslində radikal müxalifət bunu etməklə antimilli qüvvələrlə eyni cəbhədə olduğunu bir daha sübut edir. Radikal müxalifəti nə dövlət müstəqilliyimiz, nə də digər dövlətçilik mənafelərimizin heç biri maraqlandırmır. Onlar üçün əsas məqsəd bütün vasitələrdən istifadə edərək, Azərbaycanı istəməyən qüvvələrlə əməkdaşlıq edərək yalnız və yalnız hakimiyyətə gəlməkdir.

“Xalqımız onların dindən istifadə edərək dövlətimizə
zərbə vurmasına imkan verməz”


Mövzu ilə bağlı münasibətini bildirən Qaçqın və Məcburi Köçkün Gənclər Təşkilatının sədri Vüqar Qədirov qəzetimizə verdiyi açıqlama zamanı bu çirkin planın arxasında xarici qüvvələrin dura biləcəyi məsələsini daha da qabartdı: “Mən bu məsələyə bir az geniş aspektdən yanaşmaq istəyirəm. Çünki radikal müxalifətin Azərbaycanda dini amildən istifadə edib qarışıqlıq yaradaraq hakimiyyətə gəlmək istəyi dövlətçiliyimizin sual işarəsi altına düşməsi üçün fəaliyyət göstərmək deməkdir. Biz bu “ərəb baharı”nın olduğu ölkələrdəki prosesləri yaxından izləyirik. Bunu istəyənlər yalnız xarici kəşfiyyatın maraqlarına qulluq edirlər. Burada dövlətçilik ənənələrindən, müstəqillikdən və digər amillərdən söhbət belə, gedə bilməz. Sözügedən məsələyə xalqımız çox həssas yanaşmalıdır. 1993-cü ildən bugünədək olan dövrü nəzərə alsaq, Azərbaycanın dünyanın çox az dini tolerantlığın hökm sürdüyü dövlətlərdən olduğunu görərik. Azərbaycan İslam dünyasının bir parçasıdır, eyni zamanda biz digər dinlərin nümayəndələrinə də hörmətlə yanaşırıq. Ölkəmizdə dini amildən istifadə edib hakimiyyətə gəlmək istəyənləri ancaq xarici agentura şəbəkəsinin üzvü və bu planı da onların planı hesab edirəm. Çünki Misir kimi dövlət hələ də özünü düzəldə bilmir. Qərb dövlətlərinin dəstəyi ilə Liviyada Qəzzafi devrildi, ölkə xaos içindədir. Radikallar bu yaxınlarda Liviyada ABŞ səfirliyinə hücum edib onların əməkdaşlarını qətlə yetirdirlər. Əli Kərimli, Eldar Namazov və digərləri isə proseslərin indiki gedişatında Azərbaycanın dövlətçiliyinə zərbə vurmaq istəyən qüvvələr tərəfindən zəif bənd olaraq seçiliblər. Nə xalqımız, nə də dövlətimiz hansısa bir qrupun həm xarici qüvvələrin maraqları, həm də öz şəxsi ambisiyaları naminə dindən bir vasitə kimi istifadə edərək getdikcə inkişaf edən dövlətimizin müstəqilliyinin təhlükə altına düşməsinə imkan verməz”.
Azadlıq Partiyasının sədri Əhməd Oruc isə məsələyə belə münasibət bildirdi: “Azərbaycanda bəzi dini dairələr xarici qüvvələr tərəfindən yönləndirilirlər. Bu da son nəticədə hər zaman dövlətimiz üçün problemə çevrilir. Burada məqsəd xüsusi önəm daşıyır. Hər bir vətəndaşın ibadətlə məşğul olması normal haldır. Bu vətəndaşlarımızın Konstitusiya ilə təsbit olunmuş hüququdur. Lakin hər hansı bir siyasi partiyanın dindən öz siyasi məqsədini həyata keçirmək üçün istifadə etməsinə qarşıyam. Siyasi partiya cəmiyyətin müxtəlif təbəqələri ilə görüşlər keçirə bilər. Lakin qeyd etdiyim kimi burada məqsəd önəmlidir. Din heç bir vaxt siyasətlə qarışdırılmamalıdır. Din siyasətdən ayrı olmalıdır. Dindən hansısa bir siyasi dairənin öz məqsədinə çatmaq üçün istifadə edə biləcəyinə inanmıram. Çünki dindar kəsimin böyük əksəriyyəti belə vəziyyətə qarşı hazırlıqlıdır və onların hansısa bir provokasiya cəhdində iştirak etməyəcəklərinə əminəm” .

Söhrab İSMAYIL




 
Bölməyə aid digər xəbərlər
19.02.2019
Moskvada Azərbaycanın Rusiyadakı səfirinin Çeçenistanın məsul nümayəndələri ilə görüşü olub
19.02.2019
YAP Pirallahı rayon təşkilatı sədrinin 2018-ci ilin yekunlarına və qarşıda duran vəzifələrə dair hesabatı
19.02.2019
İqtidarın qazandığı hər bir uğur müxalifətin siyasi iflasını sürətləndirir
19.02.2019
Fərid Şəfiyev Beynəlxalq Münasibətlərin Təhlili Mərkəzinin sədri təyin edildi - səfir vəzifəsindən geri çağırıldı
18.02.2019
İbrahim Öztek: “Xocalı soyqırımı nankor bir cəmiyyətin xəyanətkar hücumunun son halqasıdır”

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10605

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 Qabaqcıl texnologiyalar dövründə ənənəvi və internet medianın inkişafı
5 ABŞ-da atışma: xəsarət alanlar var


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info