“2018-ci il iqtisadi inkişaf ili kimi tarixə düşəcək”
Tarix: 20.12.2017 | Saat: 00:19:00 | E-mail | Çapa göndər



Dünya Bankı və Beynəlxalq Valyuta Fondu Azərbaycanda aparılan iqtisadi islahatları yüksək qiymətləndirib

İqtisadi İslahatların Təhlili və Kommunikasiya Mərkəzi (İİTKM) Xəzər Universitetində “Azərbaycanda iqtisadi islahatlar: nailiyyətlər və perspektivlər” mövzusunda ictimai mühazirə təşkil edib. Xəzər Universitetinin iqtisadiyyat və menecment fakültəsinin dekanı Ceyhun Məmmədov bildirib ki, Azərbaycanda qeyri-neft sektorunun və ixracın şaxələnməsində, insan kapitalının inkişafında Strateji Yol xəritələrinin rolu böyükdür. Onun sözlərinə görə, Xəzər Universitetində bu mövzuda mühazirənin təşkil olunması, ölkədə aparılan islahat prosesi barədə ətraflı məlumatların təqdim edilməsi, gənclərin maariflənməsi baxımından əhəmiyyətlidir. Xəzər Universitetinin rektoru Hassan Niknafs bildirib ki, universitetin tələbələri beynəlxalq proqram və layihələrdə fəal iştirak edir. Bu səbəbdən də ölkədə aparılan islahatların onlara düzgün təqdim olunması Azərbaycanın müsbət imicinin formalaşmasına öz təsirini göstərir. Daha sonra İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı müəllim–professor, eləcə də tələbə heyətinə “Azərbaycanda iqtisadi islahatlar: nailiyyətlər və perspektivlər” mövzusunda ictimai mühazirə təqdim edib. Vüsal Qasımlı qeyd edib ki, tədris ili başlayandan bəri Azərbaycanda fəaliyyət göstərən 10-a yaxın universitetdə belə görüşlər keçirilib. Bu görüşlərin hər birində iştirakçıların marağının və müsbət rəyinin şahidi olub: “Dördüncü sənaye inqilabı şəraitində big data, əşyaların interneti, 3D printer, kvant hesablamaları, həmçinin bio, nano və koqnitiv texnologiyalar mühüm əhəmiyyət kəsb edir. Azərbaycan bu çağırışlara cavab vermək üçün Prezident İlham Əliyev qeyd etdiyi kimi insan kapitalını inkişaf etdirir, infrastrukturu yaxşılaşdırır və islahatları davam etdirir. Həm Dünya Bankı, həm də Beynəlxalq Valyuta Fondu dövlət başçısının rəhbərliyi ilə aparılan yeni nəsil islahatların müsbət nəticələr verdiyini qeyd edirlər. Bu il qeyri-neft sektorunda 2,5 faiz, qeyri-neft sənaye sahəsində 3 faizdən çox, aqrar sektorda isə 4 faizdən çox inkişafa nail olunub. Beləliklə, 2017–ci il sabitləşmə, 2018-ci il isə iqtisadi inkişaf ili kimi tarixə düşəcək”. İctimai mühazirədə 200 dən artıq professor-müəllim və tələbə heyəti iştirak edib. Mühazirədən sonra universitetin müxtəlif kafedralarını təmsil edən professor-müəllim heyətinin sualları cavablandırılıb. V.Qasımlı jurnalistlərə açıqlamasında deyib ki, son bir həftə ərzində Dünya Bankı, eləcə də Beynəlxalq Valyuta Fondu tərəfindən Azərbaycanda aparılan iqtisadi islahatlar yüksək qiymətləndirilib və sözügedən islahatların artıq real nəticələr verdiyi qeyd olunub. V.Qasımlı nəzərə çatdırıb ki, hər iki mötəbər qurumun rəyinə görə, 2017-ci il Azərbaycanda iqtisadi islahatlar nəticəsində sabitləşdirici il olub. V.Qasımlı əlavə edib ki, hətta neft gəlirlərinin azalmasına baxmayaraq, 2018-ci ildə ölkədə 2 faizlik iqtisadi artım proqnozlaşdırılır: “Ümumilikdə isə qeyri-neft sektorunda iqtisadi artım 4 faiz olacaq ki, bu dünya səviyyəsində yüksək göstəricidir. Bütün bunlar Azərbaycanda davamlı inkişafın təmin edilməsinin bariz nümunəsidir”.
Anar




 
Bölməyə aid digər xəbərlər
19.03.2019
Yay aylarında Ermənistanda təbii qazın qiymətlərinin artması labüddür
18.03.2019
S-400 sistemlərinin alınması ABŞ-Türkiyə münasibətlərində ciddi problemlər yaradır
17.03.2019
Prezidentin əfv Sərəncamı xalqımızın bayram əhval-ruhiyyəsini daha da yüksəldib
17.03.2019
Prezident İlham Əliyevin son Sərəncamı əsl humanizm nümunəsidir
16.03.2019
Azərbaycan xalqlar arasında qarşılıqlı anlaşmanın təmin olunmasına böyük töhfə verir

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10697

1 Akademik Ramiz Mehdiyev tariximizin xanlıqlar dövrünə sənədlər işığında nəzər salır
2 Təhsilə qoyulan sərmayə gələcəkdə yüksək potensiala malik savadlı gənclərin yetişməsini təmin edəcək
3 Xaricdəki və yerli ictimai birliklərin növbəti virtual görüşü olub
4 “Kaspersky Password Manager” proqramının yeni versiyası şifrənin təhlükəsizliyini yoxlayır
5 “Sondakika.com”: “Apreldən TANAP-ın Avropaya təbii qaz göndərəcək hissəsində sınaqlara başlanacaq”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info