Yeni il aksesuarları alarkən diqqətli olun!
Tarix: 19.12.2017 | Saat: 16:00:00 | E-mail | Çapa göndər


Yeni il bayramı Azərbaycanda da hər il atəşfəşanlıqla qeyd edilir. Bayram günləri ölkənin hər bir guşəsində yolkalar qurulur, bayram aksesuarları, oyuncaqlar, fişənglərin satışı fəallaşır. Amma bu yolkalar, zərli oyuncaqlar, fişənglər bəzi hallarda həyatımızı təhlükə ilə üz-üzə qoyur.
Ekspert Elmar Nurəliyev Yeni il atributları ilə bağlı bəzi təhlükəli məqamları sadalayıb. Ekspertin sözlərinə görə, yolkaların quraşdırılmasında əsas təhlükəsizlik qaydalarından biri aşma təhlükəsizliyi, digəri isə yanğın təhlükəsizliyi ilə əlaqədardır: "Yolkalar quraşdırılarkən aşma və yanğın təhlükəsizliyinə diqqət yetirilməlidir. Yolkanı quraşdırarkən onun dayağının möhkəm olmasını yoxlamaq lazımdır. Daha sonra həmin dayaq yerə möhkəm bərkidilməlidir.
Digər vacib məsələ yolkaların üzərinə quraşdırılan işıqlardır. Yolkada alışmalar əsasən qısaqapanmalar nəticəsində baş verir. Ona görə yolka işıqları alarkən diqqətli olmalı, kustar üsulla hazırlanmış məhsullar, Yeni il atributları almamaq məsləhətdir. Yalnız zavod istehsalı olan keyfiyyətli işıq avadanlıqlarından istifadə edilməsi daha təhlükəsizdir".
E.Nurəliyev deyib ki, əgər yolka işığında hər hansı qüsur və ya lampalarda qırıq-çat, naqillərdə kəsilmə, lampaların qızması halları varsa, ondan istifadə etməmək məsləhətdir: "Ümumiyyətlə isə hər bir halda yolkanın üzərindəki işıqları yanılı vəziyyətdə qoyaraq evi tərk etmək yolverilməzdir.
Daha bir mühüm məqam - evdə yolkaları bir çox hallarda pəncərənin qarşısında qururlar. Nəzərə alsaq ki, pəncərənin önündə qurulan yolka pərdəyə yaxın olur, o zaman hər hansı qısaqapanma olarsa, yanğın təhlükəsi də qaçılmaz olur.
Digər tərəfdən, yolkanın bəzədilməsində pambıq, kağız və digər tezalışan materiallardan hazırlanan aksesuarlardan istifadə etmək məsləhət deyil. Yolkaların bəzədilməsində istifadə edilən aksesuarların da keyfiyyətli olmasına diqqət etmək lazımdır".
Ekspertin sözlərinə görə, kütləvi yerlərdə qurulan yolkaların ətrafinda, yəni Yeni il şənliyi keçirilən məkanda əsasən uşaqların çox olmasını nəzərə alaraq partlayıcı, pirotexniki vasitələrdən və tezalışan maddələrdən, fişənglərdən istifadə etmək yolverilməzdir.
Standartlaşdırma, Metrologiya və Patent üzrə Dövlət Komitəsinin mətbuat xidmətinin rəhbəri Fazil Talıblı Yeni il atributalrının keyfiyyəti ilə bağlı bildirib ki, ölkəyə gətirilən yeni il aksesuarları ilə bağlı komitəyə hər hansı şikayət daxil olmayıb. Mətbuat xidmətinin rəhbəri həmin məhsulların sertifikatlaşdırılmasının vacibliyini önə çəkib: "Sahibkarlar bilməlidirlər ki, hər hansı məhsulu satışa çıxarmamışdan əvvəl müvafiq akkreditasiya olunmuş qurumlara müraciət edərək məhsullarını sertifikatlaşdırmalıdırlar".
F.Talıblı alıcıları diqqətli olmağa çağıraraq onlara sertifkatsız malları almamağı tövsiyə edib: "Belə mallar keyfiyyətsizliyi üzündən hər hansı xəstəliyə yol aça, ağır nəticələrə səbəb ola bilər".
Yeni il atributları, bəzəkləri ilə bağlı bazardakı hazırki vəziyyəti dəyərləndirən komitə səlahiyyətlisi qeyd edib ki, ümumilikdə bazarda keyfiyyətli mallar üstünlük təşkil etsə də, keyfiyyətsiz mallar da var.
F.Talıblı qeyd edib ki, Azərbaycana keyfiyyətsiz Yeni il bəzəklərinin əksəriyyəti Çindən gətirilir.
Fuad




 
Bölməyə aid digər xəbərlər
14.11.2018
“Veysəloğlu”da şirkət əməkdaşlarının tələbə adını qazanan övladları ilə görüş keçirilib
13.11.2018
Özünüməşğulluq proqramı çərçivəsində 50-dən çox ailəyə mal-materiallar təqdim olunub
13.11.2018
“DOST” mərkəzlərinin yaradılması üçün əlavə vəsait ayrılıb
13.11.2018
13 noyabr - Beynəlxalq Gözdən Əlilliyi olan şəxslər Günüdür
13.11.2018
Bütün pensiyalar artırılacaq

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10468

1 “Universitetlərdə rəhbər şəxslərin qapıları tələbələr üçün daim açıq olur”
2 Polşalı şagirdlər Azərbaycan nağıllarına illüsturasiyalar çəkiblər
3 “Xaricdə təhsilimi davam etdirsəm, psixologiya sahəsini seçəcəyəm”
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info