Afrin əməliyyatı suriyalıların evlərinə qayıtması üçün keçirilir
Tarix: 30.01.2018 | Saat: 00:40:00 | E-mail | Çapa göndər


ABŞ Menbiçdən geri çəkilməyəcəyini açıqlayıb

Türkiyə ordusunun Suriyanın Afrin bölgəsində keçirdiyi “Zeytun budağı” əməliyyatı çərçivəsində son olaraq PYD, YPG və “İŞİD” terror təşkilatlarına məxsus 20 obyekt dağıdılıb, 73 terrorçu məhv edilib.
Anadolu Agentliyi xəbər verir ki, bu günədək ümumilikdə 557 terrorçu məhv edilib. Bu barədə Türkiyə Baş Qərargahının məlumatında bildirilir. Məlumata görə, yanvarın 28-də əməliyyata daha 13 təyyarə cəlb edilib. Terrorçularla döyüş zamanı iki hərbçi yaralanıb. Qeyd edək ki, ABŞ Mərkəzi Qüvvələr Komandanlığının (CENTCOM) komandanı, general Cozef Votel ABŞ-ın Suriyanın Menbiç bölgəsindən geri çəkilməyəcəyini açıqlayıb. General Votel CNN-ə açıqlamasında belə bir addımın nəzərdə tutulmadığını deyib. Qeyd edək ki, Türkiyə hökuməti ABŞ-ı öz hərbçilərini Menbiçdən geri çəkməyə çağırıb. Türkiyə Afrinin ardınca Menbiçdə əməliyyat keçirmək niyyətindədir.

“ABŞ-ın bölgədəki qüvvələrinin öz aralarında yekdillik yoxdur. Menbiç bölgəsinə Mərkəzi Kəşfiyyat İdarəsi, Fırat çayının sağ sahilinə isə Pentaqon nəzarət edir”

“Zeytun budağı” əməliyyatının gedişini şərh edən Orta Şərq məsələləri üzrə tanınmış mütəxəssis, “Habertürk” kanalının şərhçisi Nevzat Çiçək deyib ki, Amerika “Zeytun budağı” əməliyyatına etiraz etsəydi, Türkiyə hökuməti ölkə ərazisindəki İncirlik və Kürəcik hərbi bazalarını bağlayacaqdı. Çiçək Türkiyə rəhbərliyinin bu əməliyyatla bağlı qərarlılığını xüsusi vurğulayıb: “Hərtərəfli hazırlanmış əməliyyatdır. Rusiya ilə hər şey razılaşdırılıb. Türk ordusunun Afrinə girməsinə köhnə müttəfiq ABŞ etiraz etsəydi, Türkiyə öz torpaqlarında yerləşən İncirlik və Kürəcik hərbi bazalarını NATO-ya qapadacaqdı. Bu məlumatı dövlətin ən üst səviyyəsindən almışam. İqtidarın bu qərarlılığından ABŞ da xəbərdar idi. Hər şey plana uyğun şəkildə davam edir. Ordunun əsas məqsədi mülki vətəndaşlara ziyan vurmadan bu əməliyyatı müvəffəqiyyətlə başa çatdırmaqdır, ona görə də irəliyə doğru hərəkət edərkən hər şey dəqiqliklə ölçülüb-biçilir. Türkiyənin son hədəfi sərhədin 10-30 kilometr o tərəfində “təhlükəsiz bölgə” yaratmaqdır. Afrin əməliyyatından sonraya planlaşdırılmış Menbiç əməliyyatı başa çatandan sonra Türkiyə bu məsələni gündəmə gətirəcək. Hətta PYD terror təşkilatı o bölgələri Dəməşq hökumətinə təhvil versə də, Türkiyə “təhlükəsiz bölgə” yaradılması üçün öz təkidindən vaz keçməyəcək”. Türkiyənin bundan sonrakı hərbi əməliyyatlarına ABŞ-ın göstərəcəyi mümkün reaksiya barədə suala ekspert belə cavab verib: “ABŞ-ın bölgədəki qüvvələrinin öz aralarında yekdillik yoxdur. Menbiç bölgəsinə Mərkəzi Kəşfiyyat İdarəsi, Fırat çayının sağ sahilinə isə Pentaqon nəzarət edir. Türkiyə o qurumların hər ikisinin bölgədəki fəaliyyətlərinə qarşı güclü iradə nümayiş etdirib. 1500 nəfərin iştirak etdiyi Soçi konfransında ABŞ-ın iştirak etməməsi regiondakı tarazlığı mühüm dərəcədə dəyişdirə bilər. Türkiyənn Afrin və Menbiçdə keçirəcəyi uğurlu əməliyyatlardan sonra ABŞ-ın “Böyük Orta Şərq” planı tamamilə tarixə qarışa bilər”. Türkiyə prezidenti Rəcəb Tayyib Ərdoğan Amasiya şəhərində keçirilən mitinqdə bildirib ki, məqsəd Afrini işğal etmək deyil: “Hazırda 3 milyondan çox suriyalı Türkiyədə qonağımızdır. Bu suriyalıların torpaqlarına qayıtması üçün Afrin əməliyyatını həyata keçirir, o torpaqları PKK terror təşkilatının Suriya qolu PYD/YPG-dən azad edirik. Biz "Fırat qalxanı" əməliyyatı ilə Suriyada 2 min kv.km ərazini “İŞİD” terrorçularından azad etdik, 100 mindən çox suriyalı o torpaqlara qayıtdı. Qalan suriyalıların da qayıtması üçün ordumuz bu əməliyyatları keçirir".
Anar




 
Bölməyə aid digər xəbərlər
14.11.2018
Mari Le Pen Makron və Merkelə qarşı: Avropa ordusu heç bir halda meydana çıxmamalıdır
14.11.2018
Fransa hökumətində Donald Trampın tənqidi tvitlərinə şərh veriblər
14.11.2018
İsrailin müdafiə naziri Aviqdor Liberman istefa verib
14.11.2018
Merkel Avropa İttifaqının öz ordusunun yaradılması tərəfdarıdır
14.11.2018
Tramp İrana görə Tereza Meyi tənqid etdi

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10473

1 “Xaricdə təhsilimi davam etdirsəm, psixologiya sahəsini seçəcəyəm”
2 “Universitetlərdə rəhbər şəxslərin qapıları tələbələr üçün daim açıq olur”
3 Polşalı şagirdlər Azərbaycan nağıllarına illüsturasiyalar çəkiblər
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info