Qanlı Yanvar faciəsi qurbanlarının xatirəsi Yekaterinburqda da yad olunub
Tarix: 19.01.2018 | Saat: 22:40:00 | E-mail | Çapa göndər
Azərbaycanın Yekaterinburq şəhərindəki baş konsulluğu Sverdlovsk vilayətində fəaliyyət göstərən “Azərbaycan” ictimai təşkilatı və Rusiya Azərbaycanlı Gənclər Birliyi (RAGB) Yekaterinburq şəhər təşkilatı ilə birgə 20 Yanvar faciəsinin 28-ci il dönümünə həsr olunmuş anım mərasimi təşkil edib.
Azərbaycanın Yekaterinburqdakı baş konsulu vəzifəsini icra edən İlqar İskəndərov tədbiri açaraq 20 Yanvar hadisələri ilə bağlı tədbir iştirakçılarına geniş məlumat verib. O qeyd edib ki, həmin müdhiş günlərdə Azərbaycan xalqının ümummilli lideri Heydər Əliyevin Vətəndə olmaması ən böyük həqiqət kimi dərk olundu. Amma Bakıda olmamasına baxmayaraq, xalqının səsinə hər kəsdən tez səs verən də elə Heydər Əliyev oldu. Ümummilli Liderimiz Moskvada xüsusi nəzarət altında olsa da, özünün və ailə üzvlərinin həyatını təhlükə qarşısında qoyaraq, hadisələrdən dərhal sonra, yanvarın 21-də Azərbaycanın Moskvadakı daimi nümayəndəliyinə gəldi. Ulu Öndər təcavüzə kəskin etirazını bildirdi, faciəni törədənləri, şəxsən M.Qorbaçovu ittiham etdi, qoşunların Bakıdan çıxarılmasını tələb etdi. Xalqımızın ümummilli lideri Heydər Əliyevin 1990-cı il 21 yanvar tarixli bəyanatı həm də faciəyə verilən ilk siyasi qiymət idi.
Diplomat vurğulayıb ki, ulu öndər Heydər Əliyevin daxili və xarici siyasətini uğurla davam etdirən Prezident İlham Əliyev 20 Yanvar və Qarabağ şəhidləri ailələrinin, müharibə veteranlarının, əlillərin problemlərinin dövlət səviyyəsində həllini mühüm vəzifələrdən biri kimi qarşıya qoyub. Ölkəmizdə bu istiqamətdə böyük işlər həyata keçirilir. Şəhid ailələrinin, əlillərin sosial təminatı ildən-ilə daha da möhkəmləndirilir. Ölkənin iqtisadi durumunun yüksəlməsi özünü bu qəbildən olan insanların həyat və məişətində daha qabarıq göstərir. İ.İskəndərov deyib: “Bu il xalqımız 20 Yanvar hadisələrinin 28-ci ildönümünü qeyd edir, igid övladlarının fədakarlığını məhəbbətlə xatırlayır, onların əziz xatirəsini hər zaman böyük ehtiramla yad edir”.
Sonra 20 Yanvar faciəsini əks etdirən fotoşəkillər və film nümayiş etdirilib.
Rusiyanın Sverdlovsk vilayəti qubernatorunun müavini Vadim Dubiçev, B.N.Yeltsin adına Ural Federal Universitetinin xarici regionşünaslıq kafedrasının müdiri, Azərbaycanşünaslıq Mərkəzinin direktoru Aleksandr Nesterov, Ural federal dairəsi üzrə Azərbaycan diasporunun rəhbəri Şahin Şıxlinski, RAGB gənclər təşkilatının fəalları çıxış edərək faciənin günahkarlarının cəzalandırılmasının vacibliyini vurğulayıblar.
Tədbirin sonunda şəhidlərin ruhuna dualar oxunub.




 
Bölməyə aid digər xəbərlər
21.05.2018
“Star” zavodu üçün ilk neft Azərbaycandan göndəriləcək
21.05.2018
Serbiya Prezidenti: “Serbiya Azərbaycan üçün dost ölkədir” (Yenilənib)
21.05.2018
Mirzə Baxış Nadimin “Seçilmiş əsərləri” ictimaiyyətə təqdim olunub
21.05.2018
Stolüstü tennis üzrə liqa yarışları başa çatıb
21.05.2018
Tələbələrimiz Qazaxıstanda AXC-nin yubileyi ilə bağlı tədbir keçiriblər

Şərh əlavə olunmayıb



    ,    
Hüseyn Babayev
Fuad HÜSEYNZADƏ
Tural Tağıyev
Elşad QOCA
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9291

1 “İsveçdə keçiriləcək parlament seçkilərində bir neçə azərbaycanlının namizədliyi irəli sürülüb”
2 Yaponiyada Azərbaycan məhsullarına böyük maraq var
3 Krasnoyarskda AXC-nin 100 illiyi ilə bağlı silsilə tədbirlər keçirilib
4 Oqtay Əsədov: “Ermənistanın işğalçılıq siyasəti bölgədə sülh və sabitliyə mane olur”
5 “Ermənistan işğalçı tərəf olaraq Laçın rayonunda qeyri-qanuni əməllərini davam etdirir”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info