Frankfurtda evsizlər cəzalandırılacaq
Tarix: 19.12.2017 | Saat: 21:06:00 | E-mail | Çapa göndər


Bəzi ölkələr özlərini demokratik inkişaf yolunda nümunəvi model, iqtisadi inkişafda ən yüksək göstəricisi olan dövlət hesab etsələr də, təcrübə göstərir ki, bu, heç də belə deyil. Onlar öz daxillərində cərəyan edən iqtisadi proseslərə münasibət bildirmədən, digər ölkələri zəif iqtisadi göstəricilərinə görə ittiham edirlər. Mövcud faktlar isə həmin ölkələrdə real vəziyyətin necə olması barədə aydın təsəvvür yaradır. Bəziləri Avropaya ideal region kimi baxırlar, halbuki onlar da problemlərdən xali deyil. Belə ölkələrdən birinə nümunə kimi bu gün Almaniyada baş verən prosesləri göstərə bilərik.
Frankfurtda küçələrdə yatdıqlarına görə, evsiz insanların cəzalandırılması gözlənilir. Digər tərəfdən, son illər Almaniyada evsizlərin sayı artır. Odur ki, Almaniyanın maliyyə mərkəzi olan Frankfurt şəhərində artıq cəmiyyətə açıq sahələrdə yatan evsizlərə cəza verilməsi gözlənilir. Avropa Mərkəzi Bankı və bir çox maliyyə təşkilatının olduğu şəhərdə göydələnlərin yanındakı küçələrdə yatan evsizlər böyük bir təzad təşkil edir. Qərar, Almaniya prezidenti Frank-Walter Steinmeierin ölkədəki evsizlər üçün daha yaxşı dəstək çağırışı etməsi ilə eyni dövrə təsadüf edir. “Frankfurter Rundschau” qəzetinin yaydığı xəbərə görə, yeni tədbir çox sayda bələdiyyə məclis üzvü tərəfindən qəbul olunub. Səlahiyyətlilər cəzanın məbləği haqqında şərh verməyib. Ancaq cəza dərhal ödənilmədikdə onun artırılması planlaşdırılır.
Plana qarşı çıxan isə Solçu Partiyanın parlament üzvləri olub. Baş nazir Angela Merkelin lideri olduğu Xristian Demokrat Birliyinin məclis üzvü Christoph Schmitt şəhərdə evsizlər üçün bir çox sığınacaq yeri və xidmət nöqtəsi olduğunu söyləyərkən, Yaşıllar Partiyasından olan Beatrix Baumann da bu xidmətlərin bir çox evsiz tərəfindən "təəssüf ki," istifadə edilmədiyini deyib.
Sol partiyalı məclis üzvü Astrid Buchheim evsizlərin deyil, şəhərdəki yoxsulların problem olduğunu müdafiə edib. Şəhər polisinin nümayəndələri isə evsizlərə bir neçə dəfə xəbərdarlıq ediləcəyi təqdirdə, cəzanın veriləcəyini söyləyib.
Qeyd edək ki, 2016-cı ildə Almaniyada evsizlərin sayı 2014-cü illə müqayisədə təxminən 150 faiz artıb. Almaniya Evsizlərə Yardım Dərnəyinin rəhbəri Tomas Specht, paytaxt Berlində verdiyi açıqlamada Almaniyada evsiz insanların sayının 2016-cı ildə təxminən 860 min olduğunu söyləyib. Specht 2018-ci ildə evsizlərin sayının 1,2 milyona çatacağını proqnozlaşdırır. O qeyd edib ki, bu rəqəmlərə ölkəyə gələn və evi olmayan qaçqınlar da daxildir. 2016-cı ildə evsiz olan qaçqınların sayının təxminən 440 min nəfər olduğunu deyən Specht, evsizlərin böyük əksəriyyətinin kollektiv şəkildə qaldığı yerlərdə müvəqqəti yerləşmə imkanı tapdığını söyləyib. Specht, sığınacaq imkanı olmayan və küçədə yaşayan evsizlərin sayının 2016-cı ildə 2014-cü ilə nisbətən təxminən 33 faiz artaraq 52 min nəfərə çatdığını bildirib. O, 2016-cı ildə evsiz uşaqların nisbətinin 8 faiz, qadınların isə 27 faiz olduğunu söyləyib.
2018-ci ilə qədər evsizlərin sayının 1,2 milyona yüksələcəyinin səbəbini bu günə qədər ev problemi ilə bağlı lazımi tədbirlərin görülməməsindən qaynaqlandığını deyən Specht, Almaniyada yanlış mənzil siyasətlərinin həyata keçirildiyini vurğulayıb. Specht, xüsusilə böyük şəhərlərdə mənzil kirayəsinin artdığını və sosial evlərin sayının azaldıldığını bildirib.
Dərnəyin sədr müavini Werena Rosenke də, federal hökumət və əyalətlərin tədbir almadığı təqdirdə önümüzdəki illərdə evsizlərin sayının daha da artacağı ilə bağlı xəbərdarlıq edib. Rosenke küçələrdə yaşayan 52 min evsiz insan üçün ləyaqətinə uyğun evlərin tikilməsinin lazım olduğunu deyib.

Nigar




 
Bölməyə aid digər xəbərlər
18.09.2018
Çin ABŞ-dan idxal olunan 5200-dən çox məhsulun rüsumunu artırır
18.09.2018
ABŞ Cənubi Qafqazda sabitliyin və təhlükəsizliyin bərqərar olmasında maraqlıdır
18.09.2018
Rusiya təyyarəsi vuruldu,15 hərbçi həlak oldu
18.09.2018
Rusiya və Türkiyə prezidentləri Soçidə görüşüblər
18.09.2018
Türkiyə və Rusiya prezidentləri Suriya böhranı ilə bağlı ciddi anlaşma əldə ediblər

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10117

1 ADPU-nun rektoru yüksək balla qəbul olunan tələbələrlə görüşüb
2 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Aqil Acalov: “İdmançılar qanvermə aksiyalarında aktiv iştirak edəcəklər”
5 Krivoy Roqdakı soydaşlarımız festivala hazırlaşırlar


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info