KXDR hərbi paradda yeni növ ballistik raketi nümayiş etdirib
Tarix: 09.02.2018 | Saat: 01:08:00 | E-mail | Çapa göndər


KXDR Pxenyanda keçirilən hərbi paradda yeni növ “Hvason-15” qitələrarası ballistik raketini nümayiş etdirib. Kim İr Sen adına mərkəzi meydanda keçirilən parad Şimali Koreyanın mərkəzi televiziyası ilə canlı yayımlanıb. TASS xəbər verir ki, tədbirdə iştirak edən KXDR lideri Kin Çen In öz çıxışında nüvə-raket proqramının gələcək inkişafından danışıb. Yaponiya KİV-lərinin məlumatına əsasən, paradda azı 13 min hərbçi iştirak edib. Tədbirdə, həmçinin “Hvason-15” raketi ilə birgə 4 atış qurğusu və bu tipdən olan ballistik raketin əvvəlki modifikasiyası – “Hvason-14” nümayiş olunub. Lakin sualtı qayıqlar üçün nəzərdə tutulan “Pukkıkson-3” (“Qütb ulduzu-3”) yeni ballistik raketi parada çıxarılmayıb. Şimali Koreyanın hərbi paradı Pxençanda Qış Olimpiya Oyunlarının açılışından bir gün öncəyə təsadüf edib. Əvvəlki illərdən fərqli olaraq, tədbirə xarici jurnalistlər dəvət edilməyib. Olimpiada ərəfəsində hərbi güc nümayişinə görə beynəlxalq tənqidlərə məruz qalan rəsmi Pxenyan bunun sırf daxili məsələ olduğunu bildirib. Bundan əvvəl 40 il ərzində Pxenyanda hərbi parad aprelin 25-də - dövlətin banisi Kim İr Senin 1932-ci ildə ilk partizan dəstəsini yaratmasının ildönümündə keçirilirdi. Odur ki, analitiklər paradın qabağa çəkilərək Olimpiya oyunları ərəfəsində təşkil olunmasını siyasi motivlərlə əlaqələndirirlər. Xatırladaq ki, Koreya yarımadasında vəziyyət KXDR-in raket-nüvə proqramının son zamanlar aktivləşməsi səbəbindən ciddi surətdə gərginləşib. Belə ki, ötən sentyabrın 3-də Pxenyan hidrogen döyüş başlığının uğurlu sınağı barədə bəyanat yayıb. BMT Təhlükəsizlik Şurası bu səbəbdən Şimali Koreyaya qarşı beynəlxalq sanksiyaları kəskin şəkildə sərtləşdirib.




 
Bölməyə aid digər xəbərlər
24.09.2018
Moldova Konstitusiya Məhkəməsi Dodonun səlahiyyətlərini müvəqqəti dayandırlb
24.09.2018
Şoyqu açıqladı: Rusiya Suriyaya S-300 kompleksləri göndərir
24.09.2018
Stokholmda Azərbaycan tədris kursları açılıb
24.09.2018
İranda törədilən terror aktı ilə əlaqədar matəm elan edilib
23.09.2018
Düşmənlər İranda vəziyyəti gərginləşdirə bilməyəcəklər

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10139

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 Yalnızlıq qorxusu
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info