Moskvada ADR-in yaranmasının 100 illiyinə həsr olunmuş tədbir
Tarix: 10.02.2018 | Saat: 11:24:00 | E-mail | Çapa göndər


Moskva Millətlər Evində Azərbaycan Demokratik Respublikasının 100 illiyinə və Məhəmməd Əmin Rəsulzadənin 134-cü doğum gününə həsr olunan tədbir keçirilib. APA-nın Moskva müxbirinin verdiyi məlumata görə, M.Ə.Rəsulzadə Cəmiyyətinin təşkilatçılığı ilə keçirilən tədbir Moskva və Moskva vilayətində fəaliyyət göstərən Azərbaycan diaspor təşkilatlarının dəstəyi ilə baş tutub.
Tədbiri giriş sözü ilə açan M.Ə.Rəsulzadə Cəmiyyətinin sədri Füzuli Fərəcov tədbirin keçirilməsinə verdiyi dəstəyə görə, Azərbaycanın Rusiyadakı səfiri Polad Bülbüloğluna təşəkkürünü bildirib. O, prezident İlham Əliyevin 2018-ci ili Azərbaycanda "ADR ili" elan etdiyini xatırladıb: "Bu il Şərqdə ilk demokratik dövlət olan Azərbaycan Demokratik Respublikasının yaradılmasının 100 illiyidir. Azərbaycan prezidenti bu möhtəşəm tarixi hadisənin yubileyi ilə bağlı tədbirlərin keçirilməsi ilə bağlı sərəncam imzalayıb. Həm Azərbaycanda, həm də ölkədən kənarda ADR-in 100 illiyi ilə bağlı tədbirlər keçiriləcək. Bizim bu gün ki tədbirimiz də həm ADR-in yaranmasının 100 illiyinə, həm də M.Ə.Rəsulzadənin 134-cu doğum gününə həsr olunub. 15 ildən artıqdır ki, Moskvada fəaliyyət göstərən M.Ə. Rəsulzadə Cəmiyyəti hər il bu tarixi günü qeyd edir. Vətənimizin hüdudlarından kənarda yaşayan azərbaycanlılar bu tarixi hadisə ilə qürur duyurlar".
F. Fərəcov ADR-in yaranması tarixindən də danışıb. O, 23 ay fəaliyyət göstərən ADR-in bu müddət ərzində dövlətçilik adına böyük işlər gördüyünü söyləyib: "Bu günki müasir Azərbaycan məhz 1918-ci ildə qurulan ADR-in varisidir".
Daha sonra M.Ə. Rəsulzadənin həyat və fəaliyyətindən bəhs olunan film nümayiş olunub.
Tədbirdə çıxış edən Rusiya-Azərbaycan parlamentlərarası dostluq qrupunun həmsədri Dmitri Savelyevin köməkçisi Sergey Qordiyev M.Ə.Rəsulzadənin Şərqdə ilk demokratik respublikanın qurucularından biri olduğunu söyləyib. O, Rusiya Dövlət Dumasının deputatı Dmitri Savelyevin tədbir iştirakçılarına müraciətini oxuyub: "Məhəmməd Əmin Rəsulzadə kimi şəxslər hər bir dövlət üçün böyük dəyərdir. Ona görə də, onun xatirəsini əziz saxlamaq olduqca vacibdir".
Rusiyada fəaliyyət göstərən tarixçi alim Əşrəf Hüseynli ADR-in yarandığı dövrdəki tarixi şəraitdən danışıb. Şərqin ilk demokratik dövlətinin qurucularının tarixdə əbədi qalacağını vurğulayan Ə.Hüseynli ADR-in yaranmasında iştirak edən şəxslərin hər birinin xatirəsinin Azərbaycan xalqı üçün əziz olduğunu bildirib.
Tədbirdə çıxış edən görkəmli diplomat, ictimai xadim Ramiz Abutalıbov M.Ə.Rəsulzadənin və cumhuriyyətin digər qurucularının 1920-ci ildən sonrakı faəliyyətindən, mühacirətdə keçirdikləri həyat yolundan danışıb.
Qeyd edək ki, ADR-in yaranmasının 100 illiyinə həsr olunan tədbirdə Rusiya Dövlət Dumasının, Azərbaycanın Rusiyadakı səfirliyinin, Rusiyadakı Azərbaycan diasporunun nümayəndələri, tanınmış ictimai xadimlər, elm adamları iştirak ediblər.




 
Bölməyə aid digər xəbərlər
19.11.2018
Mətbuat Şurası ilə Rusiya Jurnalistlər İttifaqı arasında əməkdaşlıq haqqında Memorandum imzalanıb
19.11.2018
“Azərbaycanda sosial müdafiə sisteminin inkişafı: dünən, bu gün, sabah” mövzusunda müsabiqə elan edildi
19.11.2018
Türkdilli dövlətlərin PR mütəxəssisləri Bakıya gələcəklər
19.11.2018
Qaradağ məktəbliləri “Ölkəmizi tanıyaq” tur-aksiya çərçivəsində yola salındılar
19.11.2018
KİV nümayəndələri “Mazımçay“ gömrük postundakı yeniliklərlə tanış olublar

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Davamli dil siyasəti dövlətin əsas prioritet istiqaməti kimi
3 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info