UNEC-in Zaqatala filialının yüksək nəticə göstərən tələbəsi Bakıda təhsil alacaq
Tarix: 26.01.2018 | Saat: 00:34:00 | E-mail | Çapa göndər


Rektor, professor Ədalət Muradov UNEC-in Zaqatala filialında tələbələrlə görüşüb. Rektor UNEC-də tətbiq edilən Elektron Universitet modelinin üstünlüklərindən danışaraq, qısa zamanda filialda da bu sistemin reallaşdırılacağını bildirib. İmtahanlarda operativlik, şəffaflıq və obyektivliyin təmin olunması məqsədilə tələbələrin mərkəzləşdirilimiş qaydada test üsulu ilə imtahan verməsi üçün bütün şəraitin yaradılacağını qeyd edib. Ə.Muradov tələbələrə UNEC-də uğurla tətbiq olunan UDİD proqramı barədə də məlumat verib. Bildirib ki, tələbələrə dörd il ərzində iki ayrı ixtisas üzrə diploma sahib olmaq imkanı yaradan proqramın filialda da həyata keçirilməsi nəzərdə tutulub. Görüşdə tələbə təşkilatlarının işinin təkmilləşdirilməsi ilə bağlı təkliflər səsləndirilib. UNEC-də təhsil alan fəal tələbələrin filiala səfərlərinin təşkil olunacağı vurğulanıb. Tələbələrin stimullaşdırılması üçün imtahan sessiyasında ən yüksək nəticə göstərən tələbələrə xüsusi təqaüdlərin verilməsi və bir tələbənin bir semestrlik Bakıda təhsil ala biləcəyi barədə rektorun səsləndirdiyi təkliflər görüş iştirakçılarının xüsusi marağına səbəb olub. Filiala daha çox tələbə cəlb edilməsi üçün görüləcək tədbirlərdən söz açan rektor növbəti tədris ilində Gürcüstanın və regionun Azərbaycan dilində tədris aparan ən yaxşı məktəblərinə səfərlər təşkil olunacağını bildirib. Filialda müasir tələblərə cavab verən kitabxananın qurulmasının gündəmdə olduğuna diqqət çəkən Ə.Muradov pedaqoji heyət və tələbələr arasında sorğu aparılarmasını təklif edib. Sorğunun nəticələrinə əsasən ehtiyac duyulan kitabların siyahısı hazırlanaraq kitabxana fondu daha da zənginləşdiriləcək. UNEC İctimai Nəzarət Şurasının üzvü, Əməkdar elm xadimi, professor Şahlar Əsgərov filialla tanışlıqdan məmnun olduğunu bildirərək, Zaqatala bölgəsində çox yüksək səviyyəli bir universitet yaranmağa başladığını vurğulayıb. O, UNEC-in Zaqatala filialının siyasi, iqtisadi və mədəni əhəmiyyətinin böyük olduğunu qeyd edib. Filialın auditoriyaları, yeməkxana və yataqxana şəraitini yüksək qiymətləndirən Ş.Əsgərov imtahan prosesində də Bakıda müşahidə etdiyi etik normalara tam əməl edildiyini, obyektivliyin və şəffaflığın əsas prioritet istiqaməti kimi seçildiyini önə çəkib. Səfər çərçivəsində rektor filialın professor-müəllim heyəti ilə də görüşüb. Ə.Muradov filialda pedaqoji heyətin motivasiyasını təmin etmək, müəllimlər arasında elm, tədris və özünüinkişaf istiqaməti üzrə sağlam rəqabət mühitini gücləndirmək məqsədilə UNEC-in əqli mülkiyyəti olan Differensial Əməkhaqqı Sisteminin tətbiqinin əhəmiyyətli olacağını vurğulayıb. Rektor müəllimlərin elmi potensialının daha da artırılması üçün fevral ayında UNEC-in Quba tədris, idman və istirahət kompleksində təşkil olunacaq qış məktəbində onların iştirakının təmin ediləcəyini bildirib.
Anar




 
Bölməyə aid digər xəbərlər
21.09.2018
Azərbaycanın ən sürətli mobil şəbəkəsinin adı açıqlanıb
21.09.2018
Baş prokuror Quba rayonunda vətəndaşları qəbul edib
21.09.2018
Sahil Babayev Göygöl rayonunda 4 rayon və şəhərin sakinləri ilə görüşüb
20.09.2018
Ədliyyə orqanlarına qulluğa qəbul olunan gənclər and içiblər
20.09.2018
ƏƏSMN və Kiçik və Orta Biznesin İnkişafı Agentliyi arasında memorandum imzalanıb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10128

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 “Mübariz İbrahimov təkbaşına bir çox işğalçını məhv edərək şəhidlik zirvəsinə ucalıb”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info