“Azərbaycanın həyata keçirdiyi layihələr Ələt azad iqtisadi zonasının cəlbediciliyini artırır“
Tarix: 01.02.2018 | Saat: 00:48:00 | E-mail | Çapa göndər


“Ələt azad iqtisadi zonası" haqqında qanun layihəsinin konsepsiyası tamamilə düzgün qurulub”.Bunu “APA-Economics”ə açıqlamasında millət vəkili Vahid Əhmədov qanun layihəsini şərh edərkən deyib.
Onun sözlərinə görə, transmilli enerji, eləcə də beynəlxalq nəqliyyat layihələri, xüsusilə “Bakı Beynəlxalq Ticarət Limanı”nın böyük ərazidə tikilməsi və Qazaxıstanın “Aktau”, Türkiyənin “Samsun” və digər limanların da bu dəhlizə qoşulması layihənin daha da cəlbedici olmasını göstərir.
“Ələt azad iqtisadi zonasının cəlbedici məqamlarından biri də ölkəmizin etibarlı nəqliyyat dəhlizinə çevrilməsidir. Bakı-Tbilisi-Qars dəmiryolunun istifadəyə verilməsi, Şərq-Qərb nəqliyyat dəhlizi ilə yanaşı, Şimal-Cənub nəqliyyat dəhlizinin icrasına başlanması da mühüm amildir. Azad iqtisadi zonaların ən mühüm, üstün cəhəti ondan ibarətdir ki, orda mallar gömrük rüsumlarından, vergilərdən və maliyyə nəzarətinin bəzi formalarından azaddır. Amma bütün bunlara baxmayaraq, yaradılan gömrük orqanları qaçaqmalçılıq və digər qadağan olunmuş malların gətirilməsinin qarşısını almalıdır”, - deyə V. Əhmədov qeyd edib.
Millət vəkili bildirib ki, qanun layihəsində Ələt İqtisadi Zonasının maliyyə mənbələri də öz əksini tapıb: "Bura sahənin icarəyə verilməsi, kommersiya razılaşmaları, investisiya qoyuluşu və digər məsələlər daxildir".
Hazırda dünyada 1000-dən çox azad iqtisadi zonanın olduğunu deyən V.Əhmədov əlavə edib ki, bunların 300-ə yaxını azad ticarət zonalarıdır. Onun sözlərinə görə, dünya ticarət dövriyyəsinin 25%-i məhz bu ticarət zonalarının payına düşür.
"Azərbaycanda bir neçə layihəyə baxılıb, yalnız Ələt İqtisadi zonası daha perspektivli hesab edilə bilər. Avropa ilə Asiyanı birləşdirən Bakı-Tbilisi-Qars dəmiryolu, nəqliyyat-logistika mərkəzinin yaradılması, sərnişin və yükdaşımalarının kəskin artması bu layihəni daha da cəlbedici edir”, - deyə V.Əhmədov vurğulayıb.
Millət vəkili qeyd edib ki, qanun layihəsində investorların hüquqlarının tam qorunması da nəzərə alınıb.




 
Bölməyə aid digər xəbərlər
27.06.2019
Sumqayıtda itkin düşən 18 yaşlı oğlan tapılıb - YENİLƏNİB
26.06.2019
Azərbaycanda mebel istehsalı 46 faiz artıb
26.06.2019
Azərbaycan tolerant ölkədir və milli dəyərlərin qorunub saxlanılmasına böyük önəm verir
25.06.2019
Azərbaycanda vergidən azad edilən malların siyahısı artırılır
25.06.2019
Kiçik və Orta Biznesin İnkişafı Agentliyi və FAO arasında əməkdaşlıq imkanları müzakirə edilib

Şərh əlavə olunmayıb

    ,    
Tural Tağıyev
Namiq Əliyev
Fuad HÜSEYNZADƏ
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10817

1 Yeni naziri kollektivə Ramiz Mehdiyev təqdim etdi
2 Heydər Əliyev və bələdiyyələr
3 Tarix müəllimi Könül Əliyeva: “Əməkhaqqının artırılması bizim əməyimizə verilən böyük qiymət və dəyərdir”
4 Əli Nağıyev DTX rəisi təyin edildi
5 Vilayət Eyvazov daxili işlər naziri təyin edilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info