Psixologiya elminin inkişafına töhfələr vermiş alim
Tarix: 06.12.2017 | Saat: 18:52:00 | E-mail | Çapa göndər


Azərbaycan Dövlət Pedaqoji Universitetində (ADPU) görkəmli alim, pedaqoq, professor Əbdül Əlizadənin 85 illik yubileyinə həsr olunmuş “Əbdül Əlizadə: ənənəvi təhsildən təfəkkür məktəbinə” mövzusunda respublika elmi-praktik konfransı keçirilib.
Konfransda ADPU-nun rektoru, professor Cəfər Cəfərov alimin həyat və fəaliyyətindən, Azərbaycanda psixologiya elminin inkişafına verdiyi töhfələrdən danışıb. Rektor qeyd edib ki, Ə.Əlizadə 1932-ci il avqustun 16-da Bakı şəhərində anadan olub. O, Azərbaycan Dövlət Universitetində (indiki Bakı Dövlət Universiteti) ali təhsil alıb. Ə.Əlizadə Azərbaycan psixologiya elminin inkişafında mühüm xidmətlər göstərib. Görkəmli alim şagirdlərin yaradıcı təxəyyül fəaliyyətində analiz və sintez proseslərinin xüsusiyyətlərini öyrənib, 1975-ci ildə "Cinsi demorfizm və şəxsi qarşılıqlı münasibətlərin formalaşmasının psixoloji problemləri" mövzusunda doktorluq dissertasiyasını uğurla müdafiə edib. Ə.Əlizadənin dissertasiyası Azərbaycan psixologiyasında mühüm hadisə olub. Bu tədqiqatla Azərbaycan psixologiyasında yeni elmi istiqamət - cinsi fərqlər psixologiyası istiqaməti yaranıb və uğurla inkişaf edib.
Rektor bildirib ki, professor Ə.Əlizadə "Elmi xəbərlər"in (psixologiya və pedaqogika seriyası) baş redaktoru, "Azərbaycan məktəbi" jurnalı redaksiya heyətinin üzvi kimi səmərəli fəaliyyət göstərib. Azərbaycanın ilk psixoloq alimlərindən olan Ə.Əlizadə uzun müddət ADPU-nun ümumi psixologiya kafedrasının müdiri vəzifəsində işləyib. Professor Ə.Əlizadə çoxlu sayda elmi əsərin, məqalənin, dərslik və dərs vəsaitinin müəllifidir. Ənənəvi təhsildən təfəkkür məktəbinə keçidin psixoloji aspektlərini araşdıran psixoloq-alim bu sahədə dəyərli əsərlər yaradıb, elmi-pedaqoji kadrların hazırlanması sahəsində əvəzsiz xidmətlər göstərib. Ə.Əlizadə mötəbər beynəlxalq konfrans, simpozium, konqres və digər elmi tədbirlərdə Azərbaycanı layiqincə təmsil edib. Onun elmi-pedaqoji fəaliyyəti ölkə rəhbərliyi tərəfindən yüksək qiymətləndirilib. O, Əməkdar Elm Xadimi adına layiq görülüb, “Şöhrət” ordeni ilə təltif olunub. Ə.Əlizadə 2015-ci il fevralın 22-də vəfat edib. Təhsilin nəzəriyyə və praktikası ilə məşğul olan görkəmli pedaqoqun əziz xatirəsi daim qəlbimizdə yaşayacaq.
Konfransın plenar iclasında Milli Məclisin deputatı, professor Bəxtiyar Əliyev, ADPU-nun elmi işlər üzrə prorektoru, professor Asəf Zamanov Ə.Əlizadəni çoxşaxəli elmi yaradıcılığa malik alim, xalqına, dövlətinə, Vətəninə sədaqətlə xidmət edən vətəndaş, həssas, qayğıkeş insan kimi səciyyələndirib, onunla bağlı xatirələrini bölüşüblər.
İclasda professor Ramiz Əliyevin “Professor Əbdül Əlizadə. Ləyaqətli insan, istedadlı alim” mövzusunda məruzəsi dinlənilib.
Sonra Ə.Əlizadənin oğlu, professor Hikmət Əlizadə tədbirin təşkilatçılarına və iştirakçılarına minnətdarlığını bildirib.
Konfrans öz işini üç bölmədə iclaslarla davam etdirib. İclaslarda ümumilikdə 110 məruzə dinlənilib, mövzular ətrafında müzakirələr aparılıb
Nigar




 
Bölməyə aid digər xəbərlər
19.09.2018
Gəncənin Qazaxlar və Balabağman məscidləri təmir edilib
19.09.2018
Gəncədə iki yerdə qanvermə aksiyası keçiriləcək
19.09.2018
ADPU-da professor Faruk Faik Köprülünün məruzəsi dinlənilib
19.09.2018
Dövlət Əmək Müfəttişliyi Xidməti Lənkəran və Masallı rayonlarında seminar keçirib
19.09.2018
Əcnəbilərin Azərbaycana marağını necə artırmaq olar

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info