“TAP hazır olsaydı indi fövqəladə vəziyyət elan etməyə hazırlaşmazdıq”
Tarix: 15.12.2017 | Saat: 00:12:00 | E-mail | Çapa göndər


Avstriyada qaz terminalında baş verən qəza Azərbaycan qazını Avropaya, eləcə də İtaliyaya ixrac edəcək TAP kəmərinin əhəmiyyətini ortaya qoydu
Dekabrın 12-də Avstriyanın Baumqarten an der Marx qəsəbəsi yaxınlığında yerləşən qazpaylaşdırıcı terminalda güclü partlayışın təmizləyici filtrlər sistemindəki qüsurdan baş verməsi təsdiqlənib. “Gas Connect Austria” şirkətinin icraçı direktoru Ştefan Vaqenhofer bu barədə açıqlama verərək deyib: “Partlayış günü ehtimal etdiklərimiz artıq öz təsdiqini tapıb. Çərşənbə günü aparılan araşdırmalar nəticəsində təsdiqlənib ki, həqiqətən də yeni montaj olunmuş filtr ayırıcısı yanğının səbəbi və ya başlama nöqtəsi olub”. İcraçı direktorun sözlərinə görə, filtr ayırıcısının qapağı təzyiq nəticəsində yerindən çıxaraq digər qurğulara dəyib və bu zaman baş verən alışma partlayışla nəticələnib. Kornoyburq Rayon Prokurorluğu insan ölümü ilə nəticələnən hadisə ilə bağlı cinayət işi açıb. Prokurorluq tərəfindən sifariş verilmiş və səkkiz həftə sonra hazır olacaq texniki ekspert rəyi baş vermiş qəzanın səbəb və gedişatı ilə bağlı suallara tam aydınlıq gətirməlidir. Eyni zamanda, partlayışın vurduğu maddi ziyan da müəyyənləşdirilməlidir. İtaliyanın qaz-infrastruktur şirkəti SNAM bildirib ki, Rusiyadan Avstriya ərazisindən keçməklə “Trans Austria Gasleitung” boru kəməri vasitəsilə İtaliyaya qaz nəqli yenidən bərpa olunub. Bu qəza Azərbaycan qazını Avropaya, eləcə də İtaliyaya ixrac edəcək TAP kəmərinin nə qədər əhəmiyyətli olduğunu ortaya qoymuş oldu. İtaliyanın iqtisadi inkişaf naziri Karlo Kalenda da açıqlamasında hökumətin fövqəladə vəziyyət elan etməyə hazırlaşdığını söyləyib: “Avstriyada qazpaylayıcı stansiyada baş verən qəza səbəbindən ciddi problemlə üzləşmişik. Əgər bu gün TAP hazır olsaydı indi qazın olmamasına görə fövqəladə vəziyyət elan etməyə hazırlaşmazdıq”. İtaliyanın nəhəng enerji şirkəti “Eni” korporasiyasının icraçı direktoru Klaudio Deskatsi enerji sektorunda qazın dayandırılması ilə bağlı heç bir problemin olmaması, amma qiymətlərin qalxacağı barədə açıqlama verib. “Əgər bu vəziyyət sabah başa çatsa, o zaman problem yaşanmayacaq. Əgər həftələrlə davam etsə onda qazın qiyməti qalxacaq”. Azərbaycan təbii qazını Avropaya daşıyacaq “Trans-Adriatik” (TAP) təbii qaz boru kəməri layihəsinin 60 faizdən çoxu icra olunub. “Cənub Qaz Dəhlizi” layihəsi çərçivəsində “Şahdəniz” qaz-kondensat yatağının istismarının ikinci mərhələsinin işlənməsi üzrə görüləcək işlərin (ilk qazın hasilatına dair) 98,5 faizi, Cənubi Qafqaz Boru Kəmərinin Genişləndirilməsi (CQBKG) üzrə işlərin 92,3 faizi, Trans-Anadolu (TANAP) boru kəmərinin inşası üzrə işlərin 87,4 faizi, TAP kəmərinin inşası üzrə işlərin isə 60,8 faizi icra edilib. Xatırladaq ki, “Cənub Qaz Dəhlizi” QSC Azərbaycan Prezidentinin “Şahdəniz qaz-kondensat yatağının istismarının ikinci mərhələsi və “Cənub Qaz Dəhlizi”nin yaradılmasına dair digər layihələrlə bağlı bəzi tədbirlər haqqında” 2014-cü il tarixli 25 fevral sərəncamı əsasında yaradılmış və səhmlərinin 51 faizi dövlət mülkiyyəti olmaqla İqtisadiyyat Nazirliyinə, 49 faizi isə SOCAR-a məxsus olan qapalı səhmdar cəmiyyətidir. Avropa İttifaqı üçün prioritet enerji layihələrindən biri olan “Cənub Qaz Dəhlizi”nin seqmentlərini “Şahdəniz-2”, Cənubi Qafqaz Boru Kəmərinin Genişləndirilməsi, TANAP və TAP layihələri təşkil edir. Bu boru xətti Xəzər dənizinin Azərbaycan sektorundakı “Şahdəniz-2” yatağından hasil olunacaq qazı Türkiyəyə və bu ölkədən də Avropaya çatdıracaq. Uzunluğu 3 min 500 kilometr olan “Cənub Qaz Dəhlizi” vasitəsilə ilkin mərhələdə Türkiyəyə 6 milyard kubmetr, Avropaya 10 milyard kubmetr qaz nəqli nəzərdə tutulur. Azərbaycan təbii qazının 2018-ci ilin ortalarında Türkiyəyə, 2020-ci ilədək isə Avropaya çatdırılması planlaşdırılır.
Anar




 
Bölməyə aid digər xəbərlər
21.11.2018
Ukrayna NATO və Avropa İttifaqına üzvlüyə hər an yaxınlaşır
20.11.2018
Yeni Azərbaycan Partiyası: iqtisadi və siyasi müstəqilliyi möhkəmləndirən ideyalar məktəbi
19.11.2018
“Qaçaqmalçılığa qarşı mübarizə sahəsində yüksək göstəricilər əldə olunub”
19.11.2018
Səfir: Azərbaycanla Pakistan arasında olan strateji tərəfdaşlıq münasibətləri bütün sahələrdə əməkdaşlığa öz töhfəsini verir
18.11.2018
Sanya meri: Azərbaycan qədim tarixə və özünəməxsus mədəniyyətə malik ölkədir

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10508

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Almaniyada Naxçıvanla bağlı broşürlər paylanılıb
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info