ADPU-da “Ən yaxşı öyrətmə təcrübələri”
Tarix: 30.01.2018 | Saat: 20:06:00 | E-mail | Çapa göndər


Azərbaycan Dövlət Pedaqoji Universitetində (ADPU) mütərəqqi beynəlxalq təcrübənin, innovativ layihə və proqramların öyrənilib həyata keçirilməsinə xüsusi önəm verilir. Bu baxımdan, yanvarın 30-da ADPU-da Amerika Birləşmiş Ştatlarının (ABŞ) Lehingh Universitetinin Fulbrayt təqaüdü üzrə eksperti, professor Jill Sperandionun iştirakı ilə “Ən yaxşı öyrətmə təcrübələri” mövzusunda keçirilən dəyirmi masa diqqəti cəlb edir. Dəyirmi masada ADPU-nun rəhbərliyi, fakültə dekanları, kafedra müdirləri, filial direktorları və müəllimlər iştirak ediblər.
Dəyirmi masanı giriş sözü ilə açan ADPU-nun rektoru, professor Cəfər Cəfərov bildirib ki, xanım Jill Sperandion təhsil siyasəti və idarəçiliyi üzrə tanınmış və nüfuzlu mütəxəssisdir. Dünyanın bir çox ölkələrində uğurla fəaliyyət göstərib. Hazırda professor Jill Sperandion Fulbrayt proqramı çərçivəsində ölkəmizdə çalışır. ABŞ-ın Azərbaycandakı səfirliyinin dəstəyi və əldə edilmiş qarşılıqlı razılıq əsasında xanım Jill Sperandion ADPU-da 4 ay müddətində fəaliyyət göstərəcək. Professor Jill Sperandion universitetdə həyata keçirilməsi nəzərdə tutulan bir çox işlərə dəstək verəcək.
Sonra təqdimatla çıxış edən professor Jill Sperandion qeyd edib ki, ADPU böyük və zəngin tarixə malikdir. Universitetdə həyata keçirilən islahatlar, yeniliklər təhsilin müasir standartlara uyğunlaşması üçün çox vacibdir. Təhsil yalnız faktları öyrənmək, qeydə almaq, yaddaşa köçürmək deyil. Müasir dünyamızda yaddaş məktəbindən, hafizə məktəbindən təfəkkür məktəbinə keçid prosesi gedir. Təhsil- müstəqil, yaradıcı, tənqidi düşünməyi öyrətməkdir. Çağdaş dövrümüzdə cəmiyyət sürətlə inkişaf edir, dəyişir və yeniləşir. Buna görə də cəmiyyətlə birgə təhsil və öyrətmə sistemimiz də dəyişməlidir. Biz XXI əsrin təhsil fəlsəfəsinə uyğun olaraq tələbələrdə azad seçim, ünsiyyət, yaradıcılıq, tənqidi düşüncə və əməkdaşlıq etmək bacarıqlarını formalaşdırmalıyıq. Bu bacarıqları formalaşdırmaqla biz tələbələri daha yaxşı və effektli öyrədə bilər, onların peşəkar və dinamik inkişafını təmin edə bilərik. Professor Jill Sperandion təqdimatında müasir tədris metodları barədə də ətraflı məlumat verib.
Dəyirmi masada təqdimat üzrə maraqlı və səmərəli sual-cavab sessiyası keçirilib. İştirakçıların fəallığı şəraitində keçən dəyirmi masada dosent Eldar Aslanov, professor Buludxan Xəlilov, professor Fərrux Rüstəmov, dosent Şahin Pənahov, professor Müseyib İlyasov, professor İramin İsayev, dosent Əli Zalov, dosent Gülşən Novruzova çıxış edərək professor Jill Sperandionun tədqiqatların nəticələrinə əsaslanan təqdimatını yüksək qiymətləndirərək mövzu ilə bağlı öz fikir və təkliflərini bölüşüblər.
Dəyirmi masanı yekun sözü ilə bitirən rektor Cəfər Cəfərov təqdimatda səslənən fikirlərin, irəli sürülən təkliflərin, vəzifələrin uğurla həyata keçirilməsi, tədris prosesinin səmərəli təşkili və təhsilin keyfiyyətinin yüksəldilməsi üçün öz tapşırıq və tövsiyələrini verib.

Nigar




 
Bölməyə aid digər xəbərlər
26.05.2019
Erməni işğalı Şuşada xalçaçılıq ənənələrini məhv edib
25.05.2019
İspaniyanın Sevilya şəhərində ilk dəfə məscid inşa olunacaq
25.05.2019
Avropa Liqasının final oyunu ilə bağlı azarkeşlər üçün nəqliyyat pulsuz olacaq
25.05.2019
Region gənclərinin dövlət qulluğuna maraq və imkanları artırılacaq
25.05.2019
Heydər Əliyev Mərkəzində “Tarixin şah əsərləri” sərgisi açılacaq

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10788

1 Üç müharibə iştirakçısı olan general-mayor
2 Oqtay Zülfüqarovun uşaq mahnıları müasir aranjemanda səslənəcək
3 “İrəvan quberniyasına aid arxiv materiallarını oxuduqca hiss edirsən ki, buralar döğma torpaqlardır”
4 Erməni əsilli gimnast: Mxitaryanın yerində olsaydım, komandamla birgə Bakıya gələrdim
5 Vahid Rzayev:”Səhər gördük ki, ermənilər arxiv sənədində özlərinə sərf etməyən hissəni qayçı ilə kəsiblər”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info