Dilçilərlə birlikdə ali məktəb strukturunun nümayəndələrinin görüşlərinə böyük ehtiyac var
Tarix: 12.01.2018 | Saat: 17:39:00 | E-mail | Çapa göndər


Azərbaycan Dillər Universitetində (ADU) “Azərbaycan dilinin saflığının qorunması” mövzusunda “dəyirmi masa” keçirilib.
ADU-dan bildirilib ki, Azərbaycan dilçiliyi kafedrası və Azərbaycanşünaslıq elmi-tədqiqat laboratoriyasının birgə təşkilatçılığı ilə keçirilən tədbirdə kafedranın müdiri, professor Adil Babayev hər hansı xalqın böyüklüyünün onun say tərkibindən yox, beynəlxalq nüfuzu, fəaliyyəti, təbliğ etdiyi dəyərlərdən asılı olduğunu söyləyib. “Dil millətin varlığının yeganə amilidir”,- deyən A.Babayev vurğulayıb ki, ümummilli lider Heydər Əliyev hakimiyyətə gələndən sonra ana dilimizin qorunmasına xüsusi önəm verib. Ulu Öndərin dilimizin zamanın tələblərinə uyğunlaşmasına və təkmilləşdirilməsinə xidmət edən fərman və sərəncamlarından söz açan professor bu ənənənin dövlət başçısı İlham Əliyevin siyasətində öz əksini tapdığını bildirib.
AMEA-nın Dilçilik İnstitutunun monitorinq şöbəsinin müdiri, dosent Sevinc Əliyeva mövzunun aktuallığını qeyd edib. Dili xalqın etnomədəni göstəricisi, onun tarixini, mədəniyyətini özündə əks etdirən bir vasitə kimi xarakterizə edən S.Əliyeva qloballaşma dövründə dilə yad elementlərin daxil olduğunu söyləyib və bu inteqrasiya prosesində ana dilimizin daxili saflığı, müstəqilliyi və milliliyinin qorunmasının zəruriliyini vurğulayıb.
AMEA-nın Dilçilik İnstitutunun direktoru, akademik Möhsün Nağısoylu dili xalqın ən böyük sərvəti kimi qiymətləndirib və onu qorumağın hər bir vətəndaşın mənəvi borcu olduğunu söyləyib. Alim ana dilinin saflığının qorunmasını və ədəbi dil normalarına əməl etməyi tövsiyə edib. O, ADU ilə Dilçilik İnstitutunun müştərək layihələr həyata keçirməsi, eyni zamanda, lüğətlər, danışıq kitabları, əcnəbilər üçün dərsliklər hazırlanması istiqamətində təkliflər səsləndirib.
Sonda çıxış edən ADU-nun rektoru, Əməkdar Elm Xadimi, akademik Kamal Abdulla dilin qorunmasının onun inkişafını şərtləndirdiyini bildirib. Rektor qeyd edib ki, dilin qorunması ilə bağlı bir çox məsələlərdə dəqiq meyarlar tapılmalıdır. Dilin qorunması onun qrammatikasını öyrənməklə yanaşı, qanun və qaydalarının yeni nəslə ötürülməsi ilə bağlıdır və eyni zamanda, onun tədqiq kontekstinin genişlənməsi ilə əlaqədardır. Bu mənada dilçilərlə birlikdə ali məktəb strukturunun müxtəlif sahələrinin nümayəndələrinin görüşlərinə böyük ehtiyac var. K.Abdulla bədii ədəbiyyatın mütaliə olunmasının da dilin saflığının qorunması məsələsində vacib olduğunu vurğulayıb. “Hər hansı bir dəyişmə inkişaf etməkdir”,-deyən rektor bildirib ki, dilin inkişafının mahiyyətini düzgün anlamaq lazımdır.
Tural




 
Bölməyə aid digər xəbərlər
16.11.2018
“Hüquqi dövlət quruculuğunda məhkəmə-KİV münasibətlərinin inkişafı vacibdir”
16.11.2018
Azərbaycan Gənclərinin VIII Forumu keçirilib
16.11.2018
Dərman vasitələrinin qanunsuz dövriyyəsi ilə əlaqədar başlanmış cinayət işi məhkəməyə göndərilib
16.11.2018
Dövlət Miqrasiya Xidmətinin fəaliyyətində yeniliklər tətbiq olunur
16.11.2018
“Azərbaycanda hakimlərin sayı azdır”

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10486

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info