ADU-nun rektoru rus dili səfirləri ilə görüşüb
Tarix: 15.12.2017 | Saat: 15:52:00 | E-mail | Çapa göndər


Azərbaycan Dillər Universitetinin (ADU) rektoru, AMEA-nın həqiqi üzvü, Əməkdar elm xadimi Kamal Abdulla Rusiya Federasiyasının A.S.Puşkin adına Rus dili Dövlət İnstitutunda rus dilinin öyrədilməsi üzrə təlimlər keçən 11 nəfər rus dili səfiri ilə görüşüb.
Öncə rektor K.Abdulla görüşdə iştirak edən Rusiyanın Ural Federal Universitetinin professoru, Xarici regionşünaslıq kafedrasının müdiri Aleksandr Nesterovu təqdim edib. O, bildirib ki, A.Nesterov həftə ərzində universitetin professor-müəllim heyəti ilə görüşlər keçirib, tələbələrə mühazirələr oxuyub. Daha sonra rus dili səfirlərini universitetdə görməkdən şad olduğunu deyən rektor bu gənclərin fəaliyyətini yüksək qiymətləndirib. Dünyada rus dilinin təbliğ edilməsində bu layihənin vacibliyindən danışan rektor layihənin gənclər arasında yaxın dostluq əlaqələri ilə yanaşı, xalqların dostluğuna da zəmin yaratdığını vurğulayıb. ADU-da Rusiyaşünaslıq elmi-tədqiqat laboratoriyasının açıldığını deyən rektor K.Abdulla əməkdaşlıq çərçivəsində daha çox layihələrin birgə həyata keçiriləcəyinə ümid etdiyini bildirib. O, gələcəkdə qarşılıqlı münasibətlərə əsasən rus dilinin öyrədilməsinin daha geniş müstəvidə təşkil olunmasının zəruriliyindən danışıb.
A.S.Puşkin adına Rus dili Dövlət İnstitutunun əməkdaşı, metodist Tatyana Kudoyarova Azərbaycanda və ADU-da olmaqdan sevinc hissi keçirdiklərini söyləyib. Azərbaycanlıların rus dilini sevdiklərini və öyrənməyə çalışdıqlarını deyən metodist ADU tələbələrinin bu dərslərdə fəallıq və maraq göstərdiklərini qeyd edib. Layihə haqqında məlumat verən T.Kudoyarova bu vasitə ilə ölkələrarası tarix, mədəniyyət və dil sahələrində mübadilə aparıldığını bildirib.O, layihənin ADU-da uğurla həyata keçirilməsində xoş münasibətinə, yardımına və yaratdığı şəraitə görə universitet heyətinə minnətdarlığını bildirib.
Azərbaycan Respublikasında “Dünyada rus dili səfirləri” beynəlxalq könüllülük proqramının təhsil və maarifləndirici ekspedisiyasının təşkilinə göstərdiyi yardıma görə rektor Kamal Abdulla, Rusiyaşünaslıq ETL-nin əməkdaşı Diana Hüseynzadə, Qrantlar və layihələr şöbəsinin müdiri Səbinə Feyzullayeva, həmin şöbənin əməkdaşı Ramin Səmədov, Biliyin qiymətləndirilməsi və monitorinqi şöbəsinin mütəxəssisi Səbinə Nurəliyevaya, tələbələrdən Kamal Novruzov və Aidə Əliyevaya isə tərcüməçi kimi göstərdikləri yardıma görə təşəkkürnamə verilib. Proqramda iştirak edən tələbələr sertifikatla təltif olunub.
Daha sonra “Bir günlük xəlifə” layihəsi çərçivəsində 13 dekabr 2017-ci il tarixində rektor vəzifəsini icra edən Təhsil fakültəsinin III kurs tələbəsi Nicat Aşurov rus dili səfirlərinə hədiyyələr təqdim edib.
Sonda rus dili səfirləri rus dilində mahnılar ifa ediblər.
Tural




 
Bölməyə aid digər xəbərlər
26.05.2019
Azərbaycan Amerikan Tibb Assosiasiyası Vaşinqtonda konfrans keçirib
26.05.2019
Erməni işğalı Şuşada xalçaçılıq ənənələrini məhv edib
25.05.2019
İspaniyanın Sevilya şəhərində ilk dəfə məscid inşa olunacaq
25.05.2019
Avropa Liqasının final oyunu ilə bağlı azarkeşlər üçün nəqliyyat pulsuz olacaq
25.05.2019
Region gənclərinin dövlət qulluğuna maraq və imkanları artırılacaq

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10790

1 Üç müharibə iştirakçısı olan general-mayor
2 Oqtay Zülfüqarovun uşaq mahnıları müasir aranjemanda səslənəcək
3 “İrəvan quberniyasına aid arxiv materiallarını oxuduqca hiss edirsən ki, buralar döğma torpaqlardır”
4 Erməni əsilli gimnast: Mxitaryanın yerində olsaydım, komandamla birgə Bakıya gələrdim
5 Vahid Rzayev:”Səhər gördük ki, ermənilər arxiv sənədində özlərinə sərf etməyən hissəni qayçı ilə kəsiblər”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info