Miqrasiya işçiləri çalışırlar ki, əcnəbilərin miqrasiya məsələləri operativ şəkildə həll edilsin
Tarix: 25.01.2018 | Saat: 17:26:00 | E-mail | Çapa göndər


Ağsu rayonunda miqrasiya sahəsində hüquqi maarifləndirmə tədbiri təşkil olunub. Tədbir çərçivəsində vətəndaşlara səyyar xidmət də göstərilib.
Dövlət Miqrasiya Xidmətinin Ağsu regional miqrasiya idarəsi və rayon icra hakimiyyətinin birgə təşkilatçılığı ilə keçirilən maarifləndirmə tədbirində Ağsuda inzibati ərazi dairələri üzrə nümayəndələr, bələdiyyə üzvləri, hüquq mühafizə orqanlarının əməkdaşları, təhsil işçiləri və ictimaiyyət nümayəndələri, habelə əcnəbi və vətəndaşlığı olmayan şəxslər iştirak ediblər.
Əvvəlcə rayon icra hakimiyyəti başçısının birinci müavini Rasim Novruzov çıxış edərək, iştirakçılara maarifləndirmə tədbirinin məqsədi barədə məlumat verib.
Sonra Ağsu regional miqrasiya idarəsinin məsul əməkdaşları Dövlət Miqrasiya Xidmətinin fəaliyyət istiqamətləri barədə söz açıb, ölkəmizdə əcnəbilərə və vətəndaşlığı olmayan şəxslərə müvəqqəti və daimi yaşamaq üçün icazələrin verilməsi qaydalarını ətraflı şərh ediblər.
Tədbirdə Azərbaycan Respublikasına gələn əcnəbilərə və vətəndaşlığı olmayan şəxslərə müvəqqəti və daimi yaşamaq üçün icazələrin verilməsi qaydaları ilə bağlı videoslaydlar vasitəsilə ətraflı məlumat verilib.
Qeyd edilib ki, həm ölkəmizdəki sabitlik və inkişaf, həm respublikamızın əsrarəngiz təbiəti, həm də miqrasiya məsələləri ilə bağlı həyata keçirilən siyasət Azərbaycanı əcnəbilər üçün cəlbedici edib. Buna görə də xarici turistlər istirahət üçün Azərbaycanı seçirlər. Turizmin inkişafı isə ölkəmizdə prioritet sahə kimi müəyyənləşdirilib və artıq Azərbaycana gəlmək üçün viza almaq istəyən şəxsə “ASAN viza” sistemi vasitəsilə 3 saat ərzində elektron viza verilir. Miqrasiya orqanlarının əməkdaşları da çalışırlar ki, ölkəmizə təşrif buyuran əcnəbilərin miqrasiya ilə bağlı məsələləri operativ şəkildə həll edilsin.
Mövzu ilə bağlı Xidmət tərəfindən hazırlanan bukletlər iştirakçılara təqdim olunub, suallar cavablandırılıb.
Sonda 5 nəfərə müvəqqəti yaşama və 1 nəfərə daimi yaşama icazələrinin verilməsi, həmçinin 2 şəxsə vətəndaşlıq mənsubiyyətinin müəyyən edilməsi ilə bağlı tələb olunan sənədlərin siyahıları verilib. Bundan əlavə, 1 nəfərə Azərbaycan Respublikası vətəndaşlığına mənsubiyyətinin müəyyən edilməsi barədə arayış təqdim olunub.
Tural




 
Bölməyə aid digər xəbərlər
20.02.2019
Ətraf mühitin problemləri və onların həlli yolları müzakirə edilib
20.02.2019
Qaraciyəri bərpa etməyin sadə və ucuz üsulu
20.02.2019
İslamda millət və din anlayışı
20.02.2019
Narkotik vasitələrin sərhəddən qeyri-qanuni gətirilməsi cəhdinin qarşısı alınıb
20.02.2019
Prezident Cənub Qaz Dəhlizi Məşvərət Şurası çərçivəsində nazirlərin beşinci toplantısında iştirak edir

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10608

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 ABŞ-da atışma: xəsarət alanlar var
5 Yunanıstanda Azərbaycan milli musiqi alətlərinin təqdimatı keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info