“Azersky” peykinin imkanlarından Tacikistanın istifadə etməsi müzakirə edilib
Tarix: 14.12.2017 | Saat: 17:12:00 | E-mail | Çapa göndər


Azərbaycanın “Azersky” peykinin imkanlarından Tacikistanın istifadə etməsi məsələləri müzakirə edilib.
“Azərkosmos” ASC-nin nümayəndə heyəti Tacikistanın paytaxtı Düşənbə şəhərində keçirilən “Yerin məsafədən müşahidə peyklərinin imkanları və məsafədən zondlama həllərinə dair seminar”da iştirak edib.
ASC-dən AZƏRTAC-a bildirilib ki, seminar çərçivəsində nümayəndə heyəti Tacikistan Respublikasının Kənd Təsərrüfatı Nazirliyi, Torpaq və Geodeziya Komitəsi, Ətraf Mühitin Mühafizəsi Komitəsi, Dövlət Torpaq Komitəsinin “Fazo” Layihə və Tədqiqat İnstitutu, Geologiya Baş İdarəsi, Meşə Təsərrüfatı Agentliyi, Meliorasiya və İrriqasiya Agentliyi, Rabitə Administrasiyasının nümayəndələrinin iştirakı ilə görüşlər keçirib.
Görüşlərdə “Azersky” peykinin tətbiq sahələri və imkanları, “Azərkosmos” tərəfindən Yer Səthinin Məsafədən Müşahidəsi sahəsi üzrə həyata keçirilən layihələr haqqında iştirakçılara məlumat verilib.
Həmçinin Tacikistanın dövlət qurumlarının aktiv layihələrinin “Azersky” peykinin imkanlarından istifadə olunmaqla icrasına və qurumlar arasında ikitərəfli əlaqələrin qurulmasına dair geniş müzakirələr aparılıb.
Qeyd edək ki, Cənubi Qafqazda ilk peyk operatoru olan “Azərkosmos” ASC telekommunikasiya və coğrafi kəşfiyyat sahələri üçün yüksəkkeyfiyyətli peyk xidmətləri təqdim edir. 2013-cü ilin fevral ayında orbitə buraxılan və “Azərkosmos” tərəfindən idarə edilən “Azerspace-1” peyki 46° şərq uzunluğu orbital mövqeyində yerləşir və Avropa, Afrika, Yaxın Şərq, Qafqaz və Mərkəzi Asiya regionlarını əhatə edir. Ən azı 15 il müddətində orbitdə fəaliyyət göstərəcək peykin faydalı yükü 36 transponderdən ibarətdir: C diapazonda 24, Ku diapazonda 12 transponder. 2014-cü ilin dekabr ayından etibarən “Azərkosmos” sayca ikinci, təyinatına görə yüksək ayırdetməli (1,5 m ayırdetmə) Yer səthinin məsafədən müşahidə peyki olan “Azersky”ın idarəçiliyini təhvil alıb və bununla da geoinformasiya xidmətləri də daxil olmaqla Yer səthinin məsafədən müşahidəsinin kommersiya fəaliyyətinə başlayıb. Şirkətin strateji inkişaf planlarına əhatə dairəsinin və xidmətlər spektrinin genişləndirilməsi daxildir. Bu məqsədlə “Azərkosmos” 2018-ci ildə ikinci telekommunikasiya peyki “Azerspace-2”ni 45° şərq uzunluğu orbital mövqeyinə çıxarmağı və qarşıdakı illərdə çox yüksək ayırdetməli Yer səthinin məsafədən müşahidə peyki əldə etməyi planlaşdırır.


Mahmud




 
Bölməyə aid digər xəbərlər
22.09.2018
“Azeri Light”ın qiyməti bahalaşıb
21.09.2018
İlk “KOB Dostu” sahibkarların xidmətində
21.09.2018
İqtisadiyyat naziri Gəncədə vətəndaşları qəbul edib
21.09.2018
“Azərenerji”: Ölkə enerjisi sistemində təxirəsalınmaz tədbirlərin həyata keçirilməsinə başlanılıb
21.09.2018
“Əsrin müqaviləsi” Azərbaycanın dirçəlişinə, iqtisadi inkişafına geniş yol açıb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10130

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info