20 Yanvar gecəsinin qurbanları unudulmur
Tarix: 19.01.2018 | Saat: 16:23:00 | E-mail | Çapa göndər


Nizami rayonunda 20 Yanvar faciəsinin 28-ci ildönümü ilə əlaqədar şəhid ailələri və əlillərlə görüş keçirilib.
Nizami Rayon İcra Hakimiyyətindən AZƏRTAC-a verilən məlumata görə, tədbir 20 Yanvar şəhidlərinin əziz xatirəsi bir dəqiqəlik sükutla yad edilməklə başlanılıb.
Tədbiri giriş sözü ilə açan rayon icra hakimiyyəti başçısının müavini İldırım Mehdiyev 1990-cı ildə baş verən qanlı 20 Yanvar hadisələrinin Azərbaycan xalqının iradəsini, milli azadlıq uğrunda mübarizə əzmini qıra bilmədiyini, həmin gecədə həlak olan vətən oğullarının xalqın milli azadlığı, müstəqilliyi üçün yol açdığını qeyd edib.
Rayon icra hakimiyyəti başçısının birinci müavini Qərib Məmmədov, icra hakimiyyəti başçısının müavini Gülnaz İsrafilova, rayon Ağsaqqallar Şurasının sədri Mayıl Əliyev, Qarabağ Müharibəsi Əlilləri, Veteranları və Şəhid Ailələri İctimai Birliyi rayon filialının sədri Məhi Mehtiyev, “20 Yanvar” İctimai Birliyinin sədri Sultan Əzimzadə 1990-cı il yanvarın 19-dan 20-nə keçən gecə Bakı şəhərinə və bir neçə rayona fövqəladə vəziyyət elan edilmədən keçmiş Sovetlər İttifaqının qoşun hissələrinin yeridildiyini, dinc əhaliyə divan tutulduğunu, yüzlərlə insanın qətlə yetirildiyini, yaralandığını və itkin düşdüyünü bildiriblər. Çıxış edənlər 20 Yanvarın milli matəm, hüzn günü kimi qeyd edildiyini, eyni zamanda, həm də iftixar hissi ilə xatırlandığını söyləyıblər.
Tədbirdə, xalqımızın müstəqilliyi uğrunda canlarını qurban verən oğul və qızların uyuduğu Şəhidlər xiyabanının xalqımız üçün müqəddəs bir and yerinə çevrildiyi və milli iradəmizin simvolu kimi bundan sonrakı nəsillər üçün də bir qürur mənbəyi olacağı vurğulanıb.
Tədbirin sonunda rayonda yaşayan 20 Yanvar şəhidlərinin ailələrinə və əlillərinə maddi yardım göstərilib.
Mahmud




 
Bölməyə aid digər xəbərlər
16.11.2018
Sanqaçal qəsəbə sakinləri ilə növbəti səyyar görüş keçirilib
16.11.2018
Sahil Babayev Şəmkirdə 5 rayonun sakinləri ilə görüşüb
16.11.2018
Birinci qrup ilkin əlillik təyin olunanların sayında azalma 75,8 faizə çatıb
16.11.2018
“Bakı Metropoliteni” işçi axtarır
15.11.2018
110 şəhid hərbi qulluqçu üzrə 135 vərəsəyə birdəfəlik ödəmənin verilməsinə dair qərar qəbul olundu

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10488

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info