Madriddə keçirilən sərgidə Azərbaycan da təmsil olunub
Tarix: 18.12.2017 | Saat: 15:36:00 | E-mail | Çapa göndər


İspaniyanın Madrid şəhərində “Milad Bayramı – Mədəniyyətlər sərgisi”nin təntənəli açılış mərasimi keçirilib.
Madrid şəhərinin meri Manuela Karmena tədbirin açılış mərasimində çıxış edib. O, “Mədəniyyətlər sərgisi”nin üçüncü ildir keçirilməsinə baxmayaraq, şəhər sakinləri tərəfindən böyük rəğbətlə qarşılandığını deyib. Qeyd olunub ki, builki tədbir Madrid şəhərində akkreditə olunmuş 70-dən çox diplomatik nümayəndəlik və beynəlxalq təşkilatların əməkdaşlığı və iştirakı nəticəsində baş tutub.
350-dən çox fəaliyyət proqramının təşkil edildiyi mötəbər tədbirdə ölkəmiz bu il ilk dəfə Azərbaycan Respublikasının İspaniya Krallığındakı səfirliyinin təşkilatçılığı ilə təmsil olunub.
Azərbaycan milli pavilyonunda ölkəmizlə bağlı müxtəlif təbliğat materialları, rəsm nümunələri və incəsənət əsərləri ilə yanaşı, milli mətbəximizin ləziz nemətləri (dolma, aş, qutab, lavaş, şəkərbura, paxlava və s.) nümayiş etdirilib. Milli pavilyonumuz sərgi ziyarətçilərinin böyük marağına səbəb olub.
Xanım Manuela Karmena Azərbaycan milli pavilyonunu ziyarət edərək, orada təqdim olunanlarla yaxından maraqlanıb, Azərbaycan milli pavilyonunun sərgidə özünəməxsusluğu ilə seçildiyini vurğulayıb. Mer həmçinin milli mətbəximizin zəngin təamlarından bəzilərinin dadına baxıb, dolmanı və qutabı çox bəyəndiyini, feyxoanın isə fərqli, ləzzətli dada malik olduğunu qeyd edib. Xanım Karmena milli pavilyonumuzdan xoş hisslərlə ayrılaraq uğurlu təşkilatçılığa görə təşəkkürünü bildirib.
Ölkəmizin sərgidə iştirakı İspaniya KİV nümayəndələrinin də diqqətindən kənar qalmayıb. Bir sıra yerli televiziya şirkətləri milli pavilyonumuzda çəkiliş edib, sərgi ilə bağlı səfir Anar Məhərrəmovun fikirlərini öyrəniblər.
Sərgi iştirakçı ölkələrin mədəniyyəti və adət-ənənələrini, milli mətbəxini, turizm imkanlarını nümayiş etdirməsi baxımından böyük əhəmiyyət daşıyır və dekabrın 29-dək davam edəcək.
Tural




 
Bölməyə aid digər xəbərlər
17.11.2018
Suriyada uşaqlardan ibarət terrorçu dəstələr yaradılıb
16.11.2018
Ərdoğan Qəzza zolağında vəziyyətlə bağlı Abbasa dəstəyini bildirib
16.11.2018
ABŞ Gülənin ekstradisiyasının yollarını axtarır
16.11.2018
Gürcüstandan Rusiyaya gedən avtomagistral yol bağlanıb
15.11.2018
Aİ - Britaniya “boşanması”: İrlandiya, Cəbəllütariq və Kipr üzrə protokollar razılaşdırılıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10490

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info