20 Yanvar faciəsinin ildönümü Aktauda qeyd edilib
Tarix: 20.01.2018 | Saat: 18:03:00 | E-mail | Çapa göndər


Azərbaycanın Aktaudakı baş konsulluğu Manqistau vilayətində yaşayan azərbaycanlıların “Dostluq” Milli-Mədəni Cəmiyyəti ilə birgə 20 Yanvar şəhidlərinin anım mərasimini keçirib.
AZƏRTAC xəbər verir ki, mərasimdə Cəmiyyətin üzvləri ilə yanaşı, Aktauda fəaliyyət göstərən diplomatik nümayəndəliklərin rəhbərləri, Qazaxıstan Xalqları Milli Assambleyasının Manqistau vilayəti üzrə rəhbərliyi və digər ölkələrin diaspor təşkilatlarının təmsilçiləri, Aktau Şəhər Maslixatının deputatları, ictimaiyyətin nümayəndələri, Azərbaycanın Qazaxıstanda Biznes İnvestisiyası Assosiasiyasının (ABİA), yerli kütləvi informasiya vasitələrinin nümayəndələri, azərbaycanlı tələbələr iştirak ediblər.
İştirakçılar 20 Yanvar şəhidlərinin xatirəsinə yaradılan fotokompozisiya baxıb, simfonik musiqi dinləyiblər.
Şəhidlərin xatirəsi bir dəqiqəlik sükutla yad edildikdən sonra Manqistau vilayətindəki azərbaycanlıların “Dostluq” Milli-Mədəni Cəmiyyətinin sədri, Aktau Şəhər Maslixatının deputatı Şəmsəddin Hüseynov çıxış edib.
Sonra Azərbaycanın Aktaudakı baş konsulluğunun rəhbəri Elxan Zeynalov çıxış edərək Azərbaycanın azadlığı və ərazi bütövlüyü uğrunda mübarizə tarixinə qəhrəmanlıq səhifəsi kimi daxil olmuş 20 Yanvar faciəsinin başvermə səbəblərindən danışıb. O, Azərbaycanın suverenliyi və müstəqilliyi uğrunda həlak olanların ruhunun anılmasının hər bir azərbaycanlının borcu olduğunu qeyd edib. Diplomat ölkəmizə qarşı ərazi iddiaları irəli sürən Ermənistanın təcavüzkar hərəkətlərindən və keçmiş SSRİ rəhbərliyinin onlara havadarlığından söhbət açıb, bunun nəticəsində Azərbaycanda misli görünməmiş faciənin baş verdiyini bildirib. O, faciəyə yalnız ümummilli lider Heydər Əliyev tərəfindən siyasi-hüquqi qiymət verildiyini vurğulayıb.
Daha sonra Türkiyə Respublikasının Aktau şəhərindəki baş konsulu Korhan Kürgeri, Türkmənistanın Aktau şəhərindəki konsulu Mühamednur Ovezov, Qazaxıstan Xalqları Milli Assambleyasının Manqistau vilayəti üzrə milli mədəni cəmiyyətlərinin sədri Yusup Şaxşayev, professor Yusif Quliyev çıxış edərək 20 Yanvar faciəsinin Azərbaycan xalqının müstəqillik uğrunda apardığı mübarizənin ən şərəfli tarixi olduğunu qeyd ediblər.
Çıxışlardan sonra 20 Yanvar faciəsinə həsr olunmuş sənədli film nümayiş etdirilib
Rəsmi hissədən sonra azərbaycanlı iş adamları tərəfindən təşkil olunmuş ehsan süfrəsi açılıb, dualar oxunub. Ehsan payları, həmçinin Aktau şəhərində yaşayan aztəminatlı ailələrə verilib.




 
Bölməyə aid digər xəbərlər
12.11.2018
Slovakiyanın Baş naziri Peter Pelleqrini Azərbaycana rəsmi səfərə gəlib
12.11.2018
Daxili İşlər Nazirliyi sosial şəbəkə istifadəçilərinə müraciət edib
12.11.2018
Prezident Ümumdünya Antidopinq Agentliyinin prezidentinin başçılıq etdiyi nümayəndə heyətini qəbul edib
12.11.2018
Müdafiə Nazirliyi: atəşkəs rejimi 28 dəfə pozulub
12.11.2018
Ukrayna sərhədçiləri qədim kitabları aparan Belarus vətəndaşını saxlayıblar

Şərh əlavə olunmayıb



    ,    
Tural Tağıyev
Namiq Əliyev
Namiq Əliyev
Mehriban Nəsib
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10455

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitet müəllimi 30-40 il əvvəl qazandığı bilik və metodlarla auditoriyaya girməməlidir”
4 “Universitetlərdə rəhbər şəxslərin qapıları tələbələr üçün daim açıq olur”
5 Polşalı şagirdlər Azərbaycan nağıllarına illüsturasiyalar çəkiblər


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info