Azərbaycanlı alimlərin yeni elmi nəticəsi ilə alternativ enerjinin əldə olunması daha da asanlaşacaq
Tarix: 14.12.2017 | Saat: 18:17:00 | E-mail | Çapa göndər


Gəncə Dövlət Universitetinin kimyəvi materialşünaslıq laboratoriyasında bir qrup kimyaçı alim tərəfindən aparılmış elmi tədqiqatlarda mühüm nəticə əldə olunub. Elm üçün böyük uğur sayılan yeni nəticəni, yəni funksional materialları nanotexnologiyada, elektrotexnikanın müxtəlif sahələrində, günəş batareyalarının istehsalında, eləcə də alternativ enerji mənbələrinin alınmasında geniş tətbiq etmək mümkündür. Bu barədə universitetin mətbuat və ictimaiyyətlə əlaqələr xidməti məlumat verib.
Bildirilib ki, universitetin kimyəvi materialşünaslıq elmi tədqiqat laboratoriyasında ilk dəfə 2012-ci ildən bir qrup kimyaçı alim tərəfindən tədqiqat işlərinə başlanılıb. İlk vaxtlar aparılmış tədqiqatlar zamanı müəyyən göstəricilər qeydə alınsa da, laboratoriyada zəruri cihaz və avadanlıqlar olmadığından son elmi nəticəni almaq mümkün olmayıb.
Gəncə Dövlət Universitetində aparılan kimyəvi araşdırmaları daha da dərinləşdirmək və mühüm elmi nəticəni əldə etmək üçün kimyəvi materialşünaslıq elmi tədqiqat laboratoriyasının fəaliyyəti 2016-cı ildə yenidən təşkil edilib. Laboratoriya termoskan cihazı, vakuum qurğusu, mufel sobaları, müasir elektron analitik tərəzilər, eləcə də digər qurğu və avadanlıqlarla təchiz edilib. Elmi tədqiqat işlərinin səviyyəsinin yüksəldilməsi üçün Gəncə Dövlət Universitetinin rektoru Yusif Yusibovun rəhbərliyi ilə ali təhsil ocağının alimləri –İsfəndiyar Alverdiyev, Zəhra Əliyeva, Vüsalə Qəhrəmanova və kimya kafedrasının əməkdaşları laboratoriyada aparılan elmi tədqiqat işlərinə cəlb olunublar. Həmçinin AMEA-nın Qeyri-üzvi Kimya və Katoliz İnstitutunun direktor müavini Məhəmməd Babanlı, laboratoriya müdiri İmir Əliyev və digər alimlər elmi tədqiqat işlərində yaxından iştirak ediblər.
Beləliklə, kimyəvi materialşünaslıq elmi-tədqiqat laboratoriyasında müxtəlif təyinatlı yeni qeyri-üzvi funksional materialların alınması sahəsində sistemli tədqiqatlar aparılıb.
Elmi tədqiqat işləri haqqında danışan dosent İsfəndiyar Alverdiyev deyib ki, həmin materiallar sırasında super-ion keçiricilər xüsusi yer tutub. “Bərk maddənin bu qeyri-adi halı onunla səciyyələnir ki, atomlardan biri mayelərdə olduğu kimi yüksək mütəhərrikliyə malikdir, digərləri isə kristal qəfəsdə öz müntəzəm vəziyyətini saxlayır. Məhz superion keçiricilərin bu ikili təbiəti onların yüksək texnologiyalarda tətbiqi üçün geniş imkanlar yaradır”, - deyə o bildirib.
İsfəndiyar Alverdiyev qeyd edib ki, alınmış mühüm nəticələr həm rentgenoqrafik tədqiqatlarda təsdiqini tapıb, həm də “Tomson Reuters” sisteminə daxil olan 15-ə yaxın nüfuzlu beynəlxalq jurnalda çap olunub.

Nigar




 
Bölməyə aid digər xəbərlər
20.03.2019
Bayramın ikinci günündə hava əsasən yağmursuz keçəcək
20.03.2019
Kiyevdə keçirilən Novruz şənliyində Azərbaycanın milli mətbəx nümunələri təqdim olunub
20.03.2019
Vaşinqtondakı Azərbaycan məktəbində Novruz bayramı qeyd olunub
20.03.2019
Metropolitendə ilk dəfə Novruz şənliyi təqdim olunur
20.03.2019
Gənclər Aprel şəhidlərinin ailələrini ziyarət ediblər

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10701

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Akademik Ramiz Mehdiyev tariximizin xanlıqlar dövrünə sənədlər işığında nəzər salır
3 Lənkəranın ucqar kənd məktəbində Novruz şənliyi keçirilib
4 Yuliya Naçalova vəfat edib
5 Fərdi yaşayış evlərinin sənədləşdirilməsi ilə bağlı konsepsiya hazırlanır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info