“Əlişir Nəvai ümumtürk və dünya ədəbiyyatının tanınmış nümayəndələrindəndir”
Tarix: 09.02.2018 | Saat: 15:40:00 | E-mail | Çapa göndər


Daşkənddəki Nəvai adına Dil və Ədəbiyyat Universitetində “Əlişir Nəvai və 21-ci əsr” mövzusunda elmi-praktik konfrans keçirilib.
Tədbirdə Özbəkistanda fəaliyyət göstərən səfirlər və beynəlxalq təşkilatların nümayəndələri, elm, mədəniyyət və incəsənət xadimləri, bu ali məktəbin professor-müəllim heyəti, tələbələr iştirak ediblər.
Konfransda ölkəmizi Azərbaycanın Özbəkistandakı səfirliyinin birinci katibi, bu qurumun nəzdindəki Heydər Əliyev adına Azərbaycan Mədəniyyət Mərkəzinin direktoru Samir Abbasov və Bakı Dövlət Universitetinin professoru Ramiz Əskər təmsil ediblər.
Universitetin rektoru, professor Şuxrat Sirojiddinov konfransda çıxış edərək böyük özbək şairi Əlişir Nəvainin həyat və yaradıcılığı haqqında məlumat verib, onun Şərq ədəbiyyatındakı yerindən və mövqeyindən danışıb.
Səfirlər və beynəlxalq təşkilatların nümayəndələri öz çıxışlarında Əlişir Nəvaini dünya şöhrətli bir söz ustadı kimi xarakterizə ediblər.
Samir Abbasov böyük şairin Azərbaycan ədəbiyyatına xüsusi rəğbət göstərdiyini bildirib, Əlişir Nəvaini ümumtürk ədəbiyyatının və dünya ədəbiyyatının tanınmış nümayəndələrindən biri kimi təqdim edib.
Bakı Dövlət Universitetinin professoru Ramiz Əskər Əlişir Nəvainin yaradıcılığının Azərbaycanda öyrənilməsi, əsərlərinin nəşri məsələləri ilə bağlı məruzəsi maraqla qarşılanıb. O bildirib ki, Əlişir Nəvai dünya ədəbiyyatı tarixinə türk dilində “Xəmsə” yazan şair kimi düşüb.
Vurğulanıb ki, Əlişir Nəvainin yaradıcılığı ondan sonra gələn Azərbaycan şairləri - Kişvəri, Xətai, Füzuli və başqalarının yaradıcılığına müsbət təsir edib.
Sonra Ramiz Əskər Mahmud Kaşqarinin Azərbaycan dilinə tərcümə etdiyi məşhur “Divani lüğəti-it türk” əsərini rektora təqdim edib.
Konfrans konsert proqramı ilə başa çatıb.
Tural




 
Bölməyə aid digər xəbərlər
23.01.2019
Ermənistanda hər gün cinayətkarlıq artır
23.01.2019
Türkiyə Prezidenti Rusiyada səfərdədir
23.01.2019
Qazaxıstan Respublikasının adı dəyişir
22.01.2019
Paşinyanın inqilabdan sonra Qərbdən maliyyənin sel kimi axacağı xəyalı puç oldu
22.01.2019
Ermənistanda bir ildə korrupsiya ilə bağlı 8 mindən çox fakt qeydə alınıb

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 “Mənim güc mənbəyim Bakıdadır”
2 Mehman Hüseynov Prezident İlham Əliyevə müraciət ünvanlayıb
3 Sədərək uğrunda gedən qeyri-bərabər döyüşdə yurd sevgisi qalib gəldi
4 Əli Abdalov Mehman Hüseynovla barışıb
5 Türkiyə hərbçiləri Suriyada “YPG“ terrorçularına layiqli cavab veriblər


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info