Tatarıstandan olan qonaqlar Azərbaycandakı tatar diasporunun nümayəndələri ilə görüşüblər
Tarix: 18.01.2018 | Saat: 17:59:00 | E-mail | Çapa göndər


Tatarıstan Respublikası Azərbaycan Milli-Mədəni Muxtariyyətinin “Azərbaycan” Regional İctimai Təşkilatının (RİT) nümayəndələri və Tatarıstandan olan qonaqlar Azərbaycandakı tatar diasporunun nümayəndələri ilə görüşmək və tanış olmaq üçün “Tatarıstan” İctimai Birliyinin dəvəti ilə Bakıda səfərdə olublar.
“Tatarıstan” İctimai Birliyindən bildiriblər ki, görüşün başlıca məqsədi qardaş Azərbaycan və Tatarıstan xalqlarının dostluğunun rifahına xidmət edəcək əməkdaşlığı möhkəmləndirmək, birgə mədəni və ictimai tədbirlər keçirmək barədə razılığa gəlmək olub.
Qonaqlar Əjdərbəy məscidində cümə namazında olublar. “Tatarıstan” İB-nin dini sektorunun rəhbəri Rəşid Cabbarov məscidin tarixindən danışaraq bildirib ki, bu məsciddə müxtəlif millətlərin nümayəndələri birlikdə namaz qılırlar.
Sonra Bakıdakı restoranlardan birində Azərbaycan və tatar diasporlarının nümayəndələrinin görüşü olub. Azərbaycanın tatar diasporunun nümayəndəsi, “Tatarıstan” İB sədrinin müavini Emin Ramazanov Azərbaycan tatarları ilə görüşmək üçün dəvəti qəbul etdiklərinə görə Tatarıstan Respublikası Azərbaycan Milli-Mədəni Muxtariyyətinin “Azərbaycan” RİT-in rəhbəri Bəşir Bəşirovun şəxsində tatarıstanlı qonaqlara təşəkkür edib.
“Tatarıstan” İB-nin sədri Abbas Minyaşev birliyin fəaliyyəti və keçirdiyi mədəni tədbirlər barədə qonaqlara məlumat verərək vurğulayıb ki, Azərbaycan və Tatarıstan xalqlarının dostluğunun möhkəmlənməsi üçün belə səfərlərin və birgə tədbirlər keçirilməsinin böyük əhəmiyyəti var.
“Azərbaycan” RİT sədrinin mədəniyyət və təhsil məsələləri üzrə köməkçisi, beynəlxalq dərəcəli hüquqşünas, Kazan Federal Universitetinin və Bakı Dövlət Universitetinin məzunu Sevinc Süleymanova Tatarıstanın Xalqlar Dostluğu Evindən, bazar günü məktəbindən, Azərbaycan muxtariyyətinin fəaliyyətindən söz açaraq qeyd edib ki, o, həm Tatarıstanı, həm də Azərbaycanı özünün Vətəni sayır. S.Süleymanova bildirib ki, bu il bir neçə birgə tədbir və sərgi keçirmək planlaşdırılır.
Tatarıstandan olan qonaqlar arasında türk, ərəb və tatar dilləri tərcüməçisi Yaqut Xudayarova, habelə Kazanda və Yelabuqada uşaqlara milli rəqslər öyrədən xoreoqraf Elman Musayev da olub.
Gecədə yerli ansamblın ifasında qarmonun müşayiəti ilə tatar mahnıları səslənib.
Tural




 
Bölməyə aid digər xəbərlər
20.02.2019
Ermənistan vətəndaşlarının Türkiyədə olmasının səbəbi ölkələrindəki iqtisadi böhrandır
20.02.2019
İsrailin Baş naziri Moskvaya səfərini təxirə salıb
20.02.2019
İngiltərədə Mühafizəkarlar partiyasından olan üç deputat partiya sıralarını tərk edib
20.02.2019
Suriyanın yeni konstitusiyası hazırlanacaq
20.02.2019
Birlәşmiş Millәtlәr Tәşkilatı Suriya mәsәlәsi ilә bağlı xәbәrdarlıq edib

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10608

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 ABŞ-da atışma: xəsarət alanlar var
5 Yunanıstanda Azərbaycan milli musiqi alətlərinin təqdimatı keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info