2020-ci ilədək Şəki-Zaqatala iqtisadi regionunda 30-dək ailə təsərrüfatlarına dəstək göstəriləcək
Tarix: 13.12.2017 | Saat: 17:42:00 | E-mail | Çapa göndər


"Balakən regional ABAD mərkəzi vasitəsilə Şəki-Zaqatala iqtisadi zonasında kiçik ailə müəssisələrinin inkişafına dəstək" layihə sənədinin imzalanması baş tutub.
Sənədi Azərbaycan Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin ("ASAN xidmət") sədri İnam Kərimov, Avropa İttifaqı (Aİ) Nümayəndəliyinin rəhbəri Kestutis Yankauskas və BMT-nin Azərbaycandakı rezident əlaqələndiricisi və BMTİP-in rezident nümayəndəsi Qulam İshaqzai imzalayıblar.
 
ABAD publik hüquqi şəxsin direktoru Rüfət Elçiyevin sözlərinə görə, ASAN xidmət, Aİ və BMT-nin İnkişaf Proqramı arasında imzalanan layihənin 3 il müddətinə həyata keçirilməsi nəzərdə tutulub.

"Belə ki, 2020-ci ilədək Şəki-Zaqatala iqtisadi regionunda 30-dək ailə təsərrüfatlarına dəstək göstəriləcək. Dəstək ABAD xidmətləri vasitəsilə həyata keçiriləcək. Bu insanlar faktiki olaraq sahibkarlıq subyektlərinə çevrilərək Azərbaycan iqtisadiyyatına töhfə verəcəklər. BMT-nin daimi inkişaf məqsədlərinə qismən nail olunması  nəzərdə tutulur. Layihə çərçivəsində ailələrin brendləri yaradılacaq, məhsulları istehsal olunacaq və satışa çıxarılacaq. Bu layihənin maliyyələşməsini 3 tərəf həyata keçirəcək. Əsas maliyyə partnyoru qismində Avropa İttifaqı çıxış edir. BMT-nin İnkişaf Proqramı bu layihə çərçivəsində icraya nəzarət və maliyyə xərclərini öz üzərinə götürən tərəfdir. ABAD publik hüquqi şəxs agentlik tərəfi isə icraçı tərəfdir və bütün bu layihəni icra edəcək", - deyə o qeyd edib.

ABAD direktoru onu da vurğulayıb ki, hal-hazırda sıralarımızda 170 "ABAD"çı var ki, onlardan 25-i kənd təsərrüfatı istehsalı ilə məşğul olur: "Digər mütləq əksəriyyət sənətkarlıqla məşğul olan "ABAD"çılardır. Bundan başqa, 5 sərgi-satış mərkəzlərindən əlavə "Bravo" mağazalar şəbəkəsində də bizim "ABAD"çıların məhsullarının satışı həyata keçirilir. Ötən müddət ərzində bütün məhsulların satış dövriyyəsi 320 min manata çatıb. Bu göstəricinin 230 minə qədəri "ABAD"çılarımızın bank hesabına köçürülüb".
 
Hələlik iki istiqamət üzrə (kənd təsərrüfatı, dekorativ-tətbiqi xalq sənətkarlığı) layihələrə dəstək göstərdiklərini qeyd edən R.Elçiyev bunun başlanğıc olduğunu bildirib: "Biz yalnız kənd təsərrüfatı, sənətkarlıq deyil digər sahələri də dəstəkləməyə hazırıq. Əsas odur ki, maraqlı ideya, maraqlı biznes plan olsun biz onu dəstəkləməyə hazırıq. Turizmin inkişafı üzrə hostellərin yaradılmasına böyük ümidlərimiz var".
Tural




 
Bölməyə aid digər xəbərlər
23.09.2018
Səkkiz ayda hər bir sakin 554,5 manatlıq ödənişli xidmətlərdən istifadə edib
21.09.2018
Bakı metropoliteni tarixinin ən böyük sosial layihəsinə start verilir
20.09.2018
Ağdamda keçirilən əmək yarmarkasında 75 nəfərə işə göndəriş verilib
20.09.2018
Qafqaz Müsəlmanları İdarəsində qanvermə aksiyası keçirilib
20.09.2018
İqtisadiyyat naziri Gəncədə vətəndaşları qəbul edəcək

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10133

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 Yalnızlıq qorxusu
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info