Prezident təqaüdçüsü: “Özümə verdiyim suallar məni bir ünvana istiqamətləndirdi”
Tarix: 07.12.2017 | Saat: 18:27:00 | E-mail | Çapa göndər


Müsahibimiz Bakı Ali Neft Məktəbinin tələbəsi, Prezident təqaüdçüsü Xalidə Əliyevadır:

- Xalidə, bir az özün haqda danış səni tanıyaq.
- Mən, Əliyeva Xalidə 2000-ci il 6 yanvar tarixində Lənkəran şəhərində anadan olmuşam. 2007-ci ildən etibarən orta təhsilimin ilk 5 ilini Sumqayıt şəhər Texniki və Təbiət Elmlər Liseyində, növbəti 3 ilini Lənkəran şəhər 4 saylı məktəb-liseydə, son 3 ilini Bakı şəhər 220 saylı məktəb-liseydə tamamlamışam. 2017-ci ildə Tələbə Qəbulu üzrə Dövlət İmtahan Mərkəzinin keçirdiyi 1-ci qəbul imtahanında 700 bal toplayaraq Bakı Ali Neft Məktəbinin tələbəsi adını qazanmışam.
- İndiyədək özünlə fəxr etdiyin hansı nailiyyətin olub?
- Təbii ki, qəbul imtahanında əldə etdiyim maksimal nəticə mənim indiyədək əldə etdiyim ən böyük uğurlarımdandır. Lakin məndə qürur hissi oyadan ən böyük uğurum Bakı Ali Neft Məktəbi ailəsinə daxil olmağımdır. Çünki düşünürəm ki, parlaq gələcəyə aparan yol sağlam addımlardan keçir və mən bu ali məktəbi seçməklə ən düzgün qərarı vermişəm. Bundan başqa Prezident təqaüdünə layiq görülməyimi də uğur olaraq qeyd edə bilərəm. Ölkə başçısının sərəncamında öz adımı görəndə dünyanın ən xoşbəxt adamı idim.
- Maraqlıdır, ali məktəblərə seçim qarşısında olarkən niyə məhz Bakı Ali Neft Məktəbini seçdiniz?
- Bu belə oldu ki, ixtisasımı dəqiqləşdirən kimi fikrimdə özümə bu sualları verdim: Seçəcəyin ali məktəbdən gözləntilərin nələrdir? Ali məktəbi bitirdikdən sonra karyera imkanlarım necə olacaq? " və s. Məhz həmin suallar və onların cavabları məni yalnız bir ünvana - Bakı Ali Neft Məktəbinə istiqamətləndirdi. BANM-ə qoşulduqdan sonra əmin oldum ki, həqiqətən tələbələrə yüksək keyfiyyətli və hərtərəfli təhsil verilir. Ən əsası tələbələrdə həyata başqa perspektivdən baxmaq qabiliyyəti aşılanır. BANM öz üstünlükləri ilə mənə parlaq gələcək və uğur dolu bir həyat vəd edir. Buna görə çox sevinirəm.
- BANM-i bitirdikdən sonra özünü harada görürsən?
- Bakalavr pilləsini başa vurduqdan sonra ali təhsilimi magistr pilləsində davam etdirmək istəyirəm. Ən böyük məqsədim isə ölkəmi beynəlxalq arenada təmsil etmək və ixtisasım üzrə bir ilkə imza atmaqdır.
- Xalidə, səni həyatda ən çox motivasiya edən nədir?
- Məni həyatda ən çox motivasiya edən ailəmin və sevdiklərimin mənə olan sevgisi, inamı və dəstəyidir. 
- Ali məktəblərə qəbul və seçim qarşısında olan tələbələrə məsləhətin nə olardı?
Onlara demək istərdim ki, özlərini hansı sahədə xəyal edirlərsə həmin sahə üzrə təhsil alsınlar. Həyatdan nə istədiklərini bilmək onları uğura aparmağa kömək edəcək. Elə məndə də belə oldu. Əvvəlcədən mühəndis olacağımı və BANM-də təhsil alacağımı müəyyən eləmişdim. Onda görə bu gün uğura aparan yolla addımlayıram.
Nigar




 
Bölməyə aid digər xəbərlər
13.11.2018
“Xaricdə təhsilimi davam etdirsəm, psixologiya sahəsini seçəcəyəm”
13.11.2018
“Biz övladlarımıza Azərbaycan dilini öyrədirik ki, onlar öz milli köklərini unutmasınlar”
12.11.2018
Norveçin Bakıda səfirliyinin fəaliyyətini dayandırması sıradan olan adi bir haldır
09.11.2018
Azərbaycan Prezidentinin rəhbərliyi ilə uğurlu xarici siyasət fəaliyyəti həyata keçirilir
08.11.2018
“Universitetlərdə rəhbər şəxslərin qapıları tələbələr üçün daim açıq olur”

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10472

1 “Xaricdə təhsilimi davam etdirsəm, psixologiya sahəsini seçəcəyəm”
2 “Universitetlərdə rəhbər şəxslərin qapıları tələbələr üçün daim açıq olur”
3 Polşalı şagirdlər Azərbaycan nağıllarına illüsturasiyalar çəkiblər
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info