İran hökuməti Azərbaycandan kredit almağa razılıq verib
Tarix: 16.01.2018 | Saat: 01:00:00 | E-mail | Çapa göndər


İran Nazirlər Kabineti Rəşt-Astara dəmir yolunun tikintisi məqsədilə Azərbaycandan kredit almaq üçün lazımı icazəni təsdiqləyib. APA-nın məlumatına görə, İran prezidenti Həsən Ruhaninin sədrliyi ilə keçirilən Nazirlər Kabinetinin iclasında ölkənin İqtisadiyyat və Maliyyə Nazirliyinə Azərbaycandan 500 milyon dollar dəyərində kredit almaq üçün icazə verilib. Məlumata görə, kredit Rəşt-Astara dəmir yolunun tikinti layihəsinin maliyyələşdirilməsi üçün istifadə olunacaq. Kreditin alınması və tikinti layihəsinin icrası üçün 3 il, kreditin geri qaytarılması üçün isə 7 il vaxt nəzərdə tutulub. Xatırladaq ki, bundan öncə İranın yol və şəhərsalma nazirinin müavini Əli Nurzad bildirib ki, Azərbaycanla aparılmış müzakirələrə əsasən, kredit aşağı faizlə, təqribən 2,5 faizlə İrana veriləcək. İranın Nəqliyyat infrastrukturunun tikintisi və inkişafı şirkətinin baş direktoru Xeyrullah Xadimi də bundan öncə APA-ya açıqlamasında qeyd edib ki, İran Astarasında yük terminalı və stansiyalarının tikintisinə dair işlər davam etdirilir. Qeyd edək ki, “Şimal-Cənub” beynəlxalq nəqliyyat dəhlizinin əsasını təşkil edəcək Qəzvin-Rəşt-Astara dəmir yolu xətti İranın Bəndər-Abbas limanı ilə Azərbaycanın Astara şəhərini birləşdirəcək. Bu dəhlizlə nəinki İran, eləcə də Hindistan, Çin və İran körfəzi ölkələri Avropa ilə idxal və ixrac əməliyyatları aparacaqlar. Azərbaycan ərazisindən keçən dəhliz daha səmərəli və iqtisadi baxımdan əlverişlidir. “Şimal-Cənub” dəhlizi ilə ilkin olaraq ildə 6 mln. ton yük daşınması planlaşdırılır. Sonrakı illərdə bu həcmin 15-20 mln. tona çatdırılacağı proqnozlaşdırılır.




 
Bölməyə aid digər xəbərlər
25.09.2018
FAO-nun Romadakı baş ofisində “Azərbaycan otağı”nın açılışı olub
25.09.2018
Azərbaycan ilə ABŞ arasında ikitərəfli əməkdaşlığa dair fikir mübadiləsi aparılıb
25.09.2018
XİN:İşğal olunmuş ərazilərdə növbəti təxribatçı addım ağır fəsadlara yol aça bilər
25.09.2018
“Aksam.com.tr”: “Türk Aerokosmik Sənayesi Azərbaycanla əməkdaşlıq etməyə hazırlaşır”
25.09.2018
Müdafiə Sənayesi Nazirliyi “ADEX-2018”də 270-dən çox məmulat nümayiş etdirir

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10145

1 Yalnızlıq qorxusu
2 “Vətən uzaqda deyil” telelayihəsi dünya azərbaycanlılarının sevincinə səbəb olub
3 “Azərbaycanda xalq yaradıcılığına maraq artıb”
4 Cəfər Cəfərov: “Hər bir ölkənin gələcəyi yüksək səviyyəli kadrlardan asılıdır”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info