Olimpiadanın açılış mərasimində bütün dünyaya sülh mesajı ünvanlanıb
Tarix: 10.02.2018 | Saat: 02:52:00 | E-mail | Çapa göndər



XXIII Qış Olimpiya Oyunlarının Pxençan olimpiya stadionunda keçirilən açılış mərasimi bir sıra özünəməxsus hadisələrlə, parlaq səhnələrlə yadda qalıb.
AZƏRTAC xəbər verir ki, Oyunların rəsmi açılış mərasimi “Bütün dünyada sülh naminə” devizi altında keçib. Mərasimin gedişində Con Lennonun bütün dünyada sülhü tərənnüm edən “Imagine” mahnısı səsləndirilib. Mərasim iştirakçıları ailə ocağının rahatlığının simvolizə edən şamlar yandırıb, sonra göyərçin formasında düzülüblər.
Tədbirin ssenari müəllifləri əsasən müasir texnologiyalardan istifadə ediblər, belə ki, tamaşaçılar qarşısında rəqəmsallaşmış dünyanın obrazı canlandırılıb. Rəqəmsal texnologiyalar vasitəsilə mediamərkəzə çevrilən arenadan dünyanın bütün guşələrinə bu Oyunların əsas mesajı - bütün dünyada sülh mesajı obrazlı şəkildə çatdırılıb.
Cənubi Koreyadan olan səkkiz idmançı Olimpiya bayrağını arenaya gətirib. Olimpiya məşəlini yandırmaq şərəfi fiqurlu konkisürən – 2010-cu il Olimpiya çempionu, Soçi-2014 Olimpiadasının gümüş mükafatçısı Kim Yon Aya nəsib olub. Olimpiya alovu teleskopik məşəlin köməyilə yandırılıb.
Pxençan-2018 Olimpiadasının açılış mərasiminin unikallığı, həmçinin Cənubi Koreya və KXDR komandalarının idmançıların paradında vahid Koreya bayrağı altında keçməsi olub. Bu, son 12 ildə ilk dəfə baş verib. Vahid Koreya bayrağı əvvəllər Sidney-2000, Afina-2004 və Turin-2006 olimpiadalarında istifadə edilmişdi. Tərəflər arasında soyuqluq yaranması nəticəsində 2006-cı ildən sonra bu ənənə dayandırılmışdı.
Olimpiadanın açılış mərasimində Cənubi Koreya Prezidenti Mun Çe-İn ilk dəfə olaraq KXDR liderinin bacısı Kim Yo Çon ilə görüşüb. İki ölkənin nümayəndələri bir-birinin əlini sıxıblar.
Xatırladaq ki, Olimpiya Oyunları Pxençan ilə yanaşı, Qanqneunq və Ceonqsen şəhərində, ümumilikdə 12 idman obyektində keçiriləcək. Oyunların proqramına 15 idman növü daxildir və idmançılar 102 dəst medal uğrunda mübarizə aparacaqlar.
Pxençan-2018 Olimpiadasında Azərbaycan da təmsil olunur. Ölkəmiz Qış Olimpiya Oyunlarında 1998-ci ildən iştirak edir.




 
Bölməyə aid digər xəbərlər
17.11.2019
Belçikadan darmadağın, San-Marino ilk qolunu vurub
16.11.2019
Yeniyetmə cüdoçularımız Avropa kubokunda bir qızıl, iki bürünc medal qazanıblar
16.11.2019
Azərbaycan komandası seçmə mərhələdə altıncı məğlubiyyətə uğrayıb
16.11.2019
Atletimiz Boyanka Kostova beynəlxalq turnirinin qalibi oldu
16.11.2019
“Bayern“ Münichin yeni baş məşqçisi bilindi

Şərh əlavə olunmayıb

    ,    
Namiq Əliyev
Anar MİRİYEV
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10944

1 Prezident icra başçılarını qəbul edib: “Elə işləməlisiniz ki, xalq sizdən razı olsun”
2 Bölgə müəllimləri yeni layihələr reallaşdırırlar
3 Masallının Əmirtürbə kəndində şəhid Səfərəli Alışovun adı əbədiləşdirilib
4 Bakıda rusiyalı şairə Yekaterina Xlebnikovanın ilk dəfə yaradıcılıq gecəsi keçirilib
5 Prof. Aziz Sancar’dan Özbekistan’a çikarma: Hayalim Türk Birliğini görmek


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info