Seyid Əzim Şirvaninin nəticəsi Özbəkistanda evlə təmin olunub
Tarix: 25.01.2018 | Saat: 19:08:00 | E-mail | Çapa göndər


Fatma Quliyeva: “Bu səfirliyin Azərbaycan adından mənə ən böyük qayğısıdır”

Məlum olduğu kimi görkəmli Azərbaycan şairi, maarifçisi Seyid Əzim Şirvaninin nəticəsi Fatma Əminağa qızı Quliyeva uzun illərdir ki, Özbəkistanın paytaxtı Daşkənd şəhərində yaşayır.
O, 1941-ci ilin fevral ayında Türkmənistanın Aşqabad şəhərində anadan olub. Atası Əminağa Bakıda, anası Xədicə xanım isə Aşqabadda dünyaya göz açıb. Anasının anası Seyid Əzimin doğma qızı seyid Fatma olub.
Qeyd edək ki, 77 yaşlı Fatma Quliyeva vətəndaşlığı olmadan Daşkənd şəhərində yaşayış üçün acınacaqlı olan və şəraiti olmayan bir yataqxanada ehtiyac içində ömür sürür.
Fatma Quliyeva Azərbaycanın Özbəkistandakı Səfiri Hüseyn Quliyevə müraciət edərək, səfirlikdən dəstək xahiş etmiş, hətta Azərbaycana qayıdaraq, vətəndaşlıq alaraq öz ata yurdunda həyatını davam etmək istədiyini bildirib.
Ötən müddət ərzində səfirlik Fatma Quliyevanı himayəyə götürüb, ona mütəmadi olaraq yardımlar, bayram sovqatları göndərir.
Fatma Quliyevanın həyat şəraitinin acınacaqlı olması, habelə onun yaşlanması və bu vəziyyətin davam etməsi səfir Hüseyn Quliyevi azərbaycanlı iş adamlarına müraciət etmək məcburiyyətində qoyub. Səfirin müraciəti cavabsız qalmayıb. Azərbaycanda xeyirsevər iş adamları Mirfalah Cabbarov və Cavid Səbzəliyevin dəstəyi nəticəsində Fatma xanım üçün Daşkənddə Sergeli rayonu 6, ev 9 ünvanında xüsusi ev alınıb.
Fatma Quliyeva ona göstərilən bu dəstəyə, habelə dahi şair Seyid Əzim Şirvani irsinə diqqət və qayğıya görə səfir Hüseyn Quliyevə, iş adamlarımıza öz dərin təşəkkürünü bildirib.
O, qeyd edib ki, “Mən sanki bu gün bir yuxu görürəm. Uzun illər yataqxanada şəraitsiz vəziyyətdə yaşamaq sağlamlığımız üçün də problemlər yaradırdı. Bu Azərbaycan səfirliyinin Azərbaycan adından mənə ən böyük qayğısıdır. Mən bu dəstəyi ömrüm boyu unutmayacağam. Həyatda çox çətinlik gördüm. Allaha şükür ki, ev vəziyyətimiz Azərbaycan səfirliyinin, şəxsən Hüseyn Quliyevin uzun illər apardığı davamlı iş, müraciətləri nəticəsində öz həllini tapdı. Mən əminəm ki, babam Şirvaninin ruhu şad oldu. Xalqımıza, dövlətimizə öz minnətdarlığımı bildirir, daim dualarım onlarladır.
Ümid edirəm ki, mənim ürəyimdə illərlə saxladığım - Azərbaycana, babamın və yaxınlarımın uyuduğu doğma Şamaxıya köçmək barədə arzum hörmətli Prezidentimiz İlham Əliyevə çatacaq və ömrümün ahıl vaxtında da olsa mən Azərbaycan vətəndaşlığı alaraq ana torpağıma qovuşacam”.

Tural Tağıyev




 
Bölməyə aid digər xəbərlər
20.01.2019
Sabahın hava proqnozu açıqlanıb
19.01.2019
Bakı Şəhər Baş Polis İdarəsi paytaxtda keçirilən mitinqlə bağlı məlumat yayıb
18.01.2019
“Bakcell” və “Hesab.az” avtomatik ödəniş funksiyasını təqdim edib
18.01.2019
“ASAN xidmət” müvafiq dövlət xidmətlərinin alternativsiz formada həyata keçirildiyi vahid məkana çevrilir
18.01.2019
20 yanvar günü bu küçələrdə hərəkət tam məhdudlaşdırılacaq

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Hüseyn Babayev AAF-ın vitse-prezidenti təyin edilib
4 Dərslər təxirə salındı
5 Nikola Sarkozi: “Bakıda böyük quruculuq işlərinin şahidi oldum”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info