Memarlar İttifaqının XIX qurultayı keçirilib
Tarix: 21.12.2017 | Saat: 00:49:00 | E-mail | Çapa göndər


Müslüm Maqomayev adına Azərbaycan Dövlət Filarmoniyasında Azərbaycan Respublikasının Memarlar İttifaqının XIX qurultayı keçirilib. Qurultay iştirakçıları əvvəlcə filarmoniyanın foyesində təşkil edilmiş "Azərbaycan memarlığı" sərgisi ilə tanış olublar. Qurultayda Prezidentin iqtisadi məsələlər üzrə köməkçisi Əli Əsədov Prezident İlham Əliyevin qurultay iştirakçılarına təbrik məktubunu oxuyub. Həmçinin Prezident İlham Əliyevin sərəncamı ilə təltif edilmiş bir sıra tanınmış memarlara mükafatlar təqdim olunub. Tədbirdə çıxış edən mədəniyyət və turizm naziri Əbülfəs Qarayev Memarlar İttifaqının XIX qurultayının iştirakçılarını təbrik edib. Qeyd edib ki, ötən 5 il ərzində Memarlar İttifaqı tərəfindən kifayət qədər böyük işlər görülüb. Memarlar İttifaqının təşəbbüs göstərdiyi və reallaşdırdığı onlarla mühüm layihə və müsabiqələr göz önündədir. Nazir vurğulayıb ki, bu gün Azərbaycan Prezidentinin apardığı sosial-iqtisadi siyasətin məntiqi nəticəsidir ki, şəhər və kəndlərimizin siması dəyişir, yeni görkəm alır. Azərbaycan Respublikasının hər bir bölgəsində gedən yenidənqurma işləri - gözəl və müasir binaların, yolların tikintisi - memarlarımızın səyləri nəticəsində mümkün olub. “Memarlarımızın görəcək işlərinin əsas istiqamətlərindən biri də, məhz binaların müasirləşdirilməsindən, onların yeni formatda və insanlara daha rahat yaşayışı təmin etməkdən ibarətdir”- deyə Ə.Qarayev bildirib. Dövlət Şəhərsalma və Arxitektura Komitəsi sədrinin müavini Dövlətxan Dövlətxanov Azərbaycan memarlarının şəhərsalma sahəsindəki uğurlarından söz açıb. Sonra Memarlar İttifaqının İdarə Heyətinin sədri Elbay Qasımzadənin təşkilatın 2012-2017-ci illər ərzində fəaliyyəti barədə hesabatı dinlənilib. Memarlar İttifaqının İdarə Heyətinin sədri vurğulayıb ki, Heydər Əliyev Mərkəzində Heydər Əliyev Fondunun dəstəyi ilə keçirilən bu tədbir Azərbaycan memarlığının dünyada tanıdılması yolunda Memarlar İttifaqının atdığı mühüm addımlardan biridir. 2017-ci ildə Heydər Əliyev Fondunun vitse-prezidenti Leyla Əliyeva bir qrup xarici qonaqlarla birgə Azərbaycan Memarlar İttifaqını ziyarət edərək, qurumun fəaliyyəti və memarlarımızın yaradıcılığı ilə tanış olub. İclasda Azərbaycan Memarlar İttifaqının İdarə Heyətinə və Təftiş komissiyasına namizədlər irəli sürülüb. Elbay Qasımzadə qurultayda böyük yekdilliklə yenidən Azərbaycan Memarlar İttifaqının İdarə Heyətinin sədri seçilib. Prezidentin iqtisadi məsələlər üzrə köməkçisi Əli Əsədov çıxışında Elbay Qasımzadəni yenidən Memarlar İttifaqının İdarə Heyətinə sədr seçilməsi münasibətilə təbrik edib, onun ötən beş il ərzindəki fəaliyyətini və respublikanın şəhərsalma və memarlıq sahəsinə verdiyi töhfələri yüksək qiymətləndirib.




 
Bölməyə aid digər xəbərlər
26.05.2019
Azərbaycan Amerikan Tibb Assosiasiyası Vaşinqtonda konfrans keçirib
26.05.2019
Erməni işğalı Şuşada xalçaçılıq ənənələrini məhv edib
25.05.2019
İspaniyanın Sevilya şəhərində ilk dəfə məscid inşa olunacaq
25.05.2019
Avropa Liqasının final oyunu ilə bağlı azarkeşlər üçün nəqliyyat pulsuz olacaq
25.05.2019
Region gənclərinin dövlət qulluğuna maraq və imkanları artırılacaq

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10788

1 Üç müharibə iştirakçısı olan general-mayor
2 Oqtay Zülfüqarovun uşaq mahnıları müasir aranjemanda səslənəcək
3 “İrəvan quberniyasına aid arxiv materiallarını oxuduqca hiss edirsən ki, buralar döğma torpaqlardır”
4 Erməni əsilli gimnast: Mxitaryanın yerində olsaydım, komandamla birgə Bakıya gələrdim
5 Vahid Rzayev:”Səhər gördük ki, ermənilər arxiv sənədində özlərinə sərf etməyən hissəni qayçı ilə kəsiblər”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info