Abu-Dabidə keçirilən festivalda Azərbaycan gecəsi təşkil edilib
Tarix: 31.12.2017 | Saat: 23:15:00 | E-mail | Çapa göndər


2017-ci il dekabrın 1-dən 2018-ci il yanvarın 27-dək Abu-Dabi şəhərində Şeyx Zayed İrsi Beynəlxalq Festivalı keçirilir.
AZƏRTAC xəbər verir ki, festivalda Çin, Rusiya, Türkiyə, Ukrayna, həmçinin Mərkəzi Asiya və Ərəb ölkələri də daxil olmaqla, 24 ölkə iştirak edir.
Festivalda Azərbaycanın Birləşmiş Ərəb Əmirliklərindəki səfirliyinin təşəbbüsü və təşkilatçılığı ilə ölkəmizin məhsul və xidmətlərindən ibarət pavilyon qurulub. Pavilyonda Azərbaycan istehsalı olan sərinləşdirici içkilər, çaylar, konservləşdirilmiş ərzaq məhsulları, mürəbbələr, quru meyvələr və çərəzlər, halal standartlara uyğun olaraq orqanik istehsal olunan kosmetika məhsulları, turizm xidmətlərinin satışı həyata keçirilir.
Hər il iki milyondan çox ziyarətçisi olan və bir çox dünya ölkələrinin dövlət və hökumət başçılarının, yüksək vəzifəli rəsmilərin, ictimai, siyasi, mədəniyyət və incəsənət xadimlərinin, jurnalistlərin və blogerlərin ziyarət etdiyi festivalda Azərbaycan pavilyonu yüksək maraqla qarşılanıb.
Dekabrın 30-da Dünya Azərbaycanlılarının Həmrəylik Günü münasibətilə səfirlik tərəfindən festivalın mədəni hissəsində Birləşmiş Ərəb Əmirlərində yaşayan azərbaycanlı uşaqların iştirakı ilə Azərbaycan milli rəqslərinin nümayişi təşkil edilib.
Tədbir çərçivəsində təşkil edilmiş paradda pavilyonumuzun iştirakçıları milli paltarlarda Azərbaycanın dövlət bayrağını bütün festival ərazisində gəzdirib, ziyarətçilərlə şəkillər çəkdirib, ölkəmiz barədə geniş məlumat veriblər.
Daha sonra festivalın səhnəsində səfirliyin nəzdində fəaliyyət göstərən Qarabağ İnciləri özfəaliyyət qrupunun üzvlərinin ifasında Azərbaycan rəqsləri nümayiş etdirilib. Rəqslər tədbir iştirakçılarının böyük marağına səbəb olub, qonaqlar milli paltarda olan rəqs ifaçıları ilə şəkillər çəkdiriblər. Azərbaycan rəqsləri gecə boyu festivalın bir neçə müxtəlif səhnəsində fasilələrlə nümayiş etdirilib. Rəqslərin tədbirin sonunadək bir neçə dəfə təşkili planlaşdırılır.
Qeyd olunmalıdır ki, sözügedən tədbir BƏƏ aparıcı televiziya kanalları tərəfindən nümayiş etdirilib, həmçinin tədbir haqqında ətraflı reportaj ölkənin bütün elektron mediası tərəfindən geniş yayımlanıb.




 
Bölməyə aid digər xəbərlər
10.08.2020
Beyrutda keçirilən etiraz aksiyalarına təhlükəsizlik qüvvələrinin müdaxiləsi
10.08.2020
Bolqarıstanda baş verən yanğın nisbətən nəzarət altına alınıb
10.08.2020
İranda koronavirusdan ölənlərin sayı 18 616 nəfərə çatıb
10.08.2020
İsraildə koronavirusa yoluxanların sayı 83 min nəfəri ötüb
09.08.2020
Beyrutda yenidən toqquşmalar başlayıb

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11585

1 İspaniyaya turist axını 70 faizdən çox azalıb
2 Dr. Səttar Yaqubov: Koronovirusla mübarizə aparan Mərkəzi Gömrük Hospitalının tibb personalının sağlamlığının qorunması bizim əsas vəzifə borcumuzdur
3 Statistika sahəsində hesabatlılığın səmərəliliyi artacaq, məlumatlardan istifadə imkanları sadələşəcək
4 Gürcüstanın turizm gəlirləri 80 faiz azalacaq
5 Leyla Abdullayeva: Ermənistan bəzi Yaxın Şərq ölkələrindəki erməni əsilli əhalinin Azərbaycanın beynəlxalq tanınmış Dağlıq Qarabağ və ətraf bölgələrində qanunsuz məskunlaşdırılması cəhdlərinə əl atır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info