Fransızlar yüz ildən sonra Rusiyadan borclarını tələb edirlər
Tarix: 15.01.2018 | Saat: 03:04:00 | E-mail | Çapa göndər


Fransada 400 mindən artıq yerli sakin Rusiyadan Çar dövründə bu ölkəyə yatırdıqları istiqrazları geri tələb edirlər. Beynəlxalq Fransız Radiosunun yaydığı məlumata görə. Rusiyadan tələb olunan məbləğ təqribən 30 milyard avro təşkil edir. Qeyd edək ki, Rusiya və Fransa arasındakı razılaşmaya baxmayaraq, fransız investorlar məsələnin hələ də bağlanmadığını düşünmürlər. Axı Rusiya “müflis olmaqdan hələ ki, uzaqdir”-deyə onlar bildirirlər.
Beynəlxalq Fransız Radiosu tam 100 il əvvəl, 1918-ci ilin yanvarında Leninin "Çar borclarını ödəməkdən imtina" haqqında fərman imzaladığını xatırladaraq, "beləliklə, XIX əsrin ikinci yarısında Rusiya iqtisadiyyatının modernləşdirilməsinə yönələn böyük məbləğlər ödınilmədi”-deyir və əlavə edir ki, “bunun nəticəsində yüz minlərlə istiqraz sahibləri bərbad günə qaldılar”.
Artıq yüz ildən sonra Çar dövründə Rusiyada veksellər almış fransızların övladları ata-baba sərmayələri üçün kompensasiya tələb edirlər.
Tarixə müraciət etsək, görərik ki, 1867-ci ildə Rusiyanın dəmiryolu şirkətləri qızılla təmin edilmiş dövlət istiqrazlarının buraxılmasına başlayıb: “30 il ərzində fransız investorları bu layihəyə 15 milyard frank sərmayə yatırıblar ki, bu da bugünki valyuta ilə 53 milyard avroya bərabərdir”. Bunları da Beynəlxalq Fransız Radiosu bəyan edib.
“1974-cü ildə babam mənə xeyli sənədlə dolu bir qovluq verərək dedi ki, “bir gün bütün bunlar ödəniləcək və bu mənfəət sizə çatacaq”-deyə istiqraz sahiblərindən biri olan fransız Kristiana Ledoyen bildirib.
Radio, bu gün Fransada Çar istiqrazlar üzrə ödənişlər tələb edən təxminən 400 minə yaxın sakin olduğunu bildirib.
Beynəlxalq Federasiya Assosasiyasının prezidenti Erik Sanitasın sözlərinə görə, dövlət borclarında heç bir məhdudiyyət yoxdur. O, ödənilməlidir. Oyunun qaydaları budur.
Beləliklə, deyəsən "tarixin ən böyük maliyyə qalmaqallarından" biri özünə diqqət yetirməkdə davam edir. Bu da fransız radiosunun gəldiyi qənaətdir.
Agasəf Babayev




 
Bölməyə aid digər xəbərlər
24.01.2019
Cənubi Koreyada Ali Məhkəmənin sabiq sədri həbs olunub
24.01.2019
Moskvada Rusiya və Türkiyə prezidentlərinin görüşü olub
23.01.2019
İran Fars körfəzində yeni neft ehtiyatı aşkarlayıb
23.01.2019
Donald Trampa NATO-dan çıxmağı qadağan etdilər
23.01.2019
Fransalı nazir polis zorakılığını etiraf etməyə məcbur olub

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 “Mənim güc mənbəyim Bakıdadır”
2 Mehman Hüseynov Prezident İlham Əliyevə müraciət ünvanlayıb
3 Əli Abdalov Mehman Hüseynovla barışıb
4 Sədərək uğrunda gedən qeyri-bərabər döyüşdə yurd sevgisi qalib gəldi
5 Türkiyə hərbçiləri Suriyada “YPG“ terrorçularına layiqli cavab veriblər


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info