Seçkilərdə maarifləndirmə və monitorinq aparacaq layihələr maliyyələşdiriləcək
Tarix: 24.05.2013 | Saat: 01:19:00 | E-mail | Çapa göndər


Prezident yanında QHT-lərə Dövlət Dəstəyi Şurası Azərbaycan Xalq Cümhuriyyətinin (AXC) yaranmasının 95 illik yubileyinə həsr olunan elmi-praktik konfrans keçirib. Şura sədri, Milli Məclisin deputatı Azay Quliyev deyib ki, Xalq Cümhuriyyəti indiki Azərbaycanın da müstəqilliyinin əsasını qoyub:
“Xalq Cümhuriyyəti Şərqdə və müsəlman dünyasında ilk parlamentli demokratik respublikadır. Şərqdə ilk dəfə hətta ABŞ və Avropa dövlətlərinin bir çoxundan da əvvəl qadınlara seçmək və seçilmək hüququ Azərbaycanda verilib. Qısa müddətdə Azərbaycanın ərazi bütövlüyü bərpa edilib, ordu qurulub. Xalq Cümhuriyyəti qürur mənbəyimizdir”. Tədqiqatçı-alim Nəsiman Yaqublu çıxışında bölgədəki vəziyyət, İrəvanın itirilməsi, Qafqaz İslam Ordusunun Azərbaycanı azad etməsindən danışıb. Qeyd edək ki, jurnalistlərə açıqlama verən QHT-lərə Dövlət Dəstəyi Şurasının sədri Azay Quliyev deyib ki, şura prezident seçkilərində maarifləndirmə və monitorinq aparacaq QHT layihələrini maliyyələşdirəcək. O bildirib ki, maarifləndirmə ilə bağlı layihədə seçicinin səsvermə zamanı hüquq və vəzifələri təbliğ olunacaq: “İkinci istiqamət isə seçkinin monitorinqinin təşkili ilə bağlı layihədir. Yenilik odur ki, ilk dəfə olaraq, QHT-lər koalisiya şəklində öz layihələrini təqdim edə biləcəklər. Koalisiyada minimum 5 QHT təmsil olunmalıdır. Hər bir layihəyə görə, maksimum maliyyə məbləği 50 min manat olacaq”. Şura sədrinin sözlərinə görə, QHT-lərin qarşısında qoyulan vəzifənin vacibliyi ayrılan məbləğin artırılmasına səbəb olub: “Seçkini monitorinq edəcək QHT koalisiyaları tərəfindən təkliflər 2 mərhələdə qəbul ediləcək. Birinci mərhələdə ilkin layihə barədə məlumat öz əksini tapacaq. Qəbul olunacaq layihələrin sayında heç bir məhdudiyyət yoxdur. Layihələr standartlarla uzlaşacaqsa, təsdiq olunacaq. QHT-lərdən biri - operator kimi çıxış edən QHT-nin rəsmi dövlət qeydiyyatının olması vacibdir”. A. Quliyev layihə gerçəkləşdirəcək koalisiyanın özünün isə dövlət qeydiyyatına alınmasının tələb olunmadığını deyib. Azay Quliyev onu da bildirib ki, bundan sonra layihələr elektron variantda qəbul ediləcək. O, bildirib ki, şura QHT-lərin işinin asanlaşdırılması üçün şura yeni formada layihə və sənəd qəbuluna başlayıb: “İnternet vasitəsilə layihələrin qəbulu prinsipini tətbiq etmişik. Bundan sonra şuraya kağız variantında hər hansı layihə təqdim olunmayacaq. Bütün layihələr və təkliflər elektron formada qəbul ediləcək”.




 
Bölməyə aid digər xəbərlər
22.01.2019
Prezident İlham Əliyev: Bizim hədəfimiz Azərbaycanda müasir infrastruktur yaratmaq və ölkəni müasirləşdirməkdir
22.01.2019
Norika Nikolai: Avropa Parlamentinin bəzi deputatları tərəfindən səsləndirilən bəyanatlar saxtadır
22.01.2019
Bakı Şəhər Baş Polis İdarəsində geniş əməliyyat müşavirəsi keçirilib
22.01.2019
Müdafiə naziri mühəndis və kimya hərbi hissələrində yeni istifadəyə verilən obyektlərlə tanış olub
22.01.2019
Əli Abdalov Mehman Hüseynovla barışıb

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Dərslər təxirə salındı
2 “Mənim güc mənbəyim Bakıdadır”
3 Mehman Hüseynov Prezident İlham Əliyevə müraciət ünvanlayıb
4 Ahmet Gencehan Babiş: “Türkiyənin Azərbaycanın razı olmayacağı bir işdə olması mümkün deyil”
5 Azərbaycanın Birinci vitse-prezidenti Mehriban Əliyeva Nikola Sarkozi ilə görüşüb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info