Tərtərdə 18 aztəminatlı ailəyə biznes qurmaq üçün 83800 manatlıq zəruri mal və materiallar verilib
Tarix: 30.01.2018 | Saat: 15:52:00 | E-mail | Çapa göndər


Prеzidеnt İlhаm Əliyеvin “Əhalinin özünüməşğulluğunun təmin olunması sahəsində əlavə tədbirlər haqqında” 2016-cı il 7 aprel tarixli Sərəncamı dövlət məşğulluq siyasətində keyfiyyətcə yeni bir mərhələ açmaqla, işsiz və işaxtaran şəxslərin ailə bizneslərini qurmalarına, əmək potensiallarının reallaşdırılması yolu ilə gəlirlərini artırmalarına, həmçinin kiçik və orta sahibkarlığın inkişafına xidmət edir. Sərəncamın icrası çərçivəsində Əmək və Əhalinin Sosial Müdafiəsi Nazirliyi tərəfindən 2017-ci ildə Tərtər rayonunda 18 aztəminatlı ailəyə müxtəlif sahələr üzrə öz ailə bizneslərini yaratmaq üçün 83 min 800 manat dəyərində zəruri mal və materiallar verilib.
Bu barədə Tərtər Rayon Məşğulluq Mərkəzinin direktoru Azər Ağayev məlumat verib.
Onun sözlərinə görə, vətəndaşlar verilmiş aktivlər hesabına əsasən kənd təsərrüfatı və xidmət sahələri üzrə ailə təsərrüfatlarını formalaşdırıblar. Həmin ailələrdən 14-ü kənd təsərrüfatı (heyvandarlıq, inkubator və quşçuluq), 3-ü bərbər, 1-i dərzilik üzrə fəaliyyət göstərir. Bu il isə Tərtərdə özünüməşğulluq proqramı çərçivəsində 100-dən çox ailə dövlət dəstəyindən faydalanacaq.
Özünüməşğulluq proqramından yararlanaraq inkubator sexi açan Tərtər şəhər sakini Nurəddin Xanlarov deyib: “Cücə yetişdirmək üzrə biznesimi qurmaq istəyirdim. Bununla əlaqədar rayon Məşğulluq Mərkəzinə müraciət еtdim və lаzımi kömək göstərildi. Təlim kurslarına cəlb olunaraq biznes fəaliyyətinin təşkili ilə əlaqədar zəruri bilik və bacarıqlara yiyələndim. Qiymətləndirmədə üstünlük qazandım. Bundan sonra mənə bir dəfəyə 2000-2500 cücə çıxarmaq qabiliyyətinə malik yetişdirmə aparatı verdilər. Beləcə, öz evimdə cücə yetişdirməklə biznesimi qurmağa başladım”.
Onun dediyinə görə, ötən ilin yaz mövsümündə 20 mindən çox cücə bəsləyib, 3700 manat qazanc əldə edib. Noyabr ayından indiyədək isə inkubatorda 28 min cücə çıxışı olub. Məqsədi gələcəkdə biznesini daha da genişləndirməkdir.
Seydimli kənd sakini Səbinə Məmmədovaya isə öz məşğulluğunu təmin еtmək üçün keçən ilin mart ayında biri yanı balalı olmaqla, üç baş inək verilib. “Ötən müddət ərzində heyvanların sayı artaraq 6-başa çatıb. “Həm ailəmizin süd məhsullarına olan tələbatını ödəyir, həm də süd, qatıq, pendir satmaqla gəlir əldə edirik. Göstərilən bu diqqət və qayğıya görə dövlətimizin başçısına minnətdarlığımı bildirirəm”, – deyə S.Məmmədova vurğulayıb.
Tural




 
Bölməyə aid digər xəbərlər
15.11.2018
110 şəhid hərbi qulluqçu üzrə 135 vərəsəyə birdəfəlik ödəmənin verilməsinə dair qərar qəbul olundu
14.11.2018
“Veysəloğlu”da şirkət əməkdaşlarının tələbə adını qazanan övladları ilə görüş keçirilib
13.11.2018
Özünüməşğulluq proqramı çərçivəsində 50-dən çox ailəyə mal-materiallar təqdim olunub
13.11.2018
“DOST” mərkəzlərinin yaradılması üçün əlavə vəsait ayrılıb
13.11.2018
13 noyabr - Beynəlxalq Gözdən Əlilliyi olan şəxslər Günüdür

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10482

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info