V Azərbaycan-Rusiya Gənclər Forumu keçirilir
Tarix: 21.12.2017 | Saat: 17:27:00 | E-mail | Çapa göndər


Bakıda “Yeni nəsil: sərhədsiz məsuliyyət” V Azərbaycan – Rusiya Gənclər Forumunun açılış mərasimi keçirilib. Fforumun açılış mərasimində Heydər Əliyev Fondunun vitse-prezidenti, Rusiyanın Azərbaycanlı Gənclər Təşkilatının (AMOR) sədri Leyla Əliyeva, gənclər və idman naziri Azad Rəhimov, millət vəkilləri və digər rəsmilər iştirak ediblər.
 
Tədbirdə çıxış edən nazir A. Rəhimov Azərbaycan və Rusiya arasında tarixi dostluq əlaqələrindən danışıb, Azərbaycan dövlətinin gənclərə hər zaman diqqət və qayğı göstərdiyini tədbir iştirakçılarının diqqətində çatdırıb. Nazir bildirib ki, Azərbaycan və Rusiya arasında münasibətlər strateji tərəfdaşlıq səviyyəsindədir. A. Rəhimov deyib ki, ölkələr arasında əlaqələr bütün istiqamətlər üzrə inkişaf edir.
 
2005-2009-cu və 2011-2015-ci illəri əhatə edən “Azərbaycan gəncliyi” Dövlət Proqramlarının uğurla həyata keçirildiyini xatırladan nazir vurğulayıb ki, Azərbaycanda gənclərin hərtərəfli inkişafı stimullaşdırılır: “Azərbaycan prezidenti cənab İlham Əliyevin imzaladığı “Azərbaycan gəncliyi 2017–2021-ci illərdə” Dövlət Proqramı ölkədə gənclər siyasətinin daha səmərəli həyata keçirilməsi istiqamətində atılan növbəti mühüm addımdır”.
 
Milli Məclisin Gənclər və İdman Komitəsinin sədri Fuad Muradovbildirib ki, Azərbaycanda Prezident yanında Gənclər Fondu yaradılıb, habelə ölkədə bilikli, peşəkar, istedadlı gənclərin dəstəklənməsi üçün hər cür şərait mövcuddur. Onun sözlərinə görə, forumun keçirilməsində əsas məqsəd yaxın qonşuluqda yaşayan gənclər arasında dostluq və əməkdaşlıq münasibətlərinin inkişaf etdirilməsidir.
 
Rusiyanın Azərbaycandakı səfirliyinin müvəqqəti işlər vəkili Oleq Muraşov qeyd edib ki, Rusiya ilə Azərbaycan arasında əlaqələr hərtərəflidir: “Biz Azərbaycanın ikinci ən böyük ticarət tərəfdaşıyıq. Gənclərlə iş həm Azərbaycanda, həm də Rusiyada prioritetdir. Qeyd etməliyəm ki, Rusiyada 15 minə yaxın Azərbaycan vətəndaşı təhsil alır”.
 
Açılış mərasimi çıxışlarla başa çatıb.
 
Dekabrın 23-dək davam edəcək forumun təşkilatçısı Gənclər və İdman Nazirliyi, həmtəşkilatçıları Rusiya Elm və Təhsil Nazirliyi, Rusiyanın Azərbaycanlı Gənclər Təşkilatı, Azərbaycan Respublikası Gənclər Təşkilatları Milli Şurası və Rusiyanın Uşaq və Gənclər Birlikləri Milli Şurasıdır.  
 
Qeyd edək ki, builki Forum 2011-ci və 2012-ci illərdə Azərbaycan tərəfinin təşəbbüsü ilə Bakı şəhərində, daha sonra isə 2013-cü ildə Rusiyanın Qroznı şəhərində keçirilmiş “Yeni nəsil: sərhədsiz məsuliyyət” adlı forumların davamıdır.

Fuad Hüseynzadə




 
Bölməyə aid digər xəbərlər
22.09.2018
Reytinq: Bakı dünyanın ən təhlükəsiz 41 şəhəri sırasında yer alıb
22.09.2018
Xüsusi Olimpiya Hərəkatı gənc liderlərin 20-ci Qolobal Forumu keçiriləcək
21.09.2018
Azərbaycanın ən sürətli mobil şəbəkəsinin adı açıqlanıb
21.09.2018
Baş prokuror Quba rayonunda vətəndaşları qəbul edib
21.09.2018
Sahil Babayev Göygöl rayonunda 4 rayon və şəhərin sakinləri ilə görüşüb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10131

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info