Səlim Çələbi: “BANM beynəlxalq standartları öz fəaliyyətində uğurla tətbiq edir”
Tarix: 26.01.2018 | Saat: 20:33:00 | E-mail | Çapa göndər


Türk Standartları İnstitutunun (TSİ) nümayəndə heyəti Bakı Ali Neft Məktəbinin (BANM) fəaliyyətinin beynəlxalq standartlara uyğun təşkil olunduğunu qiymətləndirmək məqsədilə yanvarın 23-dən 26-dək monitorinq aparıb.
BANM-dən bildirilib ki, TSİ-nin nümayəndələri ISO 9001-2015 və ISO 14001-2015 standartlarının yeni versiyasına keçidlə, o cümlədən OHSAS 18001 beynəlxalq standartının yenidən sertifikatlaşdırılması ilə əlaqədar audit prosesini həyata keçiriblər. Audit prosesinin yekun tədbirində BANM-in rektoru Elmar Qasımov, TSİ-nin baş auditoru Gülhan Yüzereroğlu, TSİ-nin Azərbaycandakı nümayəndəliyinin təmsilçisi Səlim Çələbi, maliyyə üzrə baş menecer Namiq Həsənov, baş mütəxəssis Xatirə Salahova iştirak ediblər.
Elmar Qasımov bildirib ki, BANM indiyə kimi TSİ-nin ISO 9001 “Keyfiyyət idarəetmə sistemi”, ISO 14001 “Ekologiya idarəetmə sistemi”, OHSAS 18001 “Əməyin mühafizəsi və təhlükəsizlik texnikası idarəetmə sistemi”, ISO 10002 "Müştəri məmnuniyyəti - şikayətlərin idarə edilməsi üzrə rəhbər göstərişlər" sertifikatlarını əldə edib və həmin standartların tələblərini müvafiq qaydada yerinə yetirir. Rektor bu kimi sertifikatların BANM-in fəaliyyətinin yüksək səviyyədə təşkilinin göstəricisi olduğunu vurğulayıb. Qeyd edib ki, məhz bu sertifikatlar ali məktəbin nüfuzuna böyük təsir edir və onun beynəlxalq arenada daha layiqli təmsil oluna bilməsinə şərait yaradır.
“Bakı Ali Neft Məktəbi beynəlxalq standartları öz fəaliyyətində uğurla tətbiq edir. Mən bu münasibətlə, başda rektor Elmar Qasımov olmaqla, ali məktəbin kollektivini təbrik edirəm”, - deyə TSİ-nin Azərbaycandakı nümayəndəliyinin təmsilçisi Səlim Çələbi bildirib. BANM-in beynəlxalq standartların tətbiqinə dair uğurlu fəaliyyətini alqışlayan Səlim Çələbi təmsil etdiyi qurumun ali məktəblə əməkdaşlığının inkişafında maraqlı olduğunu qeyd edib. O, BANM-in fəaliyyətinin inkişafında TSİ-nin hər cür kömək etməyə hazır olduğunu bildirib.
TSİ-nin baş auditoru Gülhan Yüzereroğlu BANM-in fəaliyyətinin həyata keçirilməsi prosesinin standartlara tam uyğun təşkil olunduğunu bildirib. O, ali məktəbin qısa müddətdə fəaliyyətinin beynəlxalq standartların tələblərinə uyğun təşkil olunmasını yüksək qiymətləndirib.

Nigar




 
Bölməyə aid digər xəbərlər
20.08.2019
Gənclər üçün “Liderlik və komanda quruculuğu” mövzusunda təlimin ikinci mərhələsinə yekun vurulub
20.08.2019
Hərbi pilotun nəşi və təyyarənin qalıqları tapılaraq dənizdən çıxarılıb
20.08.2019
Dəmiryolçular üçün treninqlər keçirilir
20.08.2019
Onlar yüksək balla Azərbaycan İlahiyyat İnstitutunu seçdilər
19.08.2019
Masallı rayonunda gənc könüllülərə sertifikatlar təqdim edilib

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10867

1 750 mindən çox vətəndaşın pensiyasında artım olacaq
2 Sabahdan Türkiyə ilə Naxçıvan arasında birbaşa hava dəhlizi açılır
3 Azərbaycana qarşı casusluq edən 128 nəfər aşkar edilib
4 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
5 “Dövlət dəstəyi olmadan Belarusda Azərbaycan turizminin təbliği ilə bağlı istənilən nəticə əldə olunmaz”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info