“Əlilliyi olan 624 min nəfərin 323 mini əmək qabiliyyəti yaşda olan əlillərdir”
Tarix: 11.12.2017 | Saat: 17:13:00 | E-mail | Çapa göndər


"Bu gün Azərbaycanda 624 min əlilliyi olan şəxsin təxminən 26 min nəfəri birinci qrup əlil kimi pensiya alanlardır".
Bunu əmək və əhalinin sosial müdafiəsi naziri Səlim Müslümov bildirib. 
Nazirin sözlərinə görə, ölkədə sosial müavinət alan əlillərin sayı 22 min nəfər təşkil edir. 
"Təqribən hər il əmək qabiliyyəti olan əlillərin 2%-nin əmək qabiliyyətinin bərpa olunması baş verir. Əlbəttə, bu, aşağı rəqəmdir və mən buna təəssüf edirəm. Amma bu gün nazirliyimizin tərkibində fəaliyyət göstərən 15-ə yaxın bərpa-reabilitasiya mərkəzi var ki, bunlar bu proseslə məşğul olurlar və bu göstəricinin artırılmasına nail olmaq istəyirik. Bu gün əlilliyi olan 624 min nəfərin 323 min nəfəri əmək qabiliyyəti yaşda olan əlillərdir. Təəssüflər olsun ki, bunların çox az hissəsi - təqribən 10%-ə yaxını işləyən əlillərdir. Avropa ölkələrinin təcrübəsinə baxsaq, ortalama əmək qabiliyyəti olan əlillərin 40%-ə yaxını işlə təmin olunur. Bizdə bu göstərici 10%-dir. Qonşu ölkələrlə nisbətdə bu uyğun rəqəmdir. Amma bütün hallarda mən düşünürəm ki, bunun sayının artırılmasına ehtiyac var. Bunun üçün yanaşma dəyişməlidir və əlilliyi olan şəxslərin iqtisadi suverenliyi təmin olunmalıdır. Bu istiqamətdə ən vacib məsələlərdən biri əmək bazarının əlilliyi olan şəxslər üçün uyğunlaşdırılmasında qanunvericiliyin təkmilləşdirilməsidir", -deyə nazir vurğulayıb. 
S.Müslümov vurğulayıb ki, bu gün həm Əmək Məcəlləsində, həm məşğulluq haqqında qanunda, həm əlillərin sosial müdafiəsi haqqında qanunvericilikdə əlillərin hüquqlarının qorunması istiqamətində müəyyən prefensiyalar nəzərdə tutulub: "Əlbəttə bunlar passiv sosial təminat tədbirlərinə və yaxud əlillərin cəmiyyətdən təcrid olunaraq xüsusi kateqoriya kimi baxılmasına aid olan, vaxtilə qəbul olunmuş müddəalardır. Onların dəyişdirilməsinə ehtiyac var və biz 2014-cü ildə Cenevrədə əlillərin müdafiəsinin hüquqları üzrə hökumətin birinci hesabatını BMT-nin Əlillərin hüquqlarının müdafiəsi komitəsinə verən zaman onların da bu sahədə iradlarını nəzərə alaraq əlillərin hüquqlarının müdafiəsi haqqında yeni qanun layihəsi hazırlamışıq və o qanun layihəsi artıq Nazirlər Kabineti tərəfindən Prezident Administrasiyasına təqdim olunub. Düşünürəm ki, yaxın zamanlarda Milli Məclisə bu qanun layihəsinə yenidən baxılması gündəmə gələcək".
Tural




 
Bölməyə aid digər xəbərlər
21.02.2019
Fondun təşkilatçılığı ilə KİV rəhbərləri Dövlət Miqrasiya Xidmətinin fəaliyyəti ilə yaxından tanış olublar
21.02.2019
DİN polis orqanlarında 150 vəzifəyə qəbulla əlaqədar müsabiqə elan edib
21.02.2019
Rusiyalı bloqqerlər Azərbaycanda qış mövsümü haqqında film çəkiblər
21.02.2019
Azərbaycanın İstanbuldakı baş konsulu azərbaycanlı tələbələrlə görüşüb
21.02.2019
Dini liderlər Xocalı ilə əlaqədar beynəlxalq təşkilatlara müraciət ediblər

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10611

1 Milli qəhrəmanlara və şəxsiyyətlərə hücum savaşın tərkib hissəsidir
2 “Əsas oxucu kütləsi sayılan gənclər bu gün internet mediaya daha çox üstünlük verirlər”
3 ABŞ-da atışma: xəsarət alanlar var
4 Əsərləri dünyanın bütün elektron kitabxanalarında yer alan azərbaycanlı yazar
5 Londonda Karl Marksın məzarına növbəti dəfə vandal hücumu olub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info