ADNSU beynəlxalq əlaqələrini genişləndirir
Tarix: 25.12.2017 | Saat: 18:21:00 | E-mail | Çapa göndər


Bu gün Azərbaycan Dövlət Neft və Sənaye Universitetinin (ADNSU) rektoru, professor Mustafa BabanlıRusiyanın M.V.Lomonosov adında Şimal (Arktik) Federal Universitetinin Beynəlxalq Əməkdaşlıq İdarəsinin direktoru Lyubov Zarubina və universitetin Energetika, neft və qaz ali məktəbinin direktoru, İstilik enerjisi və istilik texnikası kafedrasının müdiri, texnika elmlər namizədiPavel Maryandışev ilə görüşüb. Bu haqda universitetdən redaksiyamıza məlumat verilib.
Görüşdə “Arxangelsk vilayətində Azərbaycan diasporu” təşkilatının İdarə Heyətinin sədri Tərlan Qasımov, ADNSU-nun Tədris işləri üzrə prorektoru, dosent Qasım Məmmədov və Beynəlxalq əlaqələr üzrə prorektor, dosent Rafiq Camalov iştirak edib.
ADNSU-nun rektoru, professor Mustafa Babanlı qonaqlara universitetin tarixi, tədris prosesi, ixtisaslar, xarici universitetlərlə əlaqələr, mübadilə proqramları haqqında məlumat verib. Ali məktəbdə neft-qaz sahəsi ilə yanaşı iqtisadiyyat, energetika, İnformasiya Texnologiyaları və başqa ixtisaslar üzrə mütəxəssis hazırlığı aparıldığını deyən rektor M.Babanlı “eazi START” Startap və İnnovasiya Mərkəzi, İntellektul Mülkiyyətin İdarəetmə Mərkəzi, laboratoriyalar haqqında danışıb.
ADNSU-nun gələcəkdə təkcə tədris müəssisəsi deyil, həm də böyük elm mərkəzi kimi fəaliyyət göstərməsi üçün aparılan işlər haqqında danışan rektor M.Babanlı universitetin kafedralarında laboratoriyaların maddi-texniki bazasının inkişaf etdirilməsi, gündəlik təcrübə proqramı, buraxılış işlərinin mövzularının sənaye müəssisələrinin tələbinə uyğunlaşdırılması və s. haqqında qonaqlara məlumat verib.
Səmimi qəbula görə rektor, prof. Mustafa Babanlıya təşəkkür edən Şimal (Arktik) Federal Universitetinin Beynəlxalq Əməkdaşlıq İdarəsinin direktoru Lyubov Zarubina təmsil etdiyi universitet haqqında məlumat verib. Şimal Federal Universitetinin bir çox böyük şirkətlərlə – o cümlədən Azərbaycan şirkətləri ilə əlaqələrinin olduğunu bildirən L.Zarubina ADNSU ilə layihələrin həyata keçirilməsinin onlar üçün əhəmiyyətli olduğunu qeyd edib.
Şimal Federal Universitetinin Energetika, neft və qaz ali məktəbinin direktoruPavel Maryandışev rəhbərlik etdiyi bölmə haqqında məlumat verib, ADNSU ilə elmi sahədə əməkdaşlığın hər iki tərəfə böyük töhfə verəcəyinə inandığını qeyd edib.
“Arxangelsk vilayətində Azərbaycan diasporu” təşkilatı İdarə Heyətinin sədri Tərlan Qasımov Arxangelskdə Azərbaycan diasporunun gördüyü işlər barədə məlumat verib, iki ali təhsil müəssisəsi arasındakı əməkdaşlığın mühüm əhəmiyyət kəsb etdiyini bildirib.
Görüşün sonunda ADNSU ilə Şimal Federal Universiteti arasında əməkdaşlıq haqqında müqavilə imzalanıb, xatirə hədiyyələri təqdim olunub.
Mahmud




 
Bölməyə aid digər xəbərlər
22.02.2019
Şəhid qazancı...
22.02.2019
Elçin Quliyev: Azərbaycan Sərhəd Mühafizəsi ən müasir döyüş texnikaları, gözətçi gəmiləri ilə təchiz olunub
22.02.2019
Baş prokuror Salyan rayonunda vətəndaşları qəbul edib
22.02.2019
“İrəli” gəncləri “Women rights are human rights” layihəsində
22.02.2019
“Kaspersky Lab”: Azərbaycanda istifadəçilərin 60%-i antivirus quraşdırmaqda maraqlı deyil

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10615

1 Milli qəhrəmanlara və şəxsiyyətlərə hücum savaşın tərkib hissəsidir
2 Diaspor üzvləri Ümumavropa Qarabağ mitinqinə çağırış edib
3 Əsərləri dünyanın bütün elektron kitabxanalarında yer alan azərbaycanlı yazar
4 Londonda Karl Marksın məzarına növbəti dəfə vandal hücumu olub
5 1400 manat maaşla sürücü axtarılır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info