Ermənistanda Rusiya əleyhinə aksiyalar keçirilə bilər
Tarix: 19.01.2018 | Saat: 00:23:00 | E-mail | Çapa göndər


Ölkə sərhədlərinin qorunmasının Rusiya Federal Təhlükəsizlik Xidmətindən alınması ilə bağlı təşəbbüs qrupu yaradılıb

Ermənistanda hökm sürən ağır iqtisadi vəziyyət hər keçən gün narazılıqları artırır. Hökumət mövcud problemləri aradan qaldırmaq iqtidarında deyil. Çünki ölkənin buna maddi gücü yoxdur. Bu səbəbdən də yanvarın 19-da İrəvanda hakim rejimin səriştəsizliyinə qarşı ümumxalq itaətsizliyi yürüşü planlaşdırılır.

“Yelk” partiyasının rəhbəri, deputat Nikol Paşinyan parlamentin iclasında əhali ayağa qalxacağı təqdirdə heç bir qüvvənin bunun qarşısını ala bilməyəcəyini söyləyib. O deyib ki, ölkədə sosial-iqtisadi vəziyyət olduqca ağırdır. Bu da vətəndaşların səbir kasasını doldurub. Hər kəs yaxşı yaşamaq arzusundadır. İllər keçir, amma ölkədə heç nə dəyişmir. Rusiya Siyasi Araşdırmalar İnstitutunun rəhbəri Sergey Markov bildirib ki, Ermənistandakı narazılıqlar Serj Sərkisyan hökumətinə münasibətin göstəricisidir. Artıq ölkədə qanlı mart hadisələrinin təkrarlanmasına zəmin yaranıb. Ermənistanda iqtisadi vəziyyət yaxşı deyil. Bu da aksiya keçirənlərin əsas narazı olduğu məqamlardandır. Gözlənilən etirazlar çevrilişlə də nəticələnə bilər. Ona görə də hakimiyyət silahlı qüvvələri insanların qarşısına çıxaracaq.

“İrəvandakı Zvartnos beynəlxalq hava limanındakı sərhəd keçid məntəqəsinə nəzarət hüququnun Rusiya Federal Təhlükəsizlik Xidmətində olması ölkə suverenliyinin bir hissəsinin xarici dövlətə verilməsi deməkdir”

Politoloq Oleq Kuznetsov qeyd edib ki, narazılıqların kökündə indiki siyasi rejimə qarşı yönələn aqressiya dayanır. Ermənistan mətbuatı isə hərbi-siyasi repressiyaların güclənəcəyini yazır. Eyni zamanda Ermənistanda antirusiya çağırışları daha ucadan səslənməyə başlayıb. Artıq bir neçə aydır ki, Ermənistanda bəzi dairələr ölkə sərhədlərinin Rusiya sərhədçiləri tərəfindən qorunmasına etiraz edir. Bununla bağlı daha bir təşəbbüs irəli sürülüb. Belə ki, təşəbbüs müəllifləri hesab edirlər ki, ölkə sərhədlərinin qorunması Rusiya Federal Təhlükəsizlik Xidmətindən alınaraq Ermənistan Milli Təhlükəsizlik Xidmətinə verilməlidir. Təşəbbüsü irəli sürən fəallar, hələlik Türkiyə ilə sərhədin ruslar tərəfindən qorunmasına etiraz etmirlər. Amma qalan hissələrin onlara verilməsi tələb edilir. “Armenianreport.com” yazır ki, 1992-ci ildə Rusiya və Ermənistan hökumətləri sərhəd qoşunlarının statusu haqqında müqavilə imzalayıblar. Həmin müqaviləyə əsasən, Ermənistanın Türkiyə və İranla sərhəd zolağını Rusiya Federal Təhlükəsizlik Xidmətinin sərhədçiləri qoruyurlar. Təşəbbüs qrupunun üzvləri bildirirlər ki, həmin vaxt müharibə olduğu üçün Ermənistan bunu etməyə məcbur olub. İndi isə Rusiyanın köməyinə ehtiyac yoxdur. Erməni fəallar hesab edir ki, rəsmi İrəvan ölkənin itirilmiş suverenliyini bərpa etmək üçün addımlar atmalıdır: “İrəvandakı Zvartnos beynəlxalq hava limanındakı sərhəd keçid məntəqəsinə nəzarət hüququnun Rusiya Federal Təhlükəsizlik Xidmətində olması ölkə suverenliyinin bir hissəsinin xarici dövlətə verilməsi deməkdir”. Təşəbbüs qrupu 2018-ci il martın ilk gününədək İrəvandakı Zvartnos beynəlxalq hava limanındakı sərhəd keçid məntəqəsini Ermənistanın sərhəd qoşunlarının tam nəzarəti altına keçməsini təklif edib. Fəallar hesab edirlər ki, Ermənistan-İran sərhədinin qorunması 2019-cu il yanvarın 1-nə kimi Ermənistanın səlahiyyətinə verilməlidir: “Rusiyanın Federal Təhlükəsizlik Xidmətinin sərhəd qoşunları, hələlik Türkiyə ilə sərhəddə xidmətlərini davam etdirə və ya istəmədikləri halda vətənlərinə qayıda bilərlər”. Qrup üzvləri təkliflərinə müsbət cavab verilməyəcəyi təqdirdə aktiv etiraz aksiyaları keçirəcəklərini də elan ediblər.
Ağasəf Babayev




 
Bölməyə aid digər xəbərlər
25.09.2018
“İrəvan meriyasına seçkilər yalan və riyakarlığın nümunəsidir”
25.09.2018
Yaxın Şərq böyük müharibə ərəfəsində
25.09.2018
Kvirikaşvili AYİB-in beynəlxalq məsləhətçisi olub
25.09.2018
TASS: Azərbaycan silah bazarında Rusiya Federasiyasının iri tərəfdaşıdır
24.09.2018
Yerevan meri postuna seçkilərdə xeyli qanun pozuntusu və insident qeydə alınıb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10145

1 Yalnızlıq qorxusu
2 “Vətən uzaqda deyil” telelayihəsi dünya azərbaycanlılarının sevincinə səbəb olub
3 “Azərbaycanda xalq yaradıcılığına maraq artıb”
4 Cəfər Cəfərov: “Hər bir ölkənin gələcəyi yüksək səviyyəli kadrlardan asılıdır”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info